تازه خبرونه
د هندوستان د کرکت نومیالی لوبغاړی له راشد خان سره د لیدنې غوښتونکی شو
د افغانستان غوره توپ اچوونکي راشد خان د سږ کال په آی پی ایل سیالیو کې د حیدر آباد سنرایزر لوبډلې ته په زړه پورې توپ اچونه نندارې ته وړاندې کړه، چې ځینو مینه والو یې د کال غوره توپ اچوونکی نومولی دی.
د هند نومیالۍ پېژندل شوې څېرې د راشد خان مینه وال او ملاتړي ساچن تندولکر نوموړی ستایلی او ځانګړتیا یې خوښه کړې ده.
راشد د نړۍ ښه توپ اچوونکی دی. ما هیڅکله له هغه سره لوبه نده کړې؛ خو څه، چې ما د هغه په اړه لیدلي او اوریدلي د توپ اچونې پر مهال د هغه د توپ بدلونې هنري ځانګړتیا ده، چې ډېر لږ توپ اچوونکي وررسیدلی شي.
د نوموړي د څرګندونو له مخې؛ مونږ فکر نشو کولی، چې د نړۍ غوره توپ اچوونکی به یې څنګه اچوي. ما هیڅکله له هغه سره لوبه نده کړې. کله یې، چې وینم؛ دا هغه اند دی، چې زه یې د نوموړي په اړه لرم.
ساچن تندولکر دا هم ویلي، چې هیله من دی، چې د لوبو په ډګرونو کې له راشد خان سره مخ شي، چې په لوبه کې د توپ اچونې څرنګوالی یې له نږدې وویني.
د هندي کرکت دغه ستوري څرګنده کړې؛ دا مهمه ده، چې توپ په کومه بڼه ونیول شي. توپ اچونکي د خپل توپ د اچونې بڼه پټه ساتي؛ خو څه، چې دوی پټولی نشي هغه د توپ اچونه ده.
نوموړي زیاته کړې؛ دا کار په چټکۍ تر سره کیږي، خو ځینې وختونه توپ اچونه، چې تاسې به ورته په تمه وئ لږ څه ځنډنۍ تر سره کیږي. زه به د راشد خان منډه او د توپ اچونه به وګورم.
ساچن تندولکر زیاته کړې؛ تاسې په هوا کې د توپ له تاویدنې پوهیږئ، ځکه ما له هغه سره لوبه نده کړې او همدا علت دی، چې زه نشم کولی تاسې یې د توپ اچونې له بڼې خبر کړم.
هو! تاسې ور سره له لوبې پرته نه پوهیږئ. شاید زه له هغه څخه غوښتنه وکړم، چې ډګر ته راووځي او ما د توپ اچونې پر بڼه وپوهوي.
د سې شنبې پر ورځ حیدر آباد سنرایزر له دیلي کپیتل سره لوبه وکړه، چې د لوبې په اووه توپونو کې یې د سیال ې لوبډلې لوبډلې درې لوبغاړي له ډګره وویستل او سنرایزر لوبډلې د ۸۸ منډو په توپیر د دیلي لوبډله ماته کړه.
تازه خبرونه
د افغانستان په اړه د «مسکو فارمټ» اتمه غونډه د اوکټوبر پر پېنځمه جوړېږي
د زاخارووا د څرګندونو له مخې، په دې غونډه کې به د افغانستان، روسیې، ایران، چین، هند، پاکستان، قزاقستان، قرغیزستان، تاجکستان او ازبکستان ځانګړي استازي او لوړپوړي چارواکي ګډون وکړي.
د روسیې بهرنیو چارو وزارت ویاندې ماریا زاخارووا ویلي، چې د افغانستان په اړه د« مسکو فارمټ» د مشورتي ناستو اتمه غونډه به د اوکټوبر پر پېنځمه د روسیې په پلازمېنه مسکو کې جوړه شي.
د زاخارووا د څرګندونو له مخې، په دې غونډه کې به د افغانستان، روسیې، ایران، چین، هند، پاکستان، قزاقستان، قرغیزستان، تاجکستان او ازبکستان ځانګړي استازي او لوړپوړي چارواکي ګډون وکړي.
بېلاروس او مصر په دې غونډه کې مېلمانه دي.
د روسیې بهرنیو چارو وزارت ویاندې ویلي، چې د دې هېواد د بهرنیو چارو وزیر سرګي لاوروف به په غونډه کې وینا وکړي.
دغه راز د افغانستان بهرنیو چارو وزیر پر مشرۍ یو افغان پلاوی به د مسکو په غونډه کې ګډون وکړي او ټاکل شوې، چې نوموړی به د غونډې په څنډه کې له لاوروف سره ځانګړې لیدنه هم وکړي.
د زاخارووا د څرګندونو له مخې، د روسیې او افغانستان د چارواکو په دوهاړخیزه لیدنه کې به د دواړو هېوادونو د همکاریو اړوند روانو موضوعاتو په اړه خبرې وشي.
د «مسکو فارمټ» په پراخه غونډه کې به د افغانستان او سیمهییزو هېوادونو ترمنځ د سیاسي او اقتصادي همکاریو، د ترهګرۍ او نشهیي توکو د قاچاق پر وړاندې د سیمهییزو همکاریو د پیاوړتیا په اړه هم خبرې وشي.
زاخارووا زیاته کړې؛ تمه ده، چې د غونډې په پای کې ګډه اعلامیه هم خپره شي.
#آریانانیوز #افغانستان #مسکو #مسکوفارمټ #روسیه #لاوروف #زاخارووا
تازه خبرونه
د پاکستان په هوايي بریدونو کې د کونړ او هلمند ۹ ملکي وګړي «شهیدان» شوي – ذبیح مجاهد
ذبیحالله مجاهد په یوه خبرپاڼه کې ویلي، چې دغه بریدونه د کونړ ولایت د شلتن ولسوالۍ د چوګام او د هلمند ولایت د ګرمسېر ولسوالۍ د صفار په اړوند سیمو کې ترسره شوي دي.
د اسلامي امارت ویاند ذبیحالله مجاهد ويلي، چې تېره شپه د پاکستاني الوتکو د هوايي بریدونو له کبله د کونړ او هلمند په اړوند سیمو کې د ښځو او ماشومانو پر ګډون ۹ ملکي وګړي« شهیدان» شوي دي.
ذبیحالله مجاهد په یوه خبرپاڼه کې ویلي، چې دغه بریدونه د کونړ ولایت د شلتن ولسوالۍ د چوګام او د هلمند ولایت د ګرمسېر ولسوالۍ د صفار په اړوند سیمو کې ترسره شوي دي.
د نوموړي د څرګندونو له مخې، په دغو بریدونو کې ۱۱ کسان نور ټپیان شوي او درې استوګنیز کورونه هم ویجاړ شوي دي.
د اسلامي امارت ویاند دغه بریدونه غندلي او ویلي یې دي:« مونږ دا عمل غندو او د ټولو منل شویو اصولو خلاف یې تېری او جنایت بولو.»
تازه خبرونه
په قطر کې د افغانانو د السیلیه کمپ د تړل کېدو بهیر ۹ میاشتې وځنډول شو
د اسوشیټېډ پرس د راپور له مخې؛ ټاکل شوې وه، چې دا کمپ د چارشنبې پر ورځ د امریکا د مالي کال له پای ته رسېدا سره هممهاله وتړل شي؛ خو یوه امریکايي چارواکي ویلي، چې واشنګټن او دوحې د دې کمپ فعالیت د نهو نورو میاشتو لپاره د غځولو هوکړه کړې ده.
د امریکا ولسمشر ډونالډ ترمپ ادارې په قطر کې د «السیلیه» کمپ د تړل کېدو بهیر د نهه میاشتو لپاره ځنډولی دی. په دې کمپ کې له زر ډېر افغانان، چې له امریکايي ځواکونو سره یې د افغانستان د شل کلنې جګړې پر مهال همکاري کړې؛ مېشت دي.
د اسوشیټېډ پرس د راپور له مخې؛ ټاکل شوې وه، چې دا کمپ د چارشنبې پر ورځ د امریکا د مالي کال له پای ته رسېدا سره هممهاله وتړل شي؛ خو یوه امریکايي چارواکي ویلي، چې واشنګټن او دوحې د دې کمپ فعالیت د نهو نورو میاشتو لپاره د غځولو هوکړه کړې ده.
په کمپ کې ټولټال ۱۰۳۹ افغانان مېشت دي، چې یو شمېر یې د امریکا د شل کلنې جګړې پر مهال د ژباړونکو او په نورو برخو کې له امریکايي ځواکونو سره کار کړی دی. یو شمېر نور یې د امریکايي سرتېرو د کورنیو غړي دي.
د امریکا بهرنیو چارو وزارت تر اوسه د کمپ د فعالیت د غځولو په اړه سمدستي څرګندونې نهدي کړي؛ خو څرګندوي: د داسې حللارې د موندلو هڅه کوي، چې د کمپ د اوسېدونکو امنیت خوندي شي او هغوی وکولی شي له افغانستان څخه بهر نوی ژوند پیل کړي.
د افغانستان په اړه د «مسکو فارمټ» اتمه غونډه د اوکټوبر پر پېنځمه جوړېږي
د پاکستان په هوايي بریدونو کې د کونړ او هلمند ۹ ملکي وګړي «شهیدان» شوي – ذبیح مجاهد
د دوبۍ – تلابیب په الوتنه کې د الوتکې غورځولو هڅه؛ مسافرو یې مخه ونیوله
د افغانستان کرکټ بورډ د چټک توپاچوونکو د استعداد موندنې ملي پروګرام پیلوي
په قطر کې د افغانانو د السیلیه کمپ د تړل کېدو بهیر ۹ میاشتې وځنډول شو
آریانا ټلویزیون د ۲۰۲۶/۲۷ د افغانستان کرکټ لوبو د خپرولو ځانګړی حق ترلاسه کړ
سعودي دلتا شرکت په افغانستان کې د نفتو او ګازو د اکتشاف او پراختیا تړونونه لاسلیک کړل
هرمز تنګي ته نږدې پر بېړیو د امریکا او ایران ترمنځ بریدونه وشول
د پاکستان له طب څانګې د افغان زدهکړیالانو د ایستلو پرېکړه غیرانساني او خواشینوونکې ده – مجاهد
له امریکا پاتې پوځي تجهیزات اوس د افغان دولت دي – اسلامي امارت
تحول: د ملګروملتونو په عمومي غونده کې د افغانستان د استازي نشتوالی
څار: د افغانستان او امریکا د جګړې ارزونه
څار: د ملګرو ملتونو په عمومي غونډه کې د افغانستان انځور
څار: په پاکستان کې د کورني سیاسي بحران د پراخېدو اندېښنه
تحول: د ملګرو ملتونو د یواتیاومې عمومي غوندې پیل
-
تازه خبرونه4 days agoتاجکستان په افغانستان کې له سولې او ثبات څخه پر ملاتړ ټینګار وکړ
-
تازه خبرونه4 days agoد افغانستان بانک او د افغانستان نړیوال اعتباري بنسټ ترمنځ د همکارۍ هوکړهلیک لاسلیک شو
-
تازه خبرونه4 days agoپه نورستان کې د عملیاتو پر مهال ۲۸ وسلوال وژل شوي او ۳۲ نور ونیول شول
-
لوبی5 days agoد افغانستان اتلانو لیګ؛ عمر ځواک هرات طوفان هرات ته ۰- ۱ ماتې ورکړه
-
سیمه ییز خبرونه2 days agoد جګړې د پای ته رسولو نوې هڅې؛ امریکا او ایران له منځګړو سره بېلابېل ولیدل
-
تازه خبرونه2 days agoد ملګرو ملتونو خبرداری؛ مالي کړکېچ ۸.۳ میلیون کډوال له مرستو بېبرخې کولی شي
-
نړۍ3 days agoد صربستان ولسمشر له پارلماني ټاکنو مخکې له دندې ګوښه شو
-
تازه خبرونه2 days agoامریکايي پلاوي د افغانستان جنګ په اړه له عاصم منیر سره ولیدل