تازه خبرونه
د پانگه اچوونکیو له پاره د پانگونې نوې کړنلاره جوړه شوې
د تېر و کلونو په پرتله په روان کال کي د پانگونې کچه راټیټه شوې؛ خو ایسا اداره د دغه کار علت پر حکومت د خلکو بی باوري بولی.
د پانگونې د ملاتړ ادارې رییس محمد قربان حقجو وایي، له مالیی وزارت سره یی د حمایوي تعروفو، ځمکې، برښنا او د ماشین الاتو په وارداتو د تعروفې د معاف کیدو خبري روانې دي او نورې آسانتیاوي هم په نظرکې شته، چې پانگوالو ته ورکړشي.
نوموړی وایي؛ په بلخ، کابل او کندهار ولایتونو کې د پانگونې د امکاناتو یوه طرح جوړه شوې، چې پربنسټ به ېې پانگوالو ته معرفی شي.
دغه اداره وایي، دې ته ورته طرحی به نورو ولایتونو ته هم برابرې شي.
د نوموړي په وینا؛ مونږه ټولو هغو بنسټونو ته، چې د رقابت امکانات لري؛ ملاتړ زیاتوو او ټول تولیدوونکي د رقابت له پاره هڅوو.
د ایسا اداري مسوولین دغه څرگندوني په داسې حال کي کوي، چې ډېرو پانگوالو په افغانستان کې پانگونه کړې؛ خو دولت د همکارۍ په ځای ورته ستونزي کړې دي.
د دې ادارې د مسوولینو په وینا؛ که دولت ورسره همکاري وکړي کورني تو لیدونکي د دې وړتیا لري ، چي پنځوس سلنه د اړتیا وړ کورني تولیدات پوره کړي.
دغه اداره هیله څرگندوي، چې په روان کال کې به د پانگوني لړۍ بېرته چټکه شي.
خبریال:اسلم حجاب.
تازه خبرونه
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
په ګمبیا کې د یکشنبې پر ورځ د اسلامي همکاریو ټولنې د پېنځلسمې سرمشریزې ګډونوالو د افغانستان له اسلامي امارت وغوښتل، چې د افغان نجونو او ښځو د زدهکړو او کار کولو حق ته درناوی وکړي.
د دې غونډې په پای کې دوی د زدهکړو او کار حق د افغان نجونو او ښځو له اساسي حقونو څخه وباله او په دې اړه یې د اسلامي امارت له چارواکو سره د نورو ډېرو بحثونو غوښتنه وکړه.
دغه راز د غونډې ګډونوالو په افغانستان کې د هر اړخیزې حکومتولۍ او تلپاتې سولې او ثبات د خوندي کولو لپاره د قومي ډلو، نشهیي توکو، تروریزم او ټولنیزو ستونزو مخنیوي ته د هڅو پر اړتیا ټینګار څرګند کړ.
د اسلامي همکاریو ټولنې د ۵۷ غړیو هېوادونو استازو په دغه کنفرانس کې، چې د تلپاتې پراختیا لپاره د خبرو له لارې د یووالي او پیوستون پیاوړتیا تر سرلیک لاندې جوړه شوې وه، ګډون کړی و.
د یادونې ده، چې په دې غونډه کې د اسلامي امارت یوه پلاوي ګډون درلود.
تازه خبرونه
څار: د ملګرو ملتونو لهخوا د افغانستان د بشري حقونو د ملي راپور منل
تازه خبرونه
مولوي عبدالکبیر د کازان نړیوالې ناستې ته وبلل شو
په کابل کې د روسیې سفیر د ریاست الوزراء سیاسي مرستیال مولوي عبدالکبیر ته په هغه نړیواله غونډه کې د ګډون بلنه ورکړه، چې د دغه هېواد د تاتارستان په کازان ښار کې جوړېږي.
د ارګ د څرګندونو له مخې نن یکشنبه په کابل کې د ریاست الوزراء سیاسي مرستیال مولوي عبدالکبیر د روسیې سفارت له چارسمبالي سره په لیدنه کې پر همکاریو، تعامل او اقتصادي پیاوړتیا ټینګار څرګند کړ.
مولوي عبدالکبیر نوموړي ته د ښه راغلاست تر څنګ له بلنې مننه کړې او څرګندوي، چې له مسکو سره د کابل اړیکې د دواړو خواوو په ګټه دي او کولی شي په سیمه کې د ثبات او پرمختګ سبب شي.
ارګ د روسیې سفارت د چارسمبالي دیمتري ژیرنوف د څرګندونو له مخې ویلي، چې د اسلامي امارت او روسیې د دوه اړخیزو همکاريو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
په دې ناسته کې دیمیتري ژیرنوف زیاته کړې، چې روسیه په بېلابېلو برخو کې له افغانستان سره همکارۍ ته چمتو ده او غواړي د دواړو لورو تر منځ اړیکې نورې هم وغوړېږي.
نوموړي د افغانستان په اړه په نړیوالو ناستو کې د روسیې پر مثبت نظر د ټینګار ترڅنګ زیاته کړې، چې مسکو په مهمو ناستو کې د اسلامي امارت نظر ته ارزښت ورکوي.
ویل کیږي، چې، مولوي عبدالکبیر د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل، چې په افغانستان کې پانګونه وکړي.
-
تازه خبرونه5 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه1 day ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه18 hours ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه23 hours ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
سوداگري20 hours ago
د ترکمنستان د سوداګرو او صنایعو اتحادیې مشر هرات ته سفر وګړ
-
تازه خبرونه5 days ago
له اسلامي امارت سره په تعامل کې مو ملي ګټې رانغښتي- امریکا