تازه خبرونه
د پاکستان د جمعیت علمای اسلام مشر د یوه پلاوي پر مشرۍ کابل ته راغلی
د پاکستان د جمعیت علمای اسلام مشر مولانا فضل الرحمن د یوولس کسیز پلاوي پر مشرۍ په اسلامآباد کې له مشورتي غونډې وروسته د افغانستان چارسمبالي حکومت ( اسلامي امارت) پر بلنه کابل ته سفر کړی، چې د تحریک طالبان پاکستان پر موضوع او د کابل او اسلامآباد د اړیکو پر ښه کولو به خبرې وکړي.
پاکستاني رسنیو خبر زیاته کړې، چې د دغه هېواد یو شمېر دیني عالمان پرون کابل ته رسېدلي او ویل شوي، چې صلاح الدین ایوبي، مفتي ابرار، مولانا عبدالواسع، سلیم الدین شامزيي، مولانا امدادالله، مولانا ادریس حقاني، ملا جمال الدین محسود او د حقانیه مدرسې نوغړي د مولانا فضل الرحمن سره ملتیا کوي.
پاکستانی ازاد خبریال د راپورونو له مخې، د جمعیت علمای اسلام پاکستان مشر به د اسلامي امارت د رهبر په ګډون د چارسمبالي حکومت( اسلامي امارت ) له لوړپوړو چارواکو سره وګوري او د تحریک طالبان پاکستان یا ټي ټي پي پرموضوع سربیره به د ډيورند کرښې غاړو ته پر امنیت او سوداګرۍ هم خبرې وکړي.
د پاکستانيو رسنیو د راپورونو له مخې، د پاکستان حکومت هیله لري، چې د مولانا فضل الرحمن د مذهبي نفوذ له کبله به ښايي د حکومتونو اړیکې ښې شي او پر پاکستانيو ځواکونو به بریدونه کم شي.
د اسلامي امارت ویاند ذبیح الله مجاهد کابل ته د مولانا فضل الرحمن پر مشرۍ د پاکستاني پلاوي سفر ګټور بللی او وايي، چې دغه سفر کولی شي د دواړو هېوادونو تر منځ کړکېچ راکم او اړیکې ښې کړي.
مولانا فضل الرحمن په داسې حال کې افغانستان ته سفر کوي، چې د ټي ټي پي د بریدونو له کبله د کابل او اسلامآباد اړیکې ترینګلي شوې دي.
د پاکستان لنډمهالي حکومت په داسې حال کې کابل ته د دغه ستر دیني عالم د سفر پایلو ته سترګې پر لار دی، چې د اسلامي امارت له پرلهپسې غوښتنو سره – سره پخپل دریځ ټینګ ولاړ دي او د افغان کډوالو جبري ایستل یې روان ساتلي دي.
تازه خبرونه
له ټولې نړۍ سره سیاسي او اقتصادي اړیکې غواړو- د اسلامي امارت رهبر
د لوی اختر په درشل کې د افغانستان اسلامي امارت رهبر شیخ هبة الله اخوندزاده په خپل اختریز پیغام ویلي، چې لنډمهالي حکومت د اسلامي شریعت په چوکاټ کې د نړۍ له ټولو هېوادونو سره د سیاسي او اقتصادي اړیکو ټینګولو غوښتونکی دی.
نوموړي په دې اړه ویلی: اسلامي امارت له ټولې نړۍ او په ځانګړي توګه له اسلامي هېوادونو سره د شریعت په چوکاټ کې سیاسي او اقتصادي اړیکې غواړي او په دې برخه کې یې خپل مسوولیت ترسره کړی دی.
د اسلامي امارت مشر له ټولو هېوادوالو وغوښتل، چې د اسلامي نظام ساتنه او خدمت وکړي.
د پیغام په یوه برخه کې راغلي، چې واک ته له رسېدو وروسته اسلامي امارت د ټولو افغانانو امنیت او حقوق خوندي مړي، اسلامي شریعت پلی دی او د هېواد له خاورې ساتنه کیږي.
نوموړي په دې اختریز پیغام کې د نجونو لپاره له شپږم ټولګي پورته د ښوونځیو، لیسو او پوهنتونونو د پرانستې په اړه څه ندي ویلي؛ خو د ديني مدرسو د پراختيا په برخه کې د لازمو تدابير له نيولو ډاډ څرګند کړې دی.
دغه راز نوموړي د افغانستان په بېلابېلو ولایتونو او سیمو کې د سیلابونو له کبله د اوښتو زیانونو په اړه خواخوږي څرګنده کړې ده.
همدا راز د اسلامي امارت رهبري پلاوي د هېواد له سوداګرو وغوښتل، چې له زیانمنو شویو سره له هر ډول همکارۍ او مرستې څخه ډډه ونکړي.
تازه خبرونه
په کابل کې د یړک غاړې خوړو په اړه ځانګړی راپور
تازه خبرونه
له شپږم پورته د نجونو د زدهکړو له ځنډېدا ۱۰۰۰ ورځې بشپړې شوې
میرمن روسیل ویلي: پوهنه یوازې فرصتونه نه برابروي، بلکې نجونې په کوچنیتوب کې له ودونو، خوارځواکۍ او نورو روغتیايي ستونزو څخه هم ژغوري او له ناورینونو لکه ناڅاپي سیلابونو، وچکالۍ او زلزلو پر وړاندې، چې افغانستان ورسره په پرلهپسې ډول مخ دی؛ زغم پیاوړی کوي.
د ملګرو ملتونو د ماشومانو ملاتړ ادارې یا یونیسف ويلي؛ نن پنجشنبه د غبرکولي څلیریشتمه په افغانستان کې له لومړنۍ دورې څخه د پورته دورو د نجونو د زدهکړو د ځنډ زر ورځې بشپړې او درې میلیارډ درسي ساعتونه ضایع شوي دي.
د یونیسف اجرائیوي رییسې کاټرین روسیل په دې اړه ویلي: د یو نیم میلیون نجونو لپاره دغه سیټماتیک محرومیت نه یوازې د هغوی د زدهکړو له حق څخه ښکاره سرغړونه ده، بلکې د فرصتونو د کمېدو او د هغوی پر رواني روغتیا یې هم ناسمه اغېزه کړې ده. د ماشوماشونو په ځانګړي توګه نجونو د زدهکړو حق، ژوند، راتلوونکی، هیلې او خوبونه باید باید د سیاسي پرېکړو یرغمل نشي.
د ملګرو ملتونو د ماشومانو ملاتړ ادارې اجرائیوي رییسې ویلي، چې پر نجونو د زدهکړو بندیز یوازې نجونې نه زیانمنوي، بلکې روان بشري بحران نور هم سختوي او د افغانستان اقتصاد او د پرمختګ لار له جدي انشعاباتو سره مخ کوي.
میرمن روسیل ویلي: پوهنه یوازې فرصتونه نه برابروي، بلکې نجونې په کوچنیتوب کې له ودونو، خوارځواکۍ او نورو روغتیايي ستونزو څخه هم ژغوري او له ناورینونو لکه ناڅاپي سیلابونو، وچکالۍ او زلزلو پر وړاندې، چې افغانستان ورسره په پرلهپسې ډول مخ دی؛ زغم پیاوړی کوي.
نوموړې وایي؛ په افغانستان کې د دې ادارې کارکوونکي افغان ماشومانو ته د ملاتړ لپاره ډېرې هڅې کوي او د خپلو شریکانو پر ملتیا د لومړنیو ښوونځیو د ۷ اعشاریه ۲ میلیون ماشومانو او کلیوالي ټولګیو ۶۰۰ زره ماشومانو ته، چې له درې څخه دوه برخې یې نجونې دي د زدهکړو امکانات برابروي او هم ښوونکیو ته روزنه ورکوي او په دې هېواد کې د زدهکړو د بېخبناوو د بهیر د دوام لپاره خپلې هڅې نه سپموي.
میرمن روسیل ویلي: لکه څنګه، چې مونږ د دې تریخ او سخت پړاو یادونه کوو؛ زه د حاکمو چارواکو [طالبانو] څخه غوښتنه کوم، چې اړوند نجونو ته دې سمدستي د زدهکړو د بېرته پیلېدو اجازه ورکړي. زه له نړیوالې ټولنې څخه هم غواړم، چې د دغو نجونو د ملاتړ لپاره دې له بل هروخت څخه ډېر بوخت پاتې شي. هیڅ کوم هېواد کله، چې نیمايي نفوس یې شاته پریښی وي پرمخ نشي تللی.
د ښوونځیو د پرانیستلو انلاین کمپاین
یونیسف ادارې په افغانستان کې د طالبانو د حکومت لهخوا د نجونو پر زدهکړو د بندیز د زرو ورځو پوره کیدو پر مهال دغه اعلامیه په داسې حال کې خپره کړې، چې د بشري حقونو او د نجونو او ښځو د زدهکړو د ملاتړ دوه بنسټونو “اقراء ” نومی انلاین کمپاین پیل کړی دی.
د زغم بنسټ مشرې شهرزاد اکبر په ایکس پاڼه کې د دغه کمپاین د پیل په اړه ویلي، چې د جون پر څوارلسمه زر ورځې پوره کېږي، چې افغان نجونې له خپل انساني او شرعي حق زدهکړو څخه بې برخې دي. مونږ د نجونو د ښوونځیو د بیا پرانیستو لپاره یو غږ پورته کوو او د ‘اقراء’ کمپاین ستاسې پر ډاډ پیلوو.
شهرزاد اکبر له افغانانو غوښتي، چې د ښوونځیو د بېرته پرانیستلو لپاره دې دا غږ ورسره بدرګه کړي.
ټاکل شوې، چې په دې انلاین کمپاین کې به دغه دوه بنسټونه د هغو نجونو نظریات شریک کړي، چې د افغانستان په ۳۴ ولایتونو کې یې پرهغوی د زدهکړو د اغېزو په اړه ورسره خبرې کړې دي.
د نجونو د زدهکړو او د ښځو د حقونو یوه فعاله شفیقه خپلواک ددغه کمپاین د پیل پرمهال په یو ویډیوي پیغام کې ویلي، چې دغو نجونو په خبرو کې یو ګډ خبره دا وه، چې له دغه وضعیت څخه د وتلو لپاره نجونې د خپلو هغو افغانانو په تمه دي چې ددغه بندیز پر وړاندې خپل غږ اوچتولی شي او د هغوی پر وړاندې د بندو ښوونځیو دروازې په پرانیستلو کې مرسته کولی شي.
دغو بنسټونو له افغانانو غوښتي چې د نجونو د تعلیم مسله دې په خپلو حجرو، جوماتونو او د کوردننه مطرح کړي او له زدهکړو د بېبرخو نجونو د غږ په اوچتولو کې دې همکاري وکړي.
اسلامي امارت د ۲۰۲۱ کال د اګست پر ۱۵ په کابل کې له بیا واکمنېدو وروسته د نجونو د منځیو ښوونځیو او لیسو دروازې وتړلې او زدهکړې یې تر بلې سپارښتنې وځنډولې.
دغه راز د ۲۰۲۲ کال د ډسمبر په میاشت کې د نجونو پر مخ د پوهنتونونو او لوړو زدهکړو دروازې هم وتړل شوې او زدهکړې یې له خنډ او ځنډ سره مخ شوې.
د اسلامي امارت چارواکو ویلي؛ د نجونو د منځنیو ښوونځیو او لیسو پر زدهکړو بندیز دایمي ندی او لنډمهالې بڼه لري، چې د اړوند ستونزو له حل وروسته به د مساوي زده کړو زمینه برابره شي.
-
لوبی5 days ago
هند په ۲۰ اوریز نړیوال جام کې پاکستان ته د لږ نمرو پر توپیر ماتې ورکړه
-
تازه خبرونه4 days ago
بریکس د افغانستان د کړکیچ پر سمدستي حل ټینګار څرګند کړ
-
تازه خبرونه4 days ago
اروپايي ټولنې له افغانانو سره د مرستې لپاره ۱۵۰ میلیون یورو ځانګړې کړې
-
سوداگري3 days ago
له یوه ایراني شرکت سره د تېلو پر معیاري چاڼخونې خبرې وشوې
-
تازه خبرونه4 days ago
له ۸۰ ډېر افغانان پاکستان ته د ناقانونه اوښتو پر تور ونیول شول
-
نړۍ5 days ago
د اسرائیلو د جګړې د کابینې وزیر ګوښه شو
-
سیمه ییز خبرونه2 days ago
په کویټ کې د اورلګیدنې له کبله ۴۹ کارګران مړه شوي
-
لوبی2 days ago
هند له امریکا لوبه وګټله او د ۲۰ اوریز نړیوال جام دوهیم پړاو ته یې ګام پورته کړ