تازه خبرونه
د زمري ۲۸ د افغانستان د خپلواکۍ له ۹۷ کلیزې سره برابره ده
۹۷ کاله وړاندې د ۱۹۱۹ میلادي په همدې ورځ افغانستان له انګلستان څخه خپله خپلواکي تر لاسه کړه، چې هغه مهال ځوان پاچا امان الله خان د پلار له شهادت وروسته په کابل کې حاکم شوی و.
امان الله خان د خپل سلطنت په لومړیو کې د افغانستان خپلواکي اعلام کړه. مخکې له دې د افغانستان بهرنی سیاست د انګلستان تر رهبرۍ لاندې اداره کیده او هغه هېواد له همدې کبله افغانستان ته هره میاشت باج ورکاوه.
امان الله خان د خپلې واکمنۍ پرمهال د اصلاحاتو داسې بهیرپیل کړ، چې په کې د بشر حقونه خوندي او د ښځو د زدکړې پر آزادې ټینګار وشو.
افغان حکومت او خلک دغه ورځ په شاندارو مراسمو کې نمانځي؛ خو له تېرو څو کلونو راپه دیخوا د دغې ورځې حکومتي مراسم دننه په ارګ کې تر سره کیږي.
ولسمشر محمد اشرف غني نن د خپواکۍ څلي ته د ګلو ګیډۍ کیښوده او په پام کې ده، چې د د دغې ورځې په اړه هم ځانګړې وینا وکړي.
دغه ورځ په ولایاتو کې هم رسمي نمانځل کیږي؛ خو سږکال یې په ننګر هار ولایت کې د ځانګړيو مراسمو تیاری نیول شوی، ځکه، چې امان الله خان او د کورنۍ نور غړي یې د جلال آباد په امیر شهید بڼ کې ښخ شوي دي.
په ننګرهار کې د خپلواکۍ د ۹۷ کلیزې په ویاړ خلکو خپله ټول ښار پرملي بیرغونو پوښلی او هرې لوري ته لکه د اختر خوشحالۍ نمانځل کیږي. ښار تړل شوی او په شېرزي لوبغاړي کې یوازې د افغان تولیداتو یو ستر نندارتون جوړ شوی، چې سلګونه کسان یې لیدو ورځي.
په بلخ كې هم د خپلواكې كليزه په شاندارو مراسمو ونمانځل شوه . د ولايتي شورا يو شمېر غړیو او د دې مراسمو ګډونوالو پر حكومت نيوكه وكړه، چې د دې ورځې نمانځلو ته پاملرنه نه كوي.
دوى وايي، دا ورځ بايد په ځانګړیو مراسمو ونمانځل شي.
د هېواد د خپلواكې نهه اويايمه كليزه په كندز كې هم د ځانګړیو مراسمو په ترڅ كې ونمانځل شوه. د مراسمو وينا والو د دغه ولايت پر اوسني وضعيت اندېښنه وښوده او د حكومت له مشرانو يې وغوښتل، چې خپلمنځی اختلاف يوې خواته كړي او د امنيتي ځواكونو په پياوړتيا كې هڅه وكړي.
شاه امان الله خان د ١٨٩٢م کال په جون میاشت کې پیدا شوی او د۱۹۶۰م کال د اپریل په ۲۵ د سرطان په ناروغۍ په روم کې ومړ. دی له ١٩١٩ م کال څخه تر ١٩٢٩ م کال پورې د افغانستان پا چا و.
شاه امان الله خان د افغانستان د مطبوعاتو د پلار محمود طرزي له لور ثریا سره واده کړی و، چې د خپل وخت لومړنۍ ښځینه وزیره هم وه.
د یادونې وړ ده، چې امان الله خان په لومړي ځل افغان ټولنه د اساسي قانون لرونکې کړه او د دیموکراسۍ زړي یې ښخ کړل.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه5 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه5 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
لوبی1 day ago
راشد خان د افغان بیسیم مخابراتي شرکت رسمي سوداګریز سفیر شو
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره