Connect with us

تازه خبرونه

د ملا برادر پر مشرۍ افغان پلاوی د کازان فورم ته ولاړ

د اقتصادي مرستیالۍ د معلوماتو له مخې؛ پلاوی به د دې غونډې په څنډه کې د بېلابېلو هېوادونو له لوړ پوړو چارواکو سره رسمي لیدنې ولري.

خپور شوی

د

د ریاست الوزراء اقتصادي مرستیالۍ اعلان کړی، چې د ریاست الوزراء اقتصادي مرستیال ملا عبدالغني برادر نن (چارشنبه د غوی څلیریشتمه) تاتارستان جمهوریت ته تللی، چې د کازان په شپاړلسم نړیوال اقتصادي فورم کې ګډون وکړي.

د اقتصادي مرستیالۍ د معلوماتو له مخې؛ پلاوی به د دې غونډې په څنډه کې د بېلابېلو هېوادونو له لوړ پوړو چارواکو سره رسمي لیدنې ولري.

د دې غونډې هدف د روسیې او اسلامي هېوادونو ترمنځ د اقتصادي، سوداګریزو، علمي او کلتوري همکاریو پیاوړتیا ده.

د دې سفر موخه د اقتصادي ښکیلتیا لوړول او د سیمه‌ییزې همکارۍ لپاره د فرصتونو لټول دي.

د کازان فورم د نړیوالو اقتصادي ملګرتیاوو د پیاوړتیا لپاره د یو پلیټ فارم په توګه کار کوي. په ځانګړي توګه د اسلامي نړۍ د هېوادونو ترمنځ او افغان پلاوي ته به د خپلو اقتصادي لومړیتوبونو او پانګونې امکاناتو د وړاندې کولو فرصتونه برابر کړي.

د روسیې ولسمشر ولادمیر پوتین د سې‌شنبې پر ورځ د فورم د پرانیستې غونډې ته په وینا کې ویلي، چې د سختو نړیوالو حالاتو سره – سره مسکو به له اسلامي هېوادونو سره خپلې اغېزمنې همکارۍ ته دوام ورکړي.

ولادیمیر پوتین وایي:” له پېړیو راپدېخوا زمونږ څو توکمیز هېواد د اسلامي نړۍ له هېوادونو سره پراخې همکارۍ ته پرانیستی دی او نن له سختو نړیوالو همکاریو سره – سره مونږ په مؤثره او دوامداره توګه اقتصادي، علمي، تعلیمي، بشري او سیمه‌يیزو اړیکو ته پراختیا ورکوو”.

یو شمېر کارپوهان دا فرصت د افغانستان لپاره ارزښتناک ګڼي، چې له نړیوالې ټولنې سره په ځانګړي توګه له مشترک المنافع هېوادونو سره نور تعامل او همکاري وکړي.

که څه هم روسیه اسلامي امارت پر رسمیت نه‌پېژني؛ خو په وروستیو میاشتو کې یې له افغانستان سره ډیپلوماټیکې اړیکې نورې هم وغځولې، چې په کې د اسلامي امارت نوم د منع شویو ډلو له نوملړه وایستل شو.

شپاړسم نړیوال اقتصادي فورم “روسیه-اسلامي نړۍ”، چې د کازان فورم په نوم هم پیژندل کیږي، په رسمي ډول د سې شنبې په ورځ ( د غویی دړرویشتمه پیل شو او د غویی تر اته‌ویشتمې به روان وي.

تازه خبرونه

د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

Published

on

 

د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.

هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.

Continue Reading

تازه خبرونه

بایدن له افغانستان څخه د امریکايي ځواکونو د ایستلو له پرېکړې دفاع وکړه

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

Published

on

 

د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.

د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړه‌لیک لاسلیک کړی و.

Continue Reading

تازه خبرونه

اروپايي هېوادونو روانډا ته د کډوالو پر لېږدولو هوکړه وکړه

تمه ده دغه هوکړه په ویانا کې اعلان شي.

Published

on

 

ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.

تمه ده دغه هوکړه په ویانا کې اعلان شي.

دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.

د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.

د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حساب‌ورکولو لپاره د روښانه میکانیزم د نشتوالي په اړه اندېښنه ښودلې ده.

روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.

دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.

Continue Reading
Advertisement

Trending

Copyright © 2026 Ariana News. All rights reserved!