Connect with us

سوداگري

روسیه غواړي خپل طبیعي ګاز د افغانستان او پاکستان بازارونو ته ولېږدوي

خپور شوی

د

(Last Updated On: مرغومی ۸, ۱۴۰۱)

د روسیې لومړي وزیر مرستیال څرګنده کړې، چې هېواد یې غواړي طبیعي ګاز د منځنۍ آسیا یا ایران له لارې افغانستان او پاکستان ته ولېږدوي.

پر روسیې د لویدیځ بندیزونو دا هېواد اړ کړی، چې د خپلو طبیعي ګازو د پلور لپاره مناسب بازار ومومي. له همدې کبله روسیه غواړي خپل طبیعي ګاز د افغانستان او پاکستان بازارونو ته صادر کړي.

د روسیې لومړي وزیر مرستیال الکساندر نوواک تاس خبري آژانس ته په مرکه کې څرګنده کړې؛ روسیه کولی شي په اوږدمهال کې خپل طبیعي ګاز د منځنۍ آسیا یا ایران له لارې افغانستان او پاکستان ته ولېږدوي.

د روسیې لومړي وزیر مرستیال الکساندر نوواک ویلي؛ که مونږ له ژور لید څخه خبرې وکړو، د منځنۍ آسیا د زیربنایي پروژو له کارولو یا د ایران له لارې، دا ممکنه ده، چې افغانستان او پاکستان ته ګاز صادر کړو. دا پدې معنا ده، چې مونږ به دوی ته له سیمې څخه ګاز ورکړو.

د اقتصادي کارپوهانو د څرګندونو له مخې؛ په افغانستان کې د سیمې له هېوادونو څخه د هرې اقتصادي پروژې رسیدل به په افغانستان کې د پانګونې باور زیات کړي.

اقتصادي شنونکی عبدالناصر رشتیا وايي: هره هغه سیمه ییزه پروژه، چې د افغانستان له لارې پلې کېږي او د سیمې هېوادونو ته لېږدول کېږي، کولی شي په افغانستان کې د پانګونې اعتبار لوړ کړي. له بلې خوا د جنوبي آسيا هېوادونه انرژۍ ته سخته اړتيا لري. د روسیې په ګډون د منځنۍ آسیا هېوادونه د روسیې پر وړاندې د بندیزونو له کبله د نویو بازارونو په لټه کې دي.

دغه راز د ازبکستان او پاکستان استازیو هم هوکړه کړې، چې د افغانستان له لارې د ترانزیت لپاره خپلې دوه اړخیزې او ګډې پانګونې او سوداګري زیاته کړي.

د اقتصادي چارو کارپوه شبیر بشیري وايي: که مونږ په افغانستان کې پر نسبي ډول ترانزیتي او ترانسپورتي اسانتیاوې برابرې کړو؛ کولی شو افغانستان له دغو پروژو څخه د پام وړ ګټه پورته کړي.

روسیه په داسې حال کې د ې پلان ته چمتوالی نیسي، چې افغانستان هم د لویدیځ تر سختو اقتصادي بندیزونو لاندې دی. اسلامي امارت چارواکو په وار وار ټینګار کړی، چې افغانستان په سیمه کې په یوه ستر اقتصادي او ترانزیتي مرکز بدلوي.

سوداگري

افغانستان او پاکستان د سوداګرۍ او ټرانزیټ په برخه کې د همکارۍ هوکړه وکړه

Published

on

(Last Updated On: وری ۹, ۱۴۰۳)

په کابل کې د پاکستان سفارت چارسمبالي عبیدالرحمن نظاماني د چارشنبې پر ورځ ( د وري اتمه ) نا وخته په یوه ویډیویي پیغام کې څرګنده کړې، چې په کابل کې پاکستاني پلاوي د اسلامي امارت له چارواکو سره د ګډو ګټو د خوندیتابه او دوه اړخیزې سوداګرۍ د اسانتیاوو رامنځته کولو لپاره هوکړه کړې ده.

دغه پلاوی دوه ورځې مخکې د پاکستان د سوداګرۍ وزارت د مرستیال محمد خرم اغا پر مشرۍ کابل ته راغلی و.

د پاکستان سفارت چارسمبالي زیاته کړې، چې افغانستان ته د پاکستاني پلاوي سفر بریالی و.

عبید الرحمن نظاماني دغه سفر له افغانستان سره د دوه اړخیزې سوداګرۍ او ټرانزیټ په برخو کې د ځواکمنو اړیکو د رامنځته کولو لپاره د پاکستان د ښو هڅو ښکارندویي کوي.

هغه ویلي، دواړو خواوو هوکړه کړې، چې د ګډو ګټو لپاره به ګډ کار کوي. افغانستان او پاکستان په یو شمېر برخو کې د دوه اړخیزې سوداګرۍ او ټرانزیټ لپاره د اسانتیاوو پر برابرولو هوکړه وکړه.

د پاکستان د سوداګرۍ وزارت د مرستیال پر مشرۍ پلاوی د دوشنبې پر ورځ ( د وري شپږمه) کابل ته راغی او د سې شنبې پر ورځ یې د بهرنیو چارو وزارت له چارسمبالي امیرخان متقي سره وکتل.

د بهرنیو چارو وزارت د ویاند مرستیال ضیا احمد په ایکس پاڼه کې لیکلي، چې دوی د سې شنبې د ورځې په لیدنه کې د سوداګرۍ، ټرانزیټي او اقتصادي اړیکو پر پیاوړتیا خبرې وکړې.

د نوموړي د څرګندونو له مخې؛ امیر خان متقي د پاکستان د سوداګرۍ وزارت له مرستيال سره په ليدنه کې د ټرانزيټي ستونزو او د هغوى د حل په اړه ” تفصيلي” خبرې وکړې.

هغه زیاته کړې، چې خرم اغا ژمنه وکړ، چې د ټرانزیټي ستونزو د حل لپاره به ژر تر ژره یوه حل‌لار ومومي.

دغه پاکستاني پلاوی د افغانستان پر دوه ختیځو ولایتونو د پاکستان د هوايي بریدونو او د دواړو لورو ترمنځ د اړیکو له ترینګلتیا وروسته د اسلامي امارت د صنعت او سوداګرۍ وزارت پر رسمي بلنه کابل ته سفر کړی دی.

Continue Reading

سوداگري

یو ترکي شرکت د یتیم‌تاق پر سمنټو پانګونې ته چمتووالی څرګند کړ

Published

on

(Last Updated On: وری ۸, ۱۴۰۳)

د کانونو او پټرولیم وزارت سرپرست شهاب الدین دلاور د ترکیې د ۷۷ شرکت له رییس سره وکتل.

د کانونو او پټرولیم وزارت څرګنده کړې؛ په دې کتنه کې، چې پرون تر سره شوې د ۷۷ شرکت رییس د اسلامي امارت هڅې او لاسته راوړنې وستایلې او وړاندیز یې وکړ، چې غواړي د یتیم‌تاق سمنټو پروژې تړون لاسلیک او عملي چارې یې پیل کړي.

ویل کیږي، چې د کانونو او پټرولیم وزارت چارسمبالي د یتیم‌تاق سمنټو پروژې د تړون په لاسلیکولو کې د همکارۍ څرګندولو تر څنګ له یاد شرکت څخه د پروپوزل د وړاندې کولو، غوره ټولنیزو خدمتونو او چاپېریال ساتنې په برخه کې د اړوند ژمنو د پلي کېدا غوښتنه وکړه.

د کانونو او پترولیم وزارت ویاند همایون افغان ویلي په هېواد کې ۷۷ ساختماني ترکي شرکت مسوولینو د کانونو وزارت له رهبرۍ سره د لیدنې پرمهال ویلي، چې غواړي د جوز جان د یتم‌تاق د سیمې د سمنټو په کان کې پانګو نه وکړي، چې د کانونو وزارت هم ور سره د همکارۍ  ژمنه کړې ده.

د خصوصي سکټورغړي هم وایي، چې هېواد د سمنټو د تولید په برخه کې ښه وړتیا لري او په دې سکټور کې د پانګونې پراختیا کولی شي د کاري زمینو د رامنځته کولو ترڅنګ د عوایدو په پراختیا کې هم د پام وړ زیاتوالی رامنځته کړي.

د صنعتکارانو ټولنې رییس عبدالجبار ساپی ویلي، چې د ۷۷ ساختماني ترکې شرکت پانګونه کولی شي په زرګونه هېوادوالو ته د کار د زمینې د برابرولو ترڅنګ نور بهرني پانګوال هم د هېواد په کانونو کې د پانګونې او د کانونو په سکټور کې د شته ظرفیتونو په برخه کې وهڅوي.

ویل کیږي، چې هېواد به د سمنټو د تولید په سکتور کې ځان‌بسیاینې ته ورسیږي. له دې مخکې په کندهار، هرات او پروان ولاتیتونو کې هم پر لوړ ظرفیت د پانګونې بهیر پیل شوی دی.

Continue Reading

سوداگري

د افغانستان او پاکستان د سوداګرۍ استازیو پر ننګونو خبرې وکړې

Published

on

(Last Updated On: وری ۷, ۱۴۰۳)

د افغانستان د صنایعو او سوداګرۍ وزارت چارواکو په کابل کې د پاکستان د سوداګرۍ وزارت له پلاوي سره په ګډه ناسته کې د سوداګریزو اړیکو پر وړاندې د شته ننګونو د حل په اړه خبرې وکړې.

له هغې وروسته، چې د افغانستان او پاکستان ترمنځ وروستیو سیاسي او پوځي ناندرو او تاوتریخوالي پر سوداګریزو او ټرانزیټي فعالیتونو سیوری وغوړاوه؛ نو د پاکستان د سوداګرۍ وزارت د مرستیال پر مشرۍ یو پلاوی د صنعت او سوداګرۍ وزارت پر رسمي بلنه کابل ته راغی، ګې د سوداګرۍ په اړه پر شته ننګونو بحث او خبرې وکړي. 

د هېواد د صنایعو او سوداګرۍ وزارت سرپرست ويلي، چې د وروستیو سیاسي کړکېچونو له کبله د افغانستان او پاکستان ترمنځ سوداګریزې او ټرانزیټي اړیکې له ستونزو سره مخ دي او په دې ناسته کې هڅه کېږي، چې شته ستونزو ته د اساسي حل لارې – چارې ولټول شي او د سوداګرۍ موضوع له سیاسي مسایلو سره ونه‌تړل شي.

د اقتصادي کارپوهانو پر اند افغانستان د منځنۍ آسیا او جنوبي آسیا ترمنځ ټرانزیټي لار ده؛ نو اسلامي امارت کولی شي له دې لارې پر پاکستان د فشار زیاتولو لپاره کار واخلي، چې پاکستان د افغانستان سوداګرۍ ته د ستونزو د رامنځته کولو مخه ونیسي.

ویل کیږي، چې ټاکل شوې په دې ناسته کې د PTA پر ترجیحي سوداګریز تړون، د  TAD  پلي کېدا او د اپټا د خبرو اترو وروستي کولو او همدارنګه هوايي ټرانزیټ، تورخم، چمن او سپین بولډک په بندرونو کې ۲۴ ساعته فعالیتونو او نورو سوداګریزو موضوعاتو خبرې وشي.

Continue Reading

Trending

Copyright © 2022 Ariana News. All rights reserved!