تازه خبرونه
د یو شمېر ولایتونو وروستۍ پایلې اعلاموو- د شکایتونو کمیسیون
ټاکنیزو شکایتونو ته د لاسرسي کمیسیون خبرداری ورکوي، چې که د ټاکنو خپلواک کمیسیون د پاتې ولایتونو لومړنۍ پایلې ژر اعلام نکړي؛ کیدی شي دوی د یو شمېر ولایتونو وروستۍ پایلې اعلام کړي.
د ټاکنیزو شکایتونو کمیسیون د هغو ولایتونو شکایتونو ته پر لاسرسي کار کوي، چې د ټاکنو خپلواک کمیسیون یې لومړنۍ پایلې اعلام کړې دي.
د ټاکنیزو شکایتونو کمیسیون د دارالانشا منشي علي رضا روحاني وايي، چې د یو شمېر ولایتونو د لومړنیو پایلو ځنډولو د دوی چارې له ستونزو سره مخ کړې دي. که دغه ځنډ اوږد شي؛ مونږ به د یو شمېر ولایتونو وروستۍ پایلې اعلام کړو.
د ولسي جرګې له ټاکنو شاوخوا دوه نیمې میاشتې تېریږي؛ خو د ټاکنو کمیسیون ندی توانیدلی، چې د ټولو ولایتونو لومړنۍ پایلې اعلان کړي.
تر اوسه د ټاکنو خپلواک کمیسیون د کابل او بغلان ولایتونو لومړنۍ پایلې ندي اعلان کړي.
د ټاکنو خپلواک کمیسیون د ویاند مرستیال ذبیح سادات وايي، چې د کابل د ټاکنو اویا په سلو کې معلومات په سیستم کې ذخیره شوي او د همدې اوونۍ په لړ کې به د کابل پایلې هم اعلان شي.
د ټاکنو څارونکي بنسټونه بیا وايي، چې د ټاکنو خپلواک کمیسیون کاري او تخنیکي کمزورۍ به پر را روانو ولسمشریزو ټاکنو هم ناوړه اغېز وکړي.
د افغانستان د رڼو ټاکنو بنسټ غړی حبیب شینواری وایي؛ لدې ټولو ننګونو سره سره بیا هم کمیسیون شته او ولسمشریزې ټاکنې اغېزمنولی شي.
دا په داسې حال کې ده، چې د ټاکنو خپلواک کمیسیون د پکتیا ولایت لومړنۍ پایلې د یکشنبې پر مازیګر اعلام کړې او وایي، چې د پاتې دوه ولایتونو( کابل او بغلان) لومړنۍ پایلې به هم ډېر ژر اعلام شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