نړۍ
شمالي کوریا د امریکایي توغندیو د شنډولو ګواښ وکړ
د شمالي کوریا دولتي رسنۍ KCNA د سې شنبې پر ورځ ویلي، چې د دوی د یو ازمویل شوي توغندي د ویشتلو هر ډول اقدام به د جګړې اعلان وګڼل شي.
د مشر کیم جونګ اون پیاوړې خور کیم یو جونګ ویلي: او د امریکا او سویلي کوریا ترمنځ ګډې پوځي روزنیزې هڅې به د زیاتېدونکي کړکیچ لامل شي او دوی یې پر ضد پرېکنده؛ خو چټک غبرګون ته ژمن دي.
د مشر کیم جونګ اون خور کیم یو جونګ ویلي: آرام سمندر یوازې د امریکا یا جاپان ندی.
کیم یو اونګ دا خبرداری هغه مهال ورکړ، چې امریکا د جنوبي کوریا له جنګي الوتکو سره په ګډه د کوریا د تاپو وزمې پر سر د بي- ۵۲ بم غورځوونکیو الوتکو پروازونه ترسره کړل.
میرