سوداگري
سپین زر دولتي شرکت ۱۵۰ ټنه وچ روميان اروپا ته صادر کړل
چارواکو د یکشنبې پر ورځ څرګنده کړې، چې په کندوز کې سپن زر دولتي شرکت ۱۵۰ ټنه وچ رومیان اروپايي هېوادونو ته صادر کړل.
د یاد شرکت رییس عبدالحمید اخوندزاده په هغه خبرپاڼه کې، چې مالیې وزارت خپره کړې څرګندوي؛ دا د اسلامي امارت لویه لاسته راوړنه ده، چې د افغانستان د سابو اړوند توکي اروپايي هېوادونو ته صادروي.
د یادونې ده، چې سپین زر دولتي شرکت خپلې چارې له ۲۱ کلن ځنډ وروسته د اسلامي امارت له بیا راتګ سره بېرته فعال شو او اوسمهال مالوچ، غوړي، کنجاړه او کاغذي دسمالونه تولید او بازار ته وړاندې کوي.