تازه خبرونه
د پاکستان د پوځ ستر درستيز د سعودي له دفاع وزیر سره وکتل
د سعودي عربستان دفاع وزیر شهزاده خالد بن سلمان بن عبدالعزیز د دوشنبې پر ورځ د سعودي عربستان په پلازمېنه ریاض کې د پاکستان د پوځ له ستردرستیز جنرال قمر جاوید باجوه سره پر پوځي مسایلو او سیمه ییز ثبات خبرې کړې دي.
د سعودي خبري آژانس څرګنده کړې، دواړو لوریو پر دوه اړخیزو اړیکو او په ځانګړي توګه پوځي او دفاعي اړخونه څېړلي او د ګډې اندېښنې پر مسلو سربېره یې د امنیت او ثبات د ساتلو لپاره د ګډې همکارۍ د پیاوړتیا په اړه هم بحث کړی دی.
شهزاده خالد ویلي؛ نن مې له خپل ورور جنرال قمر باجوه سره ولیدل او د دوه اړخیزو اړیکو، پوځي همکاریو او د سیمه ییزامنیت د ساتلو لپاره مو پر ګډ دریځ ټینګار کړی دی.
دا پداسې حال کې ده، چې د دواړو متحدینو ترمنځ له اوږدې مودې راپدیخوا اړیکې خړې پړې شوي او دا ناسته هم له “مخکې پلان شوې وه” خو یوشمېر راپورونه په ډاګه کوي، چې ریاض د کشمېر په سیمه کې د عربستان د څرګندونو په اړه د اسلام آباد نارضایتۍ د کمولو هڅه کړې.
د دې میاشتې په سر کې د پاکستان د بهرنیو چارو وزیر شاه محمود قریشي له اسلامي همکاریو سازمان څخه وغوښتل، چې د دې مسلې په اړه یوه غونډه جوړه کړي.
په هر حال سعودیان بریالي شوي ندي، چې دا کار ترسره کړي او دې کار د اسلام آباد کلک غبرګون راپارولی دی.
قریشي خبرداری ورکړ که او ای سي یا OIC ل دوی سره مرسته ونکړي؛ نو پاکستان به د اسلامي هېوادونو سره غونډه وکړي “چې غواړي د کشمیر په مسله کې د دوی ملاتړ تر لاسه کړي.”
د هغه په وینا، پاکستان تېرکال په مالیزیا کې د سعودي عربستان په کوربتوب په یوه غونډه کې له ګډون انکار وکړ.
د باجوه د سفر په اړه ډېر لږ جزئیات خپاره شوي؛ خو دیپلوماتیکې سرچینې وايي؛ له ریاض څخه په لیدنه کې جنرال د پاکستان د استخباراتو له مشر فیض حمید سره مل دي او تمه کیږي، چې دواړه د سعودي له لوړ پوړیو چارواکو سره هم وګوري.
د پاکستان اردو د دوشنبې پر ورځ څرګنده کړې، چې باجوه د دې هېواد له ستر درستیز الراولي بن فرهاد بن ترک السعود سره د پوځي روزنې او پوځي اړیکو په اړه اندونه ښکاره کړي دي.
د پاکستان د پوځ ویاند بابر افتخار پرون ریاض ته د باجوه له روانیدو دمخه خبریالانو ته ویلي؛ د جزئیاتو “چمتو کولو ته اړتیا نشته او “د خدای شکر، چې هرڅه سم دي.
ښاغلي افتخار زیاته کړې چې پاکستان او خلک یې له سعودي عربستان سره “په خپلو اړیکو ویاړي” او په اړه یې پوښتنې ته هم اړتیا نشته.
پاکستان تېره میاشت له چین څخه د یو ميلیارد دالرو مرستې غوښتنه کړې وه.
د پاکستان د مالیې وزارت تېره اوونۍ تائید کړه، چې ریاض د تېلو د کریدیت تاسیساتو غزولو لپاره د اسلام آباد غوښتنه په پام کې نیسي، چې د جولای په میاشت کې پای ته ورسیده.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه