تازه خبرونه
د لوړو زدهکړو وزارت د علمي کدرونو معاشونه زیات شول
د لوړو زدهکړو وزارت د هېواد د لوړو زدهکړو د بنسټونو د علمي کدرونو معاشونه لوړ کړي دي.
په هغه خبرپاڼه کې، چې د دوشنبې پر ورځ ( د وري یویشتمه ) خپره شوې، راغلي:
د پوهاند علمي رتبې معاش له ٣٩ زره څخه ٦٠ زره،
د پوهنوال علمي رتبې معاش له ٣٣ زره څخه ٤٥ زره،
د پوهندوی علمي رتبې معاش له ٢٧ زره څخه تر ۳۸ زره،
د پوهنمل علمي رتبې معاش له ۲۱ زره څخه ۳۰ زره،
د پوهنیار د علمي رتبې معاش له ۱۸ زره څخه ۲۵ زره او د نوماند پوهنیار د علمي رتبې معاش له ۱۳۵۰۰ څخه ۲۰۰۰۰ زره ته لوړ شوی دی.
د دغه وزارت د څرګندونو له مخې، دغه زیاتوالی د ۱۴۰۲ لمریز لېږدیز کال د وري له میاشتې د اجرا وړ دی.
دا په داسې حال کې ده، چې د لوړو زدهکړو وزیر ندا محمد ندیم په کابل کې یوې ناستې ته د وینا پر مهال خبرداری ورکړی؛ ځینې مدرسې یو شمېر خلکو ته جعلي تحصیلي اسناد ورکوي، چې د لیسانس کچې دولتي اسناد پرې ترلاسه کړي. هغه ویلي؛ له هغو کسانو سره به، چې جعلي اسناد ورکوي او یا یې ترلاسه کوي قانوني چلند تر سره شي.