Connect with us

تازه خبرونه

روسیه د اړینو مسلو د حل لپاره له اسلامي امارت سره خبرې روانې ساتي – کرملین

خپور شوی

د

د کرملین ویاند ويلي؛ مسکو له اسلامي امارت سره د خبرو په حال کې دی او د افغانستان له اوسنیو مشرانو سره د خبرو لپاره اړین مسایل لري.

د کرملين وياند دیمیتري پیسکوف وايي؛ روسيه بايد له خپل ګاونډ افغانستان سره له هرې شونې لارې اړیم مسایل حل کړي.

دیمیتري پیسکوف زیاته کړې؛ مسکو په دې اړه له اسلامي امارت سره خبرې کوي او مهم مسایل لري، چې د افغانستان له اوسنیو مشرانو سره پرې خبرې وکړي.

پیسکوف وايي: دا یو داسې هېواد دی، چې زمونږ تر څنګ دی او مونږ له هغوی سره په هره ممکنه طریقه اړیکه لرو. مونږ باید اړینې مسلې حل کړو،  چې خبرو اترو ته هم اړتیا لري. د نورو په څېر مونږ هم له طالبانو (اسلامي امارت) سره په اړیکو کې یوو.

له دې مخکې د روسیې بهرنیو چارو وزارت څرګنده کړې وه، چې د ترهګرو له نوملړ څخه د اسلامي امارت د نوم د ایستلو په اړه کار کوي او وروستۍ پرېکړه یې د روسیې د مشرتابه کار دی.

اسلامي امارت د روسانو دا هڅې ګټورې ګڼي او د باور او سیمه‌ییزې همکارۍ د رامنځته کولو لپاره د خنډونو لرې کول ښه چاره بولي.

که څه هم د کرملین ویاند د اړینو مسلو په اړه جزئیات ورنکړل؛ خو د افغانستان لپاره د روسیې ځانګړي استازي ضمیر کابلوف ټینګار کړی، چې مسکو له کابل سره په ترهګرۍ ضد مبارزه کې منظمې همکارۍ لري.

له دې سره همهاله ضمیر کابلوف ویلي؛ اسلامي امارت ته بلنه ورکړ شوې، چې د روسیې د کازان په نړیواله غونډه کې ګډون وکړي.

ټاکل شوې دغه غونډه د روان کال د مې له څوارلسمې څخه تر نولسمې په کازان کې جوړه شي؛ اسلامي امارت تر اوسه پدې اړه څه ندي ویلي.

تازه خبرونه

افغانستان په قطر کې د مرګوني چاودنې له قربانیانو سره خواخوږي وښوده

د یادونې ده، چې د یکشنبې ورځې په دې چاودنه کې لږ تر لږه ۱۳ کسان وژل شوي او ۶۶ نور ټپیان دي.

Published

on

 

د افغانستان بهرنیو چارو وزارت د قطر د رأس لفان په صنعتي ښار کې د مایع طبیعي ګاز د پروسس په مرکز کې د شوې چاودنې له کبله، چې لسګونو کسانو ته په کې مرګ او ‌ژوبله اوښتې، له قطر سره خواخوږي ښودلې ده.

د بهرنیو چارو وزارت په خبرپاڼه کې د قطر له دولت او ولس او د پېښې د قربانیانو له کورنیو سره خواخوږي څرګنده کړې او ټپیانو ته یې د بشپړې روغتیا هیله کړې ده.

د یادونې ده، چې د یکشنبې ورځې په دې چاودنه کې لږ تر لږه ۱۳ کسان وژل شوي او ۶۶ نور ټپیان دي.

Continue Reading

تازه خبرونه

په کابل کې د قطر سفارت د افغانستان او نړیوالې ټولنې د اړیکو په اړه ناسته وکړه

په خبرپاڼه کې راغلي، خبرې د افغانستان او نړیوالې ټولنې ترمنځ د اړیکو پر راتلونکي او د دغو اړیکو د ملاتړ او پیاوړتیا پر لارو چارو راڅرخېدلې دي.

Published

on

 

په کابل کې د قطر سفارت د افغانستان او نړیوالې ټولنې د اړیکو په اړه د ګردي مېز د ملګرو ملتونو او د افغانستان بهرنیو چارو وزارت د استازو په ګډون یوه ناسته جوړه کړې ده.

د قطر سفارت د خبرپاڼې له مخې، په دې ناسته کې د یوناما چارسمبالې جورجټ ګانیون، د یوناما د سیاسي چارو مشر سکاټ سمیت، د بهرنیو چارو وزارت دوه‌یم سیاسي رییس ذاکر جلالي او د سټراټیژیکو مطالعاتو مرکز رییس عبدالحی قانت ګډون درلود.

په خبرپاڼه کې راغلي، خبرې د افغانستان او نړیوالې ټولنې ترمنځ د اړیکو پر راتلونکي او د دغو اړیکو د ملاتړ او پیاوړتیا پر لارو چارو راڅرخېدلې دي.

Continue Reading

تازه خبرونه

بلجیم د اروپايي ټولنې په ناسته کې د اسلامي امارت د پلاوي د ګډون لپاره ویزه صادره کړه

د بلجیم بهرنیو چارو وزارت ویاند ویلي، ویزه یوازې د بلجیم لپاره او د یوې ورځې په موده کې اعتبار لري او د امنیتي لاملونو له کبله د سفر کره نېټه هم نه اعلانېږي.

Published

on

 

بلجیم اعلان کړی، چې د اسلامي امارت پېنځه کسیز پلاوي ته یې د اروپايي ټولنې د کډوالۍ په اړوند ناسته کې یې د ګډون لپاره ویزه صادره کړې ده. دا لومړی ځل دی، چې اروپايي ټولنه په افغانستان کې د اسلامي امارت له بیا واکمنېدا وروسته د هغو د استازو کوربه‌توب کوي.

د بلجیم بهرنیو چارو وزارت ویاند ویلي، ویزه یوازې د بلجیم لپاره او د یوې ورځې په موده کې اعتبار لري او د امنیتي لاملونو له کبله د سفر کره نېټه هم نه اعلانېږي.

رویټرز د دوه اروپايي چارواکو د څرګندونو له مخې راپور ورکړی، چې د دې پلاوي ویزه یوازې سې‌شنبې( د جون درویشتمه) لپاره اعتبار لري.

ویل شوي، اروپايي کمیسیون تېره میاشت د اسلامي امارت چارواکي بروکسل ته وربللي وه، چې د افغان کډوالو د بېرته ستنولو په اړه خبرې ورسره وکړي.

اروپايي کمیسیون ټینګار کړی، چې دا ناسته یوازې تخنیکي ده او د اسلامي امارت د رسمیت پېژندلو معنا نه‌لري.

د کمیسیون ویاند مارکوس لامرت ویلي، غړي هېوادونه د هغو کسانو د بېرته ستنولو لارې چارې ارزوي، چې سخت جرمونه یې کړي یا امنیت ته ګواښ بلل کېږي او دا ناسته هم په همدې تړاو جوړېږي.

د رویټرز له لوري د لیدل شوي لیک له مخې، چې د اسلامي امارت د بهرنیو چارو وزارت ویاند عبدالقهار بلخي ته استول شوی؛ د خبرو اصلي محور د هغو افغان وګړو بېرته ستنول او بیا منل دي، چې په اروپايي ټولنه کې د استوګنې حق نه‌لري.

Continue Reading
Advertisement

Trending

Copyright © 2025 Ariana News. All rights reserved!