تازه خبرونه
د مل پاسوال عبدالرازق وژل کیدل بهرني او کورني اړخونه لري- ستانکزی
د افغانستان امنیتي بنسټونو ویلي، چې د کندهار ولایت د پخواني امنیه قومندان مل پاسوال عبدالرازق وژل کیدل بهرني او کورني اړخونه لري، چې پایله به یې ډېر ژر له خلکو سره شریکه شي.
ولسي جرګي د کندهار پخواني امنیه قومندان او په مجلس کې د هلمند د خلکو د یوه استازي د وژل کیدو په تړاو امنیتي مسوولین ولسي جرګې ته د وضاحت ورکولو لپاره ورغوښتي وه.
د ملي امنیت لوی رییس وايي، پر امنیه قومندان د برید طرحه ډېره پېچلې ده، چي طالبان د داسې بریدونو توان نلري او دا برنامه د ګاونډ هېوادونو استخباراتو لخوا طرحه شوې ده.
د ملي امنیت لوی رییس معصوم ستانکزي د دې مطلب د څرګندولو تر څنګ وویل، چې د دې برید طرحه په پاکستان کې جوړه شوې او طالبان د دا ډول بریدونو توان نلري.
نوموړي زیاته کړې، چې په دې تړاو دوه ویشت تنه هم نیول شوي دي.
ښاغلي ستانکزي په دی اړه، چې څنګه نفوذی کس توانیدلی په اړوند مهمې امنیتي ناسته کې وسلوال حضور پیداکړي؛ داسې وویل: دښمنان هڅه کوي، چې خپل نفودي کسان په امنیتي ځواکونو کې ځای پرځای کړي. دغه راز ستره موضوع د ضمانت رامنځته کیدل دي؛ سره له دې، چې دا خبر هم تر لاسه شوی، چې نفوذي کسان په پولیسو کې ګومارل کیږي او ان د امنیت لاسونه تړل کیږي.
کورنیو چارو وزارت ويلي، چې پولیسو په دیارلس پړاوونو کې د امینتي کمرو تصاویر او ټول مدارک او شواهد څېړلي، چې د خلکو ذهنیتونه د ښاغلي اڅکزي د ترور په اړه ګډوډ نشي.
د کورنيو چارو وزیر ویس احمد برمک وایي: برید کوونکی ګلبدین نومیده، چې د غزني ولایت اوسیدونکی و. پولیسو د کندهار برید په اړه ټول شواهد او مدارک په دیارلس پړاوونو کې څېړلې او ملي امنیت ته یې سپارلي دي. دغه برید دننه په هېواد کې نه، بلکې له پلو بهر پلان شوی و.
ملي دفاع وزیر طارق شاه بهرامي ټینګار کوي، چې افغانستان د دښمن له لوړ ګواښ سره مخ دی او د ترهګرو نړیوالو ملاتړیو د خلکو پر وړاندی جبهه نیولې ده.
نوموړي دا هم ویلي؛ هڅه کوو، چې رامنځته شوې تشې ډکې کړو، له خلکو ساتنه وکړو او د خلکو په ملاتړ د سترو دسیسو مخه ونیسو.
هغه زیاته کړې، چې د سترو دسیسو مخنیوی یوازې د پوځیانو کار ندی، خلک باید له خپلو ځواکونو ملاتړ وکړي.
د ولسي جرګې دوه یم مرسیتال امیر خان یار له بشپړ ټینګار سره وايي؛ ترهغې، چې د کندهار پر امنیه قومندان رازق د برید په اړه ټول اړخونه روښانه نشي د خلکو قناعت هم تر لاسه کیدی نشي.
هغه زیاتوي؛ مونږ نه قناعت کوو او نه چوپتیا غوره کوو. باید د مل پاسوال وژونکي د خپلو اعمالو پر جزا ورسیږي او د نورو بریدونو مخه دې هم ونیول شي.
