تازه خبرونه
د کابل هوايي ډګر د ځانمرګي برید پلان جوړوونکی ونیول شو- ټرمپ
دغه راز اکسیوس دا کس “محمد شریف الله” یاد کړی او څرګندوي، چې پاکستان په دې وروستیو کې هغه د سي آی ای د معلوماتو پر بنسټ نیولی او وال سټریټ ژورنال هغه “یو افغان وسلوال” ګڼلی دی.
پرون (سېشنبه د کب څوارلسمه) د امریکا ولسمشر ډونالډ ټرمپ کانګرس ته په خپله لومړۍ وینا کې څرګنده کړې؛ امریکا د پاکستان په همکارۍ یو ترهګر نیولی، چې د ۲۰۲۱ کال په اګست کې یې د کابل هوايي ډګر مخې ته مرګوني برید رهبري کړی دی.
دغه راز اکسیوس دا کس “محمد شریف الله” یاد کړی او څرګندوي، چې پاکستان په دې وروستیو کې هغه د سي آی ای د معلوماتو پر بنسټ نیولی او وال سټریټ ژورنال هغه “یو افغان وسلوال” ګڼلی دی.
ټرمپ د وینا پر مهال یو ځل بیا له افغانستان څخه د امریکا د وتلو پر بهیر نیوکه کړې او دا یې “د امریکا په تاریخ کې تر ټولو شرمونکې شېبه” یاده کړې ده.
هغه مخکې هم ژمنه کړې وه، چې د ۲۰۲۱ کال د کابل په هوايي ډګر کې د ځانمرګي برید عاملین به عدالت ته راکاږي؛ ویلي، چې د دې برید یو عامل به “په امریکا کې د عدالت توره” وویني.
وال سټریټ ژورنال “محمد شریف الله” د داعش د غړي په توګه یاد کړی، چې د اګست ۲۰۲۱ کال د کابل په هوايي ډګر کې د مرګوني ځانمرګي برید په تنظیمولو کې یې لاس درلود.
په دې مرګوني برید کې د کابل نړیوال هوايي ډګر څخه د تخلیې د عملیاتو په جریان کې ۱۳ امریکایي سرتېري او له ۱۷۰ څخه ډېر افغان ملکي وګړي وژل شوي دي.
دا پېښه د امریکا د پوځي شتون په وروستیو پړاوونو کې یو له خونړیو بریدونو څخه ګڼل کیږي. د داعش ډلې له برید یوه ورځ وروسته مسؤولیت پرغاړه واخیست او ادعا یې وکړه، چې د “عبدالرحمن لوګري” په نوم یو کس له امنیتي خنډونو تېر شو، امریکایي ځواکونو ته نږدې یې ځانمرګی برید ترسره کړ.
ډونالډ ټرمپ په خپلو څرګندونو کې د نیول شوي کس د هویت یا په دې قضیه کې د پاکستان د همکارۍ په اړه نور جزئیات ور نهکړل.
ټرمپ د بریدګر په نیولو کې د پاکستان د حکومت د مرستې له کبله مننه وکړه او هغه یې “وحشی” وباله.
د امریکا ولسمشر دا هم ویلي؛ د روسیې ولسمشر ولادمیر پوتین، چې له افغانستان څخه یې د امریکا د وتلو ننداره کړې؛ دا د ځان لپاره د یو فرصت په توګه ګوري.
د FBI رییس کش پټل دا خبر تائید کړه او وایي، چې دې ادارې او د مرکزي استخباراتو ادارې (CIA) تېره شپه دغه کس ترلاسه کړی دی.
هغه په ایکس پاڼه کې ولیکل: “لکه څنګه، چې ولسمشر ټرمپ په دې وروستیو کې اعلان وکړ؛ زه کولی شم راپور ورکړم، چې نن شپه FBI، DOJ او CIA یو له هغو ترهګرو څخه نیولی، چې له افغانستان څخه له شرموونکي وتلو پرمهال په آبي دروازه کې د ۱۳ امریکایی سرتېرو د وژنې مسوول و.”
پټل زیاته کړې، چې له دې اقدام سره امریکایي سرتېري او د هغوی کورنۍ “عدالت” ته یو ګام نږدې شوي دي.
تازه خبرونه
پاکستان بېاسناده افغان کډوالو ته د جولای تر لسمې د وتلو وروستۍ نېټه وټاکله
د پاکستان کورنیو چارو وزارت ولایتي ادارو، د پولیسو مشرانو او د اسلامآباد ادارې ته لارښوونه کړې، چې دا پرېکړه عملي کړي. د جولای له لسمې وروسته به د بېاسناده افغانانو پر ضد عملیات پیل شي او هر هغه څوک، چې معتبر قانوني اسناد ونهلري؛ وبهنیول شي.
پاکستان بېاسناده افغان کډوالو ته د جولای تر لسمې پورې له دغه هېواده د وتلو وروستۍ نېټه ټاکلې او چارواکو ته یې سپارښتنه کړې، چې له دې نېټې وروسته په ټول هېواد کې د هغو افغانانو پر ضد پراخ عملیات پیل کړي، چې قانوني اسناد نهلري.
د پاکستان کورنیو چارو وزارت ولایتي ادارو، د پولیسو مشرانو او د اسلامآباد ادارې ته لارښوونه کړې، چې دا پرېکړه عملي کړي. د جولای له لسمې وروسته به د بېاسناده افغانانو پر ضد عملیات پیل شي او هر هغه څوک، چې معتبر قانوني اسناد ونهلري؛ وبهنیول شي.
د جولای له یوولسمې څخه به ولایتي ادارې هره ورځ د کورنیو چارو وزارت ته راپورونه استوي، چې په کې به د موندل شویو بېاسناده افغانانو شمېر، د هغوی پر وړاندې ترسره شوي اقدامات او قانوني یا توقیفي وضعیت شامل وي.
د کورنیو چارو وزارت دا عملیات لومړیتوب بللی او د هېواد پر کچه یې په دې اړه د بېړنيو هڅو غوښتنه کړې ده.
دا پرېکړه په داسې وخت کې کیږي، چې د امنیتي اندېښنو له کبله د افغانستان او پاکستان ترمنځ اړیکې ترینګلې دي.
پاکستاني چارواکي تل ادعا کوي، چې وسلهوالې ډلې د افغانستان له خاورې پر پاکستان بریدونه تنظیموي؛ خو اسلامي امارت دا ادعاوې پرلهپسې رد کړې دي.
تازه خبرونه
یوناما پر افغانستان د پاکستاني پوځ په وروستيو هوايي بریدونو کې د ۷۷ کسانو مرګ او ژوبله تائید کړه
دې بنسټ په یوه خبرپاڼه کې لیکلي، چې د دغو بریدونو په قربانیانو کې ښځې او ماشومان هم لیدل شوي دي.
د افغانستان لپاره د ملګرو ملتونو مرستندویه پلاوي(یوناما) د پاکستاني پوځي رژیم په وروستیو هوايي بریدونو کې د پکتیا، پکتیکا او کونړ ولایتونو د ۲۸ ملکي وګړو وژنه او د ۴۹ نورو ټپي کېدل تائید کړي دي.
دې بنسټ په یوه خبرپاڼه کې لیکلي، چې د دغو بریدونو په قربانیانو کې ښځې او ماشومان هم لیدل شوي دي.
د یوناما د څرګندونو له مخې، د پکتیا د څمکنیو ولسوالۍ په هوايي برید کې ۲۲ ملکي وګړي وژل شوي او ۴۷ نور ټپیان دي. همدارنګه د پکتیکا د ګیان ولسوالۍ په برید کې شپږ ملکي وګړي وژل شوي او د کونړ د مرورې ولسوالۍ په برید کې دوه ماشومان ټپیان شوي دي.
یوناما په دې خبرپاڼه کې د ملکي وګړو پر خوندیتوب او د نړیوالو قوانینو پر درناوي ټینګار کړی دی.
دا په داسې حال کې ده، چې د اسلامي امارت د څرګندونو له مخې، د پاکستاني پوځي رژیم په هوايي بریدونو کې ۳۶ ملکي وګړي شهیدان شوي او ۱۶۳ نور ټپیان دي.
تازه خبرونه
په کابل کې د پاکستان شارژدافیر احضار شو؛ اسلامآباد ته د هوايي بریدونو په تړاو پرېکنده اعتراض وړاندې شو
د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.
د افغانستان اسلامي امارت بهرنیو چارو وزارت ویلي، چې په کابل کې یې د پاکستان د سفارت شارژدافیر احضار کړ او د افغانستان د هوايي حریم د نقض او د کونړ، پکتیا او پکتیکا ولایتونو د ملکي وګړو پر کورونو د بریدونو پهاړه ورته پرېکنده اعتراض وړاندې شوی دی.
د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.
دغه بریدونه د اسلامي امارت لهخوا له نړیوالو اصولو، بشري قوانینو او ملي حاکمیت څخه ښکاره سرغړونه بلل شوې او پر سختو ټکو یې غندلي دي.
د اسلامي امارت د څرګندونو له مخې، پاکستان له دې وړاندې هم د ځینو امنیتي پېښو او چاودنو په تړاو افغانستان بېله معتبره شواهدو تورن کړی او دا ډول کړنې د دواړو هېوادونو ترمنځ د باور فضا ته زیان رسوي او د زور له لارې د ستونزو د حل تګلاره ناکامه بلل کېږي، چې د سیمهییز ثبات لپاره منفي پایلې لري.
-
International Sports2 days agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه3 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
تازه خبرونه3 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
تازه خبرونه2 days agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
څار3 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
سیمه ییز خبرونه2 days agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
-
تازه خبرونه1 day agoپه افغانستان کې د پاکستان د وروستيو هوايي بریدونو له کبله ملکي وګړو ته مرګ او ژوبله اوښتې
-
لوبی2 days agoافغانستان او ازبکستان په خوست کې دوستانه شلآوریزه لوبه کوي
