نړۍ
روسیه په اوکراین کې سولې ته لېواتیا نلري – ډنمارک
فریډریکسن په فنلینډ کې د شمالي اروپا د هېوادونو د مشرانو په غونډه کې خبریالانو ته وویل: “د ورځې په لړ کې پوتین د خبرو اترو په اړه خبرې کوي، بیا د شپې پر اوکراین بمبارډ کوي.”
د ډنمارک لومړۍ وزیرې مټه فریډریکسن د دوشنبې پر ورځ ویلي، چې د اوونۍ په وروستیو کې پر اوکراین د روسیې بریدونو ثابته کړه، چې مسکو سولې ته لېواله ندی.
فریډریکسن په فنلینډ کې د شمالي اروپا د هېوادونو د مشرانو په غونډه کې خبریالانو ته وویل: “د ورځې په لړ کې پوتین د خبرو اترو په اړه خبرې کوي، بیا د شپې پر اوکراین بمبارډ کوي.”
رویټرز راپور ورکړ، چې روسیې تېره شپه داسې هوایي بریدون ترسره کړل، چې د اوکراین هوايي ځواک یې د روسیې د جګړې د بې پیلوټه الوتکو تر ټولو لوی برید یاد کړی دی.
فریډریکسن زیاته کړې؛ د شمالي اروپا هېوادونو مشرانو هوکړه کړې، چې د دوی هېوادونه به تر هغې، چې لازمه وي د اوکراین ملاتړ وکړي.
هغه وایي؛ دا ملاتړ کېدی شي پوځي مرسته، د اوکراین په دفاعي صنعت کې پانګونه او له اوکرایني شرکتونو سره د همکارۍ معنا ولري.