Connect with us

تازه خبرونه

د ملبورن ستارس کلب له ظاهر خان سره هوکړه لاسلیک کړه

خپور شوی

د

د آسترالیا ملبورن ستارس کرکت لوبډلې چارواکو په ډاګه کړې، چې د افغانستان د کرکت ملي لوبډلې ۲۱ کلن ظاهر خان به سږ کال د آسترالیا په بیګ باش لوبډلې سره لوبه وکړي.

د ستارس لوبډلې نن په خپله اوبپاڼه کې په ډاګه کړې، چې له دغه کیڼ لاسي افغان لوبغاړي سره یې په بیګ باش لیګ کې د لوبېدو تړون لاسلیک کړی دی.

د میلبورن ستارس په داسې حال کې له ظاهر خان سره تړون لاسلیک کړی، چې دغې لوبډلې تېره اوونۍ د انګلیند له جوني بایرستو او د ویست اندیز نیکولاس پوران سره هم د لوبېدو تړون لاسلیک کړی دی.

ظاهر خان په تېر پړاو کې (بریزین هیت) اته لوبې کړي او دې لوبډلې ته یې اته ویکتې واخیستې او په آی پی ایل کې یې کارایب او د پاکستان سوپرلیګ لوبډلې ته هم لوبی کړې دي.

ظاهرخان زیاته کړې، چې هغه له ستارس لپاره لوبېدلو ته هڅېدلی او دا لوبډله ترې تمه لري، چې نوموړی په راروان لیګ کې ښه ولوبیږي.

نوموړي دا هم ویلي؛ هیله من یم، چې د بیګ باش په پړاو کې ستارس ته لوبه وکړم؛ ښه غښتلې لوبډله ده  او زه له دې کلب څخه مننه کوم، چې ما ته یې د لوبېدو وخت راکړ. مونږ به په ګډه د بریاوو پړاو ولرو.

د ملبورن ستارس روزونکی دیوید هوسي هم له ظاهر خان سره د تړون له لاسلیکه هرکلی کړی دی.

دیوید هوسي ویلي؛ مونږ هیله من یو، چې ظاهر خان په دې پړاو کې له موږ سره وي. د هغه کیڼ لاس مونږ ته بېلابېلې غوراوي را پر برخه کوي. د آدم زامپا، تام اوکانل، کلینت هینچلیف، ګلن ماکسول او کپیتان مو هغه توپ اچوونکي دي، چې مونږ ترې خوښ یو او په ټول پړاو کې به له مونږ سره وي.

دا په داسې حال کې ده، چې د ملبورن ستارس عمومي مدیر نیک کامینز ویلي، چې دا لوبډله څه نا څه د وروستي پړاو لپاره بشپړه شوې ده.

تازه خبرونه

د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

Published

on

 

د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.

هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.

Continue Reading

تازه خبرونه

بایدن له افغانستان څخه د امریکايي ځواکونو د ایستلو له پرېکړې دفاع وکړه

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

Published

on

 

د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.

د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړه‌لیک لاسلیک کړی و.

Continue Reading

تازه خبرونه

اروپايي هېوادونو روانډا ته د کډوالو پر لېږدولو هوکړه وکړه

تمه ده دغه هوکړه په ویانا کې اعلان شي.

Published

on

 

ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.

تمه ده دغه هوکړه په ویانا کې اعلان شي.

دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.

د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.

د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حساب‌ورکولو لپاره د روښانه میکانیزم د نشتوالي په اړه اندېښنه ښودلې ده.

روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.

دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.

Continue Reading
Advertisement

Trending

Copyright © 2026 Ariana News. All rights reserved!