تازه خبرونه
شفافيت بنسټ: دولت د برېښنايي تذکرو له وېش تېښته کوي
د افغانستان د شفافیت بنسټ وايي د برېښنايي تذکرو په ځای د کتابچه یي تذکزو د وېش پیل به د برېښنايي تذکرو د پای په معنا وي.
دغه بنسټ زياتوي چې حکومت په یو ډول د برېښنايي تذکرو له وېشلو څخه اوږه خالي کوي. د وګړو د احوالو د ثبت اداره وايي چې د کتابچه یي تذکرو وېش د برېښنايي تذکرو څخه جلا یوه پروسه ده چې له دې لارې غواړي د خلکو هویت تشخیص کړي.
د ولسي جرګې یو شمېر غړي وايي چې حکومت دې د کتابچه یي تذکرو په وېش وخت نه ضایع کوي. په داسې حال کې چې د برېښنايي تذکرو د وېش له پاره خلک ډېر لېواله دي، خو ویل کېږي چې حکومت په خلکو نورې کتابچه يې تذکرې وېشي. د افغانستان د شفافیت بنسټ مسولین وايي،حکومت غواړي د برېښنايي تذکرو له وېشلو اوږېخالي کړي.
د افغانستان د شفافیت بنسټ څېړونکی ناصر تیموري وايي: “د کتابچه يي تذکرو وېش له برېښنايي تذکرو د تېښتې په معنی دی او تاسې هېڅ اړتيا نه لرئ چې دا بهير ترسره کړئ او په دې سره خپلې او د خلکو سرچينې مصرف کړئ، ښه به دا وي چې د برېښنايي تذکرو د وېش له پاره د ادارې او خلکو فشار ډېر کړئ.”
د وګړو د احوالو د ثبت اداره وايي،دوی غواړي د پاڼې په بڼه تذکرې په کتابچه یي تذکره واړوي چې په باور یې دا پروسه لهبرېښنايي تذکرو بېلهپروسه ده.
د افغانستان د وګړو د احوالو د ثبت ادارې سرپرست همایون محتاط وايي: “لومړی خو دا تر برېښنايي تذکرو پورې هېڅ تړاو نه لري بله دا کله چې د برېښنايي تذکرو د وېش بهير پيلېږي، په هغه وخت کې دا کتابچه يي تذکرې له موږ سره مرسته کوي، که دولت زموږ طرحه ومني، په کتابچه د پاڼې د تذکرې په بدلون سره موږ يو ځل بيا د نفوس د هويت له سره تثبيت کوو.”
له بلې خوا د مشرانو جرګې یو شمېر غړي وايي چې حکومت باید د کتابچه يي تذکرو په وېشلو وخت ضایع نه کړي.
د مشرانو جرګې غړی عبدالطیف نهضت یار وايي: “دا د فساد له پاره چې غواړي پيسې خپلو جېبونو ته واچوي يوه بله موکه ده، خلک په هېڅ ډول په دې قانع نه دي، دا يو اضافي لګښت دی، د هېواد اقتصاد دا منلای نه شي چې خپله بوديجه داسې بې ځايه ولګوي.”
حکومت د کتابچه يي تذکرو د وېش له پاره په داسې حال کې تیاری نیسي چې د ملي یووالي د حکومت په رامنځته کېدو دغه حکومت خلکو ته ډاډ ورکړ چې ډېر ژر به د برېښنايي تذکرو وېش پیل کړي.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه5 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
لوبی1 day ago
راشد خان د افغان بیسیم مخابراتي شرکت رسمي سوداګریز سفیر شو
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره