سیمه ییز خبرونه
د ماليې وزارت په اړوند بنسټونو كې سوداگر ستونزې لري
(Last Updated On: لړم ۳, ۱۴۰۱)
د سوداگرۍ او صنايعو خونې چارواكي په ځينو گمركونو او مستوفيتونو كې د فساد پرشتون اندېښمن شوي دي.
د دوي په وينا، كوم بنسټونه، چې له سوداگرو ماليات اخلي، په ځينو مواردو كې بډې غواړي.
د افغانستان د كسب گرو د مركزي شورا رييس محمد حسن سپاهي او د سوداگرۍ خونې عامل پلاوي رييس محمد قربان حقجو وايي:
د ماليې د قانون ځينې مادې د اساسي قانون خلاف دي.
د ماليې وزارت مرستيال سيد مبين شاه وايي:
له فساد څخه د مخنيوي هڅه روانه ده او په هغو بنسټونو كې، چې ماليات اخلي د رڼښت نوي سيستمونه به فعال شي.
د ماليې وزارت له سوداگرو غواړي، چې د ماليې وزارت په اړوند بنسټونو كې د بډو د اخيستو له پېښو سره د مخ كيدو په صورت كې بايد چارواكو ته خبر وركړي.