د یادونې ده، چې د ولسی جرګې لخوا امنیتی مسوولین د ټاکنو پر ورځ د امنیت ساتنې له کبله هم وستایل شول.
خبریال: رفیع صدیقي
تازه خبرونه
څار: د ملګرو ملتونو لهخوا د افغانستان د بشري حقونو د ملي راپور منل
تازه خبرونه
مولوي عبدالکبیر د کازان نړیوالې ناستې ته وبلل شو
په کابل کې د روسیې سفیر د ریاست الوزراء سیاسي مرستیال مولوي عبدالکبیر ته په هغه نړیواله غونډه کې د ګډون بلنه ورکړه، چې د دغه هېواد د تاتارستان په کازان ښار کې جوړېږي.
د ارګ د څرګندونو له مخې نن یکشنبه په کابل کې د ریاست الوزراء سیاسي مرستیال مولوي عبدالکبیر د روسیې سفارت له چارسمبالي سره په لیدنه کې پر همکاریو، تعامل او اقتصادي پیاوړتیا ټینګار څرګند کړ.
مولوي عبدالکبیر نوموړي ته د ښه راغلاست تر څنګ له بلنې مننه کړې او څرګندوي، چې له مسکو سره د کابل اړیکې د دواړو خواوو په ګټه دي او کولی شي په سیمه کې د ثبات او پرمختګ سبب شي.
ارګ د روسیې سفارت د چارسمبالي دیمتري ژیرنوف د څرګندونو له مخې ویلي، چې د اسلامي امارت او روسیې د دوه اړخیزو همکاريو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
په دې ناسته کې دیمیتري ژیرنوف زیاته کړې، چې روسیه په بېلابېلو برخو کې له افغانستان سره همکارۍ ته چمتو ده او غواړي د دواړو لورو تر منځ اړیکې نورې هم وغوړېږي.
نوموړي د افغانستان په اړه په نړیوالو ناستو کې د روسیې پر مثبت نظر د ټینګار ترڅنګ زیاته کړې، چې مسکو په مهمو ناستو کې د اسلامي امارت نظر ته ارزښت ورکوي.
ویل کیږي، چې، مولوي عبدالکبیر د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل، چې په افغانستان کې پانګونه وکړي.
تازه خبرونه
په غور کې د سېلابونو له کبله سلګونه خلک بې ځایه شول
د غور ولايت د مهاجرينو چارو رياست ويلي؛ په دې ولايت کې د سې شنبې پر ورځ (د غویي پېنځلسمه) د سېلابونو له کبله يو تن مړ، دوه ټپيان او له ۵۰۰ ډېرې کورنۍ بې ځايه شوې دي.
دغه رياست زياته کړې، چې د غور په مرغاب او چارصده ولسواليو کې د سېلابونو له کبله د مرغاب ولسوالۍ له لس ډېر کلي او د چارصدې ولسوالۍ شپږ کلي زيانمن شوي دي.
د دغه ریاست د څرګندونو له مخې؛ ۵۵ دوکانونه، ۱۰ د استوګنې کورونه ویجاړ شوي او د دواړو ولسوالیو ترمنځ لارې هم تړل شوې دي.
د غور ولايت د مهاجرينو چارو رييس ميراحمد مصمیم ويلي، چې له خپلو اصلي ځايونو څخه کورنۍ د غرونو د لمنو په آزاده فضا کې ژوند کوي او بېړنیو او لومړنيو مرستو ته اړتيا لري.
د میر احمد مصمیم د څرګندونو له مخې؛ شونې ده، چې ځاني او مالي زیانونه نور هم ډېر شي.
-
سیمه ییز خبرونه5 days ago
په هر حال پر رفح برید شونی دی – نتانیاهو
-
تازه خبرونه5 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی5 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ5 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی3 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه18 hours ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه5 days ago
له اسلامي امارت سره په تعامل کې مو ملي ګټې رانغښتي- امریکا