تازه خبرونه
سیګار په افغانستان کې د جمهوري نظام د ړنګېدو له عواملو پرده پورته کړه
د افغانستان د بیارغونې لپاره د امریکا د عمومي مفتش دفتر په خپل نوي راپور کې هغه ۶ عوامل په ډاګه کړي، چې د جمهوريت له سقوط سره یې مرسته کړې ده.
سیګار وايي؛ دغه شپېته مخیز راپور د امریکا د استازیو جرګې د څارنې او اصلاحاتو د کمیتې د رییس او لوړ پوړیو غړیو په غوښتنه چمتو شوی دی.
د سیګار له نظره؛ د پخواني حکومت چارواکو داسې فکر کاوه، چې امریکا له افغانستان څخه نه وځي، بل دا، چې د امریکا او اسلامي امارت ترمنځ په خبرو کې پخوانی افغان حکومت څنډې ته شوی و. دغه راز د سیګار په راپور کې د جمهوریت د پرځيدو بل علت دا ښودلی شوی، چې اشرف غني غوښتل طالبان په جمهوري نظام کې مدغم کړي.
د افغانستان د بیارغونې لپاره د امریکا د مفتش دفتر په خپل نوي ۶۰ مخیز راپور کې شپږ هغه عوامل په برسېره کړي چې په باور یې د افغانستان د جمهوري نظام پرځېدو ته یې لاره اواره کړه.
انځور او غږ
د سیګر له نظره؛ د افغانستان د پخواني حکومت چارواکي باوري نه وو چې امریکايي ځواکونو له دې هیواده وځي. دغه راز سیګر وايي چې د جمهوریت د پرځيدو بل لامل دا وو چې د اسلامي امارت او امریکا ترمنځ په خبرو کې جمهوریت څنډې ته شوی و او له بلې خوا محمد اشرف غني پښې خیر کړې وې چې طالبان باید په جمهوري نظام کې مدغم شي.
د افغانستان د بیارغونې لپاره د امریکا د ځانګړي عمومي مفتش په راپور کې راغلي:
۱: له افغانستان څخه د امریکايي ځواکونو د وتلو په اړه د پخواني افغان حکومت د چارواکو بې باوري
۲: د امریکا او طالبانو د سولې له خبرو څخه د افغان حکومت څنډې ته کول
۳: په جمهوري نظام کې د طالبانو پر ادغام د حکومت ټينګار
۴: له افغان حکومت سره د طالبانو له خبرو انکار
۵: په ولسمشرۍ ماڼۍ کې د واک انحصارول
۶: په سیاسي او دولتي مشرتابه کې فساد
سیګار وايي؛ دا راپور د امریکا د استازیو جرګې د څارنې او اصلاحاتو د کمیتې د رییس او لوړ پوړیو غړیو په غوښتنه چمتو شوی دی.
اسلامي امارت په ښکاره دا راپور تائیدوي او وایي؛ ګوډاګي حکومتونه هیڅکله پایښت نلري او د سقوط کندې ته لویږي.
د اسلامي امارت د ویاند مرستیال بلال کریمي زیاته کړې؛ د اشغال، استثمار او استعمار تر سیوري لاندې جوړ شوي نظامونه ویلې کیږي او له منځه ځي.
جمهوري نظام، چې د امریکا او د هغه د متحدینو پر مرسته شل کاله په افغانستان کې وچلیده؛ د تېر کال د اسد د میاشتې پر ۲۴ مه، چې د ۲۰۲۱ کال د اګسټ پر ۱۵ راوپرځېد؛ اسلامي امارت په کابل کې بیا واک خپل کړ، خو له نږدې یو نیم کال وروسته هم له جمهوري نظام سره ملو هېوادونو د افغانستان نوی حکومت پر رسمیت ندی پېژندلی او د افغانستان اقتصادي نظام یې تر خپل ګواښ لاندې ساتلی دی.
تازه خبرونه
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دوحه کې د افغانستان اسلامي امارت د سفارت چارسمبالي(سرپرست) په قطر کې د ګامبیا له سفیر او ځانګړي استازي عمر جاح سره پر دوه اړخیزو اړیکو خبرې کړې دي.
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دې لیدنه کې دواړو لوریو د افغانستان او ګامبیا ترمنځ پر دوهاړخیزو اړیکو، په افغانستان کې امنیتي وضعیت، د پانګونې فرصتونو، اقتصادي همکاریو او نورو ګډو موضوعاتو اندونه وړاندې کړي دي.
تازه خبرونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
د پاکستان په ملي شورا کې د اپوزیسیون مشر او د پښتونخوا د عوامي ملي ګوند مشر محمود خان اڅکزي ویلي، چې که ښه مشران په واک کې وای: نو د ډیورنډ کرښې په اوږدو کې به خلکو آزاد تګ راتګ کولی شو.
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
اڅکزي زیاته کړې، کېدی شو؛ په سیمه کې ورته وضعیعت رامنځته شوی وای.
هغه ټینګار کړی: «دلته ستونزه څه ده؟ پنجابي په کندهار کې نڅا کوله او پښتانه دلته راتلل. که څه هم مونږ په ښکاره یو هېواد نهیوو، خو کولی مو شو په عمل کې یو هېواد واوسو.»
هغه د شوروي اتحاد او امریکا لهخوا پر افغانستان د یرغل یادونه وکړه او څرګندوي؛ افغانستان حق لري، چې له دې هېوادونو د جګړې د زیانونو او بیارغونې لپاره د تاوان غوښتنه وکړي.
دې پاکستاني سیاستوال له پښتنو سره د پاکستان د حکومت پر چلند نیوکه کړې او ادعا کوي، چې په ځینو ښارونو لکه لاهور او کراچۍ کې هغوی نیسي او جبري ایستل کیږي.
تازه خبرونه
د کونړ زلزلهځپلو ته په ننګرهار کې نمرې وویشل شوې
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
د کور او ښار جوړولو وزارت د کونړ ولایت هغو زلزلهځپلو کورنیو ته، چې د وروستۍ زلزلې له کبله یې کورونه ویجاړ شوي وه؛ د ننګرهار ولایت د ښېوې ولسوالۍ د ګمبیري د اړوند سیمې په ۱۰۰۰ جریبه ځمکه کې د نوي جوړ شوي ښارګوټي استوګنیزې نمرې وېشلي دي.
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
دغه راز په دې ښارګوټي کې د ښوونځي، مدرسې، جوماتونو، روغتیایي کلینیک او هدیرې لپاره ځانګړې ځمکې پر نښه شوې دي، چې اوسېدونکو ته د یو منظم او باعزته ژوند بشپړ چاپېریال برابر شي.
خبرپاڼه زیاتوي؛ په همدې مناسبت جوړه شوې غونډه کې د کور او ښار جوړولو وزارت وزیر نجیبالله حیات حقاني د ننګرهار ولایت د والي مرستیال مولوي غلام الرحمن حیدري، د علماوو شورا رییس او د زلزلهځپلو د مرکزي کمیسیون مشر شیخ خیر محمد فاروقي، د کونړ د جهادي مدرسې مشر شیخ عبدالقهار صدیقي، د ننګرهار ولایت د مقام استازی شمس العارفین او یو شمېر نورو مسوولانو ګډون کړی و.
د کور او ښار جوړولو وزارت وزیر نجیبالله حیات حقاني دغو مراسمو ته په وینا کې ویلي؛ اسلامي امارت هڅه کوي، چې زلزلهځپلې کورنۍ پیاوړې کړي او د ټولنې د فعالو غړو په توګه یې وروزي، چې د مرستې له اخیستونکو څخه د مرستې کوونکو کچې ته ورسېږي.
نوموړي د دې پلان پر ارزښت ټینګار وکړ او وایي: دا «پلان هغه ګټوره نسخه ده، چې خړه دښته د سرو زرو پر ارزښت بدلوي او د انساني ټولنې د پرمختګ لپاره عملي کېږي.»
ویل کیږي، چې د ننګرهار ولایت د مقام استازي شمس العارفین څرګنده کړې، چې د ننګرهار ولایت مقام د زلزلهځپلو د ملاتړ او د یاد ښارګوټي د ښه مدیریت لپاره د هر راز همکاریو ډاډ ور کړ.
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
امریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
د کونړ زلزلهځپلو ته په ننګرهار کې نمرې وویشل شوې
امریکا به له ایران څخه غني شوي یورانیم ترلاسه کړي – ټرمپ
د افغانستان، ازبکستان او قرغزستان د استازو سوداګریزه ناسته ترسره شوه
د هائیټي په تاریخي کلا کې د ګڼې ګوڼې له کبله مرګ او ژوبله رامنځته شوې
آیا ایران په هرمز تنګي کې پر بېړیو پیسې وضع کولی شي؟
د جګړې له پایلو د اماراتو اندېښنه؛ د تېلو په راکړه ورکړه کې د ډالرو دډې ته کولو احتمال
ایران د هرمز تنګي پر سټرټیژیکه لار خپل واک او څار زیات کړ
تحول: د ایران او امریکا په شخړه کې ډیپلوماټیک بدلون
څار: له اسلامي امارت سره د هېوادونو د تعامل زیاتوالی
تحول: له جرمني څخه د افغان کډوالو د ایستلو روان بهیر
څار: د پاکستان پر پالیسۍ نیوکې
تحول:د افغانستان پر وړاندې د پاکستان دوه ګونی سیاست
-
سوداگري3 days agoد منځنۍ آسیا له لارې د چین– افغانستان نوې ټرانزیټي لاره پرانیستل شوه
-
سیمه ییز خبرونه3 days agoپه بېجینګ کې لوړپوړې خبرې؛ په هرمز تنګي کې د امریکا او ایران پر کړکېچ ټینګار
-
نړۍ4 days agoسپینې ماڼۍ ته نږدې نښته؛ یو وسلهوال ټپي او روغتون ته ولېږدول شو
-
سیمه ییز خبرونه2 days agoامریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
-
نړۍ2 days agoامریکا به له ایران څخه غني شوي یورانیم ترلاسه کړي – ټرمپ
-
روغتيا4 days agoد قابلو نړیواله ورځ؛ د م.م وګړو صندوق د میندو د ژغورنې لپاره د قابلو پر زیاتېدا ټینګار وکړ
-
نړۍ3 days agoایران باید د ماتې منلو سپین بیرغ پورته کړي – ترمپ
-
تازه خبرونه4 days agoد ۲۰۲۵ کلنی راپور؛ یونیسف اړینو چوپدتیاوو ته د میلیونونو افغان ماشومان له لاسرسي خبر ورکړ