Connect with us

تازه خبرونه

د هلمند لښکرګاه ته د طالبانو له ننوتو سره خلکو تېښته کړې

خپور شوی

د

Reuters

د هلمند ولایت په مرکز لښکرګاه ښار کې دننه د وسلوالو طالبانو او امنیتي ځواکونو تر منځ درنده جګړه روانه ده.

له تېري يوې اوونۍ راپدیخوا د هلمند په ګرشک، نادعلي، ناوې، مارجې ولسواليو او د لښکرګاه په باباجي سيمه کي وسلوالو طالبانو د امنيتي ځواکونو پر مرکزونو درانده بريدونه پيل کړي، چي په کي يې لسګونه پوستې هم وسلوالو طالبانو نيولي دي.

په هلمند ولايت کي مدني فعالانو ويلي؛ د تېرې شپې را پدیخوا يو شمېر امنيتي پوستې سقوط شوي او امنيتي ځواکونو سيمې هم پرېښي، چي له دې سره امنيتي کمربند تر لښکرګاه ښاره را نږدې شوى دى.

د هلمند د مدني فعالان د څرګندونو له مخې؛ امنيتي وضعت دومره ترينګلى دى، چي امنيتي ځواکونو ډېرې پوستې خوشي کړي او له کندهار سره د هلمند لویه لار هم تړل شوې ده.

دوى وايي، که تر سبا پوري حالت کنترول نشي ولايت به سقوط وکړي.

د هلمند والي ويلي؛ د وسلوالو طالبانو د ځپلو په موخه يې عمليات پيل کړي، چي په کي لږ تر لږه ٢٠٠ وسلوال وژل شوي دي.

د هلمند والي تورنجرال محمد ياسين خان مني، چي وسلوالو طالبانو پر امنيتي ځواکونو بريدونه زيات کړي؛ خو وايي، چي د دې بريدونو د مخنيوي لپاره يې د وسله والو پر ضد عمليات پيل کړي دي، چي په تېرو لس ورځو کي يې په هوايي او ځمکنيو بريدونو کي ٢٠٠ وسله وال وژلي دي.

د والي په خبره؛ په دې جګړه کي يو شمېر هغه وسلوال طالبان هم برخه لري، چي څه موده وړاندي له امريکا سره د سولي د تړون له مخي خوشي شوي دي.

د دې ولايت د اوسيدونکيو د څرګندونو له مخې: که مرکزي حکومت په هلمند کي خراب امنيتي حالت کنټرول نکړي؛ نو د ٢٠١٦ کال په څير به يو ځل بيا د هلمند ډېرى سيمي د دولت له واکه ووځي.

دا په داسې حال کې ده، چې د هلمند والي محمد یاسین خان د یکشنبې پر شپه په ډاګه کړې، چې د هلمند لپاره د طالب والي مرستیال مولوي غفور، چې د جګړې رهبري کوله؛ نن ماښام د نهر سراج په ولسوالۍ کې د ملي امنیت لخوا نیول شوی دی.

تازه خبرونه

د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

Published

on

 

د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.

هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.

Continue Reading

تازه خبرونه

بایدن له افغانستان څخه د امریکايي ځواکونو د ایستلو له پرېکړې دفاع وکړه

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

Published

on

 

د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.

د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړه‌لیک لاسلیک کړی و.

Continue Reading

تازه خبرونه

اروپايي هېوادونو روانډا ته د کډوالو پر لېږدولو هوکړه وکړه

تمه ده دغه هوکړه په ویانا کې اعلان شي.

Published

on

 

ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.

تمه ده دغه هوکړه په ویانا کې اعلان شي.

دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.

د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.

د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حساب‌ورکولو لپاره د روښانه میکانیزم د نشتوالي په اړه اندېښنه ښودلې ده.

روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.

دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.

Continue Reading
Advertisement

Trending

Copyright © 2026 Ariana News. All rights reserved!