سوداگري
د كانونو وزارت نه شي كولاى، چې د كانونو تړون د داوطلبۍ له بهير څخه پرته لاسليك كړي
د عدليې وزارت وايي، چې افغان ولسمشر د كانونو په قانون كې د افغانستان د عليا او مصلحتونو ګټو ته پر پاملرنې ټينګار كوي.
په تېرو شپږو مياشتو كې د كانونو وزارت د ډېرو هڅو سره سره د كانونو قانون د وزيرانو شورا له خوا دوه ځلې رد شو.
له هغې وروسته د دغو اختلافاتو د حل لپاره بين الوزارتي كمېټه هم جوړه شوه، چې د دغې كمېټې چارې هم بې پاېلې وې.
د شنبې په ورځ ( د کب ۵ ) افغان ولسمشر د وزيرانو شورا په ځانګړې غونډه كې عدليې او كانو وزارت ته دستور وركړى، چې د دغه قانون مسوده جوړه او د وزيرانو شورا راتلونكې ناستې ته، چې پام كې ده د دوشنبې په ورځ جوړه شي د تصويب لپار وړاندې كړي.
د عدليې وزير حبيب الله غالب وايي:
د دغه قانون مسوده ټولو خواوو او د ولسمشر ټولو وړاندېزونو ته په پاملرنه جوړه شوې او د وزيرانو په شورا كې به تصويب شي.
نوموړی همدارنګه زیاتوی، چې يوه جنجالي ماده په دغه قانون كې د يو شركت له خوا د لويو كانونو د كيندنو او استخراج موضوع ده، چې وزيرانو شورا پدې باب هوكړې ته رسېدلي دي.
ښاغلى غالب همدارنګه وايي، چې لدې وروسته د كانو وزارت نه شي كولاى، چې د يو كان تړون كه ډېر كوچنى هم وي د داوطلبۍ له بهير څخه پرته لاسليك كړي.
افغان دولت له څو كلونو را پدې خوا هڅه كوي تر څو د نړيوالو مرستو د بندېدو څخه وروسته د خپلو لګښتونو د پوره كولو لپاره د افغانستان كانونه استخراج كړي.
سوداگري
د صنایعو او سوداګرۍ وزارت چارسمبالي د تاتارستان له ولسمر سره وکتل
د صنایعو او سوداګرۍ وزارت چارسمبالي نورالدین عزیزي په کازان ښار کې د «روسیه – اسلامي نړۍ» د پېنځلسمې نړیوالې اقتصادي ناستې په څنډه کې د تاتارستان له ولسمشر رستم مینی خانوف، د روسیې فډراسیون له مرستیال دیمیتري ولواچ او د تاتارستان د صنایعو او سوداګرۍ وزیر اولیګ کوروبچینکو سره بحث او خبرې وکړې.
د صنایعو او سوداګرۍ وزارت د چارشنبې پر ورځ د غویی شپږویشتمه په ایکس پاڼه کې له دې غونډې خبر ورکړی دی.
د خبرپاڼې له مخې؛ په دې کتنه کې دواړو لوریو پر دوه اړخیزو سوداګریزو مسایلو، په افغانستان کې د روسیې سوداګرۍ خونې جوړېدو، کابل ته د تاتارستان د ولسمشر سفر، د برښنا تولید، د اوبو لېږد، کانونو، فرهنګي او اقتصادي همکاریو، د عملي ګامونو ، دې هېواد ته د روسيې د صادراتي توکو لېږد او جنوبي آسيا ته د ولګا ټرانزيټي لارې خبرې اترې وکړې.
سوداگري
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره
د احصائې او معلوماتو ملي ادارې د چارشنبې پر ورځ ( د غویي شپږویشتمه ) ویلي، چې تېر کال د صادراتو ارزښت ۱ میلیارډ ۷۷۷ میلیون او ۹۰۰ زره ډالرو او د وارداتو ارزښت ۸ میلیارډ او ۵۷۶ میلیون او ۳۰۰ زره ډالرو ته رسېدلی دی.
د دغه رياست د څرګندونو له مخې؛ تېر کال د هېواد په صادراتي توکو کې مېوو له ټولو ډېره ونډه درلوده او د صادراتو ارزښت يې ٦٤٥ ميليون او ٥٠٠ زره امريکايي ډالرو ته رسېده.
دغه راز د درملو بوټي، کاني او منرالي توکي او سابه دوهیم، درېیم او څلورم ځای لري.
تېر کال د هېواد په وارداتي توکو کې نفتي توکي او لبنيات له ټولو ډېره ونډه لرله، چې ټوليز ارزښت يې يو ميليارډ او ٣٧٧ میلیون او ٩٠٠ زره امريکايي ډالرو ته رسېده او په همدې توګه د ماشينرۍ، ټرانسپورټي وسايطو او پرزو يو ميليارډ او ١٥ ميليون او ۹۰۰ زره ډالر ته رسېده او په دوهیم ځای کې د ټوکر، فلزاتو او فلزي محصولات په درېیم او څلورم ځای کې دي.
سوداگري
د سوداګرۍ او صنایعو وزارت چارسمبالی د روسیې تاتارستان ته ولاړ
د صنايعو او سوداګرۍ وزارت چارسمبالی نورالدين عزيزي د یوه پلاوي پر مشرۍ د روسيې او اسلامي نړۍ په پېنځلسمه نړيواله اقتصادي غونډه کې د ګډون لپاره د تاتارستان جمهوريت ته ولاړ.
د صنایعو او سوداګرۍ وزارت څرګنده کړې: د دې وزارت چارسمبالی نورالدین عزیزي د تاتارستان د ولسمشر رستم مینی خانوف پر بلنه د اسلامي امارت د یوه لوړ پوړي پلاوي پر مشرۍ تاتارستان ته سفر وکړ.
ټاکل شوې د روسيې او اسلامي نړۍ پېنځلسمه نړيواله اقتصادي غونډه د روان کال د مې له څوارلسمې څخه تر نولسمې پورې د تاتارستان په پلازمېنه کازان کې جوړه شي.
د انادولي آژانس د څرګندونو له مخې؛ د کازان فورم موخه دا ده، چې په روسیه او ټوله نړۍ کې د اسلامي مالي موسسو پراختیا ته وده ورکړي او پر ګډو نړیوالو پروژو او پروګرامونو راوڅرخیږي.
تمه ده، چې په دې غونډه کې د متحده عربي اماراتو، بحرین، مالیزیا، ترکیې، ایران، لیبیا او د اسلامي همکاریو ټولنې د نورو غړیو هېوادونو د استازو په ګډون له ۸۰ ډېر هېوادونه ګډون وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه