تازه خبرونه
د پاکستان د لومړي وزیر مرستیال د دوحې له هوکړې هرکلی وکړ
اسحاق ډار د خبرو اترو په آسانولو کې د قطر او ترکیې له رغنده رول او د دوی له هڅو ستاینه وکړه.
د پاکستان د لومړي وزیر مرستیال او بهرنیو چارو وزیر اسحاق ډار له هغې هوکړې، چې تېره شپه (د شنبې پر شپه د تلې شپږویشتمه) په دوحه کې د هوکړه لیک پر لاسلیکولو پای ته ورسېده؛ د سیمهییزې سولې او امنیت پر لوري د یوه ګام په توګه، هرکلی کړی دی.
اسحاق ډار د خبرو اترو په آسانولو کې د قطر او ترکیې له رغنده رول او د دوی له هڅو ستاینه وکړه.
هغه د ترکیې پر کوربتوب په راتلونکې غونډه کې د رڼې او باوري څارنې د میکانیزم د رامنځته کولو پر اړتیا هم ټینګار وکړ.
دا هوکړه د سیمهییزې سولې، ثبات او همکارۍ پر لور یو اړین ګام دی او هیله ده، چې بشپړ پلي کول به یې په سیمه کې امنیت او یووالي ته وده ورکړي.