تازه خبرونه
د پاکستان عبدالولي خان پوهنتون افغان ښځو ته ۵۰ بورسونه ورکوي
د پاکستان د خیبر پښتونخوا عبدالولي خان پوهنتون څرګنده کړې، چې افغان ښځو ته به ۵۰ بورسونه ورکړي.
د دغه پوهنتون د مالي چارو رییسې شایسته ارشاد امریکايي خبري آژانس دی میدیا لاین ته ویلې: راتلونکی کال به د افغان ښځینه محصلینو لپاره نور بورسونه هم برابر کړو. ښځینه محصلین کولی شي د پوهنتون د اوبپاڼې له لارې نوملیکنه وکړي.
د دغه خبری آژانس د راپور له مخې؛ د دوشنبې پر ورځ په خیبر پښتونخوا صوبه کې عبدالولی خان پوهنتون او خیبر طبی پوهنتونونو چارواکو په پېښور کې د افغانستان قونسلګرۍ له مرستیال سره د لیدنې پر مهال د افغان محصلینو د روزنې پرېکړه وکړه.
د خیبر طبي پوهنتون مرستیال ضیاء الحق افغان چارواکو ته ډاډ ورکړ، چې دا پوهنتون د فزیوتراپي او فارمسي په ګډون په ټولو څانګو کې د افغان محصلینو د داخلې هرکلی کوي او د هغوی د داخلې اسانتیاوې به برابروي.
د دغه پوهنتون ویاند عالمګیر خان ویلي: د دې پرېکړې موخه د جنګ ځپلي افغانستان د روغتیايي ستونزو د اواري لپاره د روزل شویو طبي پرسونل له شتوالي سره مرسته ده.
هغه زیاته کړې: مونږ پرېکړه کړې، چې د عمومي طب او غاښونو طب په ګډون په ټولو ځانګو کې له افغان زدهکوونکیو څخه هم هومره فیس واخلو، چې له پاکستانيو زدهکوونکیو یې اخلو. د لومړي ځل لپاره افغان محصلینو په ځانګړي توګه ښځینه محصلینو ته د داخلې زمینه برابره شوې، چې له دې فرصت څخه ګټه پورته کړي. مونږ د داخلې لپاره کومه ونډه نهده ځانګړې کړې. ټول افغان محصلین، چې راځي منل کیږي. زمونږ وړاندیز د ټولو افغان محصلینو لپاره دی، هغه که په پاکستان کې وي او که افغانستان.
عالمګیر خان زیاته کړې: دې ادارې د افغان چارواکو له غوښتنې سره سم دا پرېکړه کړې او پلاوي یې له مونږ سره لیدلي دي. د خوښۍ ځای دی، چې افغان چارواکو په ځانګړي توګه د ښځو د لوړو زدهکړو په برخه کې خپل ملاتړ څرګند کړی. افغان پلاوي د ښځو د ښوونې او روزنې په برخه کې واقعا خوشبینه او مناسب چلند درلود. د افغان چارواکو له غوښتنې سره سم به په کابل کې د خیبر طبي پوهنتون د استازولۍ دفتر جوړ شي او په دې برخه کې یې خپل بشپړ ملاتړ اعلان کړی دی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د غزې په شمال کې د قحطۍ خطر ډېر دی
-
سیمه ییز خبرونه2 days ago
امریکا دې د بشري حقونو په اړه دوه ګوني سیاست ودروي – ترکیه