Connect with us

تازه خبرونه

د میدان وردګ امنیه قومندان باید محاکمه شي ـ د حقیقت موندنې پلاوي

خپور شوی

د

(Last Updated On: سلواغه ۱۹, ۱۳۹۹)

د میدان وردګ ولایت د بهسود ولسوالۍ د پېښې د څېړلو پلاوي د دې ولایت د امنیه قومندان الله داد فدایي د دندې د ځنډېدو او محاکمې غوښتنه کړې ده.

د میدان وردګ ولایت د بهسود ولسوالۍ د وروستۍ پېښې د حقیقت موندنې له څوارلس کسیز پلاوي یو غړی اوس وایي، چې خپلې موندنې یې د ملي امنیت شورا ته سپارلي؛ خو امنیت شورا ترې دوه ورځې وخت غوښتی دی.

د بهسود د لومړۍ حصې د ولسوالۍ د حقیقت موندنې پلاوي غړی حسن رسولي وایي، چې پر لاریون کوونکیو د ډزو سپارښتنه امنیه قومندان کړې وه.

د میدان وردګ د بهسود ولسوالۍ ځینې اوسېدونکيو ویلي؛ د ولسي پاڅونوالو او امنیتي ځواکونو تر منځ  په دې ولسوالۍ کې لس ورځنۍ جګړه روانه ده او خبرداری ورکوي، چې که مطلوبې پایلې ته ونه رسېدل؛ ستر ناورین به را منځته شي.

په ولسي جرګه کې د میدان وردګ استازی مهدي راسخ هم خپله بېوسي ښیي او وایي: د پلاوي له راستنېدو وروسته هم جګړه روانه ده. مونږ هم ونشو کولی، چې پر وضعیت حاکم شو.

کورنیو چارو وزارت ویلي، چې د میدان وردګ امنیه قومندان کابل ته راغوښتل شوی او که کومه سرغړونه ثابته شوه، له افرادو سره به د قانون په رڼا کې چلند وشي.

د کورنیو چارو وزارت ویاند  طارق آرین وایي:  اوس هم دا موضوع زمونږ تر کتنې لاندې ده. سلامت او ملامت له بشپړو څېړنو وروسته معلومیږي. مونږ خپلې وروستۍ څېړنې د پلاوي د راپور په رڼا کې تر کار لاندې نیولي دي.  

د بهسود د لومړۍ حصې په ولسوالۍ کې د امنیتي ځواکونو او د علي پور د وسلوالو تر منځ لس ورځې مخکې نښته رامنځته شوې، چې دولس کسان ترې ووژل شول او ۳۱ نور ټپیان دي. په ټپیانو کې  د بهسود د لومړۍ حصې د ولسوالۍ نوی امنیه قومندان او دوه امنیتي مامورین هم شامل دي.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!