تازه خبرونه
شتمن هېوادوال دې د خوراکي توکو بیې راټیټې او له بېوزلو سره مرسته وکړي – رییس الوزراء
د اسلامي امارت رییس الوزراء ملا محمد حسن اخوند د روژې مبارکې میاشتې د رارسیدو په مناسبت په یوه پیغام کې له سوداګرو غوښتي، چې د خوراکي توکو بیې را ټیټې کړي.
په دې پیغام کې، چې نن (دوشنبه د کب یوویشتمه) خپور شوی رییس الوزراء د جوماتونو له خطیبانو او ملا امامانو وغوښتل، چې د تراویح پر لمانځه سربېره د دیني زدهکړو، دعوت، د قرآن کریم ترجمه او د تفسیر درسونه هم تنظیم کړي، چې مسلمانان د الهي کلام پر معنا او موخه پوه شي.
هغه څرګنده کړې، چې سږ کال د روژې مبارکه میاشت په داسې حال کې راغلې، چې فلسطین د اسلامی نړۍ د نه بېلېدونکې برخې په توګه په تېره بیا غزه د صهیونیسټی یرغلګرو له سخت ظلم، کرکې او وحشت سره مخ ده او نړۍ یې پر غړېدلو سترګو ننداره کوي.
رییس الوزراء له نړیوالې ټولنې او اسلامي هېوادونو وغوښتل، چې د دغه ظلم او وحشت د پای ته رسولو لپاره خپل مسوولیت ادا کړي او د غزې له مظلومو مسلمانانو ملاتړ وکړي.
ملا محمد حسن اخوند زیاته کړې: هغه څه، چې په غزه کې روان دی د بشریت پر تاریخ یو تور داغ دی او هغه هېوادونه، چې دغه ظلم ته یې لار اواره کړې او یا یې د مخنیوی لپاره رښتینې هڅې نهکوي؛ د صهیونیسټی یرغلګرو جرمي شریکان دي.
په تېرو پېنځه میاشتو کې پر غزې د اسرائیلو په بریدونو کې له ۳۰ زرو ډېر کسان وژل شوي او څه باندې ۷۲ زره نور ټپیان دي او د ښارونو ډېره برخه ویجاړه شوې ده.
په افغانستان او یو شمېر نورو هېوادونو کې نن (دوشنبه) روژه ده.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه