تازه خبرونه
د ستر غیر اټومي بم کارول د افغانستان پر ملي حاکمیت ښکاره تېری دی
د ننګرهار په اچین ولسوالې کې د داعش پر مرکزونو د امریکا د تر ټولو ستر بم د کارونې په غبرګون کې، چې ویل کیږي یوولس ټنه وزن یې درلود او د بمو مور نومیږي، بېلا بېل غبرګونونه را پارولي دي.
د افغانستان پخوانی ولسمشر حامد کرزی وایي، د افغانستان پر خاوره د امریکا تر ټولو د ستر غیر اتومي بم کارول پر کلکو ټکو غندم؛ ځکه، چې دا کار د افغانستان پر ملي حاکمیت ښکاره تېری دی. دا برید له ترهګرۍ سره د مبارزې لپاره نه، بلکې د امریکایي ګنوژنکیو وسلو د ازمويښت لپاره د افغان خاورې کارول دي.
د ولسي جرګې غړی احمد شاه رمضان هم د امریکا دغه برید له ترهګرۍ سره مبارزه نه، بلکې روسیې ته د امریکایي ځواک ښودنه ګڼي.
د ولسي جرګې غړې مسعوده کروخېل څرګنده کړې، چې دغه ستر بم نه یوازې د داعش د له منځه وړلو لپاره کارول شوی، بلکې د هغو هېوادونو وېرول هم دي، چې د افغانستان په خاوره کې لاسوهنه کوي او د جګړې د غزولو لپاره یې د وسلوالو مخالفینو تمویل او تجهیز ته هم غاړه ایښې ده.
په اچین کې د امریکا د غیر اتومي؛ خو تر ټولو ځواکمن بم له کارونې د افغان وګړیو تند غبرګون هم را پارولی دی.
کابل ښاری سید کمال کټوازی وایي، امریکا ولې د افغانستان د دفاع وزارت له لارې دا کار نه کوي، چې ناڅاپه یې تر سره کوي.
د کابل یو بل ښاري ارشاد ایماق وایي، یوازنۍ وسیله ، چې کولی شي ترهګر له منځه یوسي؛ همدا درانده بمونه دي.
امریکا د افغانستان په ختیځ کې د داعش پر پټنځایونو په داسې حال کې دغه ستر هوايي برید کړی، چې نن په مسکو کې د افغانستان د سولې په اړه سیمه ییزه غونډه روانه ده.
خبریاله: الاهه عمري
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
-
لوبی5 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه5 days ago
په روزګان کې د ماین پاکۍ موسسې یو کارکوونکی د ماین چاودنې له کبله ووژل شو
-
تازه خبرونه3 days ago
د تورخم لار لنډمهاله تړل کیږي
-
نړۍ3 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې