تازه خبرونه
د ملګرو ملتونو د کډوالو عالي کمېشنرۍ مشر افغانستان ته په خپل سفر کې د همکارۍ ژمنه کړې
اسلامي امارت ويلي، چې د کډوالۍ او کورني بې ځایه شویو د ستونزو د ښه حل په موخه یې د ملګرو ملتونو د کډوالو چارو له عالي کمیشنرۍ (UNHCR) سره هوکړه کړې ده.
د ملګرو ملتونو د کډوالو عالي کمېشنرۍ مشر فلیپو ګراندي افغانستان ته د خپل سفر بر دوه یمه ورځ د اسلامی امارت له اړوند چارواکو سره لیدلي او د همکارۍ ډاډ یې څرګند کړی دی.
د اسلامي امارت چارواکو څرګنده کړې؛ د ملګرو ملتونو د کډوالو عالي کمېشنرۍ (UNHCR) په دې اړه د هر راز همکارۍ ژمنه کړې او خپلو اصلي سیمو ته د بې ځایه شویو د ستنیدو او هېواد ته د کډوالو د راستنېدو په برخه کې یې همکارۍ ته چمتووالی ښودلی.
د اسلامي امارت د ویاند مرستیال بلال کریمي هیله لري چې کابل ته د فلیپو ګراندي سفر به د کورنیو بیځایه شویو او راستنېدونکیو کدوالو د ستونزو په حل کې مرسته وکړي.
د ګډوالۍ په چارو کې د ملګرو ملتونو عالی کمیشنرۍ چارواکي ویلی، چې افغانستان ته له راستنیدونکیو افغانانو او په کور دننه بې ځایه شویو افغانانو سره به خپلې مرستې له سره پيل کړی.
افغانستان ته د ملګرو ملتونو د کډوالو په چارو کې عالی کمیشنر فلیپيوګراندي له شپږ میاشتنې ځنډ وروسته کابل ته راغلی او وایي؛ هېواد ته د راستنېدونکیو افغانانو او په کور د ننه له بېلابېلوعواملو له کبله بې ځایه شویو سره به خپلې مرستې پراخې کړي.
هغه زیاته کړې، چې افغانان تر بل هروخت اوس زیاتو بشري مرستو ته اړتیا لري.
هغه زیاته کړې، چې له تېرو ۴ لسیزو راپدیخوا له افغانانو سره مونږ همکاري کوو او دا بهیر به روان وساتو.
د کډوالو په چارو کې د ملګرو ملتونو استازی فلیپيوګراندي وایي: مونږ په تېر کې هم له افغانانو سره مرستې کړې او اوس به هم دا بهیر روان وساتو؛ ځکه، چې افغانان اوس ډېرې همکارۍ ته اړتیا لري.
د افغانستان د کډوالو او راستنیدونکیو چارو وزارت مسوولین وایي؛ هڅه کوي له هغو افغانانو سره همکاري ډېره کړي، چې په دې وروستیو کې هېواد ته راستانه شوي او له بې ځایه شویو افغانانو سره به هم مرستې وشي.
د کډوالو او راستنیدونکیو چارو وزارت ویلې؛ هڅه کوي، چې د بېځایه شویو کسانو لپاره د نړیوالو مرستندویه بنسټونو مرستې نورې هم زیاتې تر لاسه شي.
د کډوالو او راستنیدونکیو چارو وزارت مرستیال محمد ارسلان خروټی وایي: مونږ کوښښ کوو، چې خپلو هغه هېوادوالو ته، چې هېواد ته راستنیږي مرستې برابرې کړو مونږ له یو ان اچ سي ار مننه کوو، چې ورته مرستې برلبروي.
د ملګرو ملتونو دې عالي رتبه چارواکي له عبدالله عبدالله سره هم کتلي دي.
عبدالله عبدالله ویلي، چې په بشري برخه کې د ملګرو ملتونو د کډوالو د عالي کمېشنرۍ مرستې او همکارۍ د افغانانو اړتیاوو ته په کتو سره خورا اغېزناکې دي. هغه له افغانانو سره د نړۍ د مرستو او همکاریو د دوام غوښتنه وکړه.
له بلې خوا د هغو افغان اتباعو وضعیت، چې په تېرو شپږ میاشتو کې د امریکا لخوا قطر، عربي متحده اماراتو او نورو هېوادونو ته لېږدول شوي؛ ناڅرګند دی.
سپینه ماڼۍ په دې اړه وايي، امریکا ته د هغو افغانانو د لېږدولو ژمنه کوي، چې په تېرو شل کلونو کې یې په افغانستان کې له دوی سره همکاري کړې ده.
کډوالي او بې ځایه کېدل له لسیزو راپدیخوا د افغانانو یوه له سترو ستونزو ده.
د نوي حکومت له واکنمیدو راپدیخوا د ملګرو ملتونو د کډوالو عالي کمېشنرۍ (UNHCR) د وضعیت د لا خرابیدو په اړه اندېښنه ښودلې ده. همدې اندېښنو د دې کمیشنرۍ مشراړ کړ، چې کابل ته سفر وکړي او له چارواکو سره د کډوالو په ستونزو خبرې وکړي. د شمېرو له مخې، په تېرو اووه میاشتو کې شاوخوا یو میلیون افغانان ګاونډیو هېوادونو او ترکیې ته تللي دي.
د سپینې ماڼۍ ویانده جین ساکي وایي: مونږ له قطر سره له نږدې کار کوو، چې هلته خپل ډیپلوماټیک حضور وساتي او له ګاونډ هېوادونو سره اړیکې ټينګې کړي؛ پاتې همکار خلک امریکا ته راولېږدوي او زمونږ له ځینو شریکانو او متحدینو سره مرسته وکړي، چې له زمونږ سره ولاړ او زموږ تر څنګ یې جګړه کړې.
د نوي حکومت له راتګ او د بهرنیو مرستو له کمیدو او د بندیزونو له امله په افغانستان کې بېوزلي او لوږه تر ټولو لوړې کچې ته رسیدلې ده.
افغانستان ته د ملګرو ملتونو دعالي کمشینرۍ چارواکو د خپل سفر پر مهال ويلي؛ که څه هم په اوکراین کې د ګډوالۍ د زیاتېدو ستونزه په پراخیدو ده؛ خو ژمنه کوي، چې له افغانانو سره به خپلي همکارۍ جاري ساتي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه1 day ago
په ننګرهار کې د ناکامورا کانال پروژه بشپړه شوه