Connect with us

تازه خبرونه

د ولسي جرگې او ولسوالیو شوراگانو د ټاکنو نېټه به د دوشنبې په ورځ په ډاگه شي-نورستانی

خپور شوی

د

(Last Updated On: لړم ۲, ۱۴۰۱)

vlcsnap-2016-01-16-15h45m05s193د ټاکنو خپلواک کمیسیون رییس ولسي جرگې ته ویلي؛د ټاکنو له پاره چمتووالي لرو او د تېرو ټاکنو ستونزو ته په پام د کورنيو او نړیوالو بنستونو په سلا مشورو یو لړ اصلاحات راغلي، چېد دوشنبي په ورځ به د ټاکنو نېټه اعلام شي.

 

د ټاکنو خپلواک کمسیون رییسیوسف نورستاني وایي، مونږ به د دوشنبي په ورځ،چې د مرغومي۲۸ده د ټاکنو دترسره کیدو نېټه اعلام کړو.

 

نوموړی زیاتوي؛ پخوا یې هم ټاکنو ته چمتووالی درلود،خو د سیاسي ستونزو له کبله دغه ملي بهیر قرباني او ټاکنې یو کال وځنډیدې.

 

ده په ډاگه کړه،چې اوس حکومت موافق دی،چې ټاکنې تر سره شي.

 

په ولسي جرگه کي د هرات استازی احمد بهزاد وایي، حکومت د ټاکنو د ترسره کولو غوَتونکی دی، خلک او ملي شورا هم د دې غوښتنه لري؛ځکه يي د ټاکنیزو قوانینو د اصلاحاتو او غوراوي کمیټي په اړه د ولسمشر تقنیني فرمانونه رد کړل.

 

د ولسي جرگې ځینې غړي بیا وایی، چې حکومت د ټاکنو د تر سره کیدو اراده نه لري.

 

چه ولسی جرگه کې دفاریاب استازی نقیب الله فایق وایي،د ټاکنو د ترسره کیدو له پاره اراده نشته؛د پردېتر شاه نوري خبری دي،ځکه که حکومت تصمیم درلود،نو د ټاکنو داصلاتو له پار به د تقنینی فرمان پهځاي یې باید یوه طرحه ولسي جرگې ته لیږلي وای.

 

دوه لید لوري دي؛یو قانونياو بل مصلحتي.که قانونيشي،مونږ قانون تصویب کړیاو کمیسیون مو موظف کړي که مصلحتی وي،نو دواړه مشران دېتصمیم ونیسي،د قانون نوم دې نه پرې تپي.

 

د ټاکنو خپلواک کمیسیون بیا د ټاکنو ترسره کیدل په مالي امکاناتو او امنیتی تدابیرو مشروط بولي.

 

دټاکنو خپلواک کمیسیون په داسي حال کې د پارلمانی ټاکنو نېټه اعلاموي،چې لهدېوړاندې کمیسیون په ولسمشریزو ټاکنو کې د تقلب او تخلف له کبله له نیوکو سره مخ و.

 

خبریال: عبدالعزیز کریمي.

 

Advertisement

تازه خبرونه

د یوناما استازې د ایران له بهرنیو چارو وزیر سره وکتل

Published

on

(Last Updated On: غویی ۲۵, ۱۴۰۳)

د ایران بهرنیو چارو وزیر حسین امیرعبداللهیان د یوناما له مشرې سره په لیدنه کې د افغانستان ستونزې “پېچلې” وارزولې او د ” بېلابېلو او څو اړخیزو حل لارو” په اړه یې ټینګار څرګند کړ.

د ایران بهرنیو چارو وزارت په یوه خبرپاڼه کې، چې پرون (دوشنبه د غویی څلیریشتمه) خپره شوې؛ لیکلي، چې په افغانستان کې د ملګرو ملتونو د عمومي منشي استازې ميرمن روزا اوتنبایوا له ډاکټر امیر عبداللهیان سره کتلي او خبرې کړې دي.

په دې خبرپاڼه کې د ایران بهرنیو چارو د وزیر د څرګندونو له مخې لیکل شوي، چې: د افغانستان په کورنیو چارو کې د امریکا د هدفي لاسوهنو غځېدا به د دغه هېواد حالات نور هم پېچلي کړي.

نوموړي ویلي: د افغانستان ستونزې پېچلې دي؛ نو اړينه ده، چې پر څو اړخيزو حل لارو غور وشي.

دا غونډه د دوحې د درېیمې ناستې په څنډه کې جوړه شوې، چې د دوحې له لومړۍ او دوه‌یمې ناستې وروسته به د افغانستان پر وضعیت د ملګرو ملتونو پر کوربتوب جوړه شي.

د ایران بهرنیو چارو وزارت په خبرپاڼه کې راغلي، چې په دې کتنه کې رورا اتونبایوا د امیر حسین عبداللهیان سره د دوحې د درېیمې غونډې په اړه سلامشورې او د نظر تبادله وکړه.

میېرمن اتونبایوا د ایران د حکومت او خلکو له میلمه پالنې او د هغوی د وضعیت د ښه کېدو لپاره له ترسره شویو هڅو د مننې ترڅنګ په افغانستان کې د بشري ناورین په اړه د نړیوالې ټولنې پر بې‌تفاوتۍ نیوکه وکړه.

په افغانستان کې د ملګرو ملتو استازې په افغانستان کې د حالاتو پېچلتیا او د پرمختګونو بهیر تائید کړ او د دغه هېواد د پرمختګ او ثبات لپاره د سیمه‌ییزو فعالانو د بېلابېلو دریځونو پر همغږي کولو یې ټینګار وکړ.

اتونبایوا د ایران د سیمه‌ییزو نوښتونو د اهمیت پر ارزولو د ګاونډیانو د غونډې په چوکاټ کې د ایران د سیاسی هڅو هرکلی وکړ.

دغه راز د افغانستان په چارو کې د ایران سفیر او د ولسمشر ځانګړي استازي حسن کاظمي قُمي له میرمن اوتنبایوا سره په جلا کتنه کې د افغانستان او سیمې واقعیتونو ته د ملګرو ملتونو د ځانګړې استازې د پاملرنې غوښتنه کړې ده.

د دوحې د درېیمې غونډې د نېټې او د هغې د اجنډا په اړه څه ول شوي ندي؛ خو د ملګرو ملتونو له‌خوا د افغانستان لپاره د ځانګړي استازي ټاکل، چې د افغانستان د ستونزې د حل لپاره د دې ټولنې پرېکړه ده، اړینه برخه وي. په داسې حال کې، چې د اسلامي امارت بهرنیو چارو وزارت چارسمبالی امیرخان متقي د افغانستان لپاره د یوناما تر څنګ د بل استازي ټاکل د وخت اړتیا نه بولي.

Continue Reading

تازه خبرونه

ملګرو ملتونو د دې ټولنې په عمومي ناسته کې د افغانستان د رایې حق وځنډاوه

Published

on

(Last Updated On: غویی ۲۵, ۱۴۰۳)

ملګرو ملتونو د دې ټولنې په عمومي ناسته کې د افغانستان او پېنځه نورو هېوادونو د رايې ورکولو حق لنډمهالی ځنډولی دی.

دې ټولنې په اوبپاڼه کې لیکلي، چې افغانستان دې ټولنې ته د کلني غړیتوب حق‌العضویت له پامه غورځولی دی.

دا خبر په ملګرو ملتونو کې د افغانستان دایمي استازولۍ هم تائید کړی دی.

دې ټولنې دا هم ویلي، چې د دې ټولنې د منشور د ۱۹ مادې له مخې: هر هغه غړي هېواد، چې د دوه کلونو یا له دې د ډېر وخت لپاره د غړیتوب حق‌العضویت سپارلی نه‌وي؛ د دې ټولنې په عمومي ناسته کې د رایې ورکولو له حق څخه بې برخې پاتې کیږي.

د ملګرو ملتونو د څرګندونو له مخې؛ افغانستان د ۲۰۲۲ او ۲۰۲۳ کلونو لپاره د غړیتوب حق‌العویت ندی ورکړې له همدې کبله د دې ټولنې پوروړی دی.

د ملګرو ملتونو د غړیتوب کلنی حق العضویت دوه میلیون ډالره دی.

د راپورونو له مخې؛ له دې مخکې په ملګرو ملتونو کې د غړیتوب کلنی حق‌العضویت د افغانستان بهرنیو چارو وزارت پرې کاوه.

د ملګرو ملتونو په اوبپاڼه کې د ورکړ شویو معلوماتو له مخې؛ افغانستان، اکواډور، کومورس، وینزویلا، سومالیا او ساو تومه هغه هېوادونه دي، چې له دوه کلونو پر تېرېدو یې هم د غړیتوب حق‌العضویت ندی ورکړی.

دا په داسې حال کې ده، چې ملګرو ملتونو ټولنې په تېرو دوه کلونو کې د افغانستان د دایمي استازي په توګه د افغانستان د لنډمهالي حکومت یا اسلامي امارت د نومول شوي استازي سهیل شاهین له منلو ډډه کړې ده.

Continue Reading

تازه خبرونه

د افغانستان سیلاب ځپلیو ته مو د مرستو چمتووالی نیولی – ټوماس ویسټ

Published

on

(Last Updated On: غویی ۲۴, ۱۴۰۳)

د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده  کړې ده.

ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.

دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.

د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.

د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.

Continue Reading

Trending

Copyright © 2022 Ariana News. All rights reserved!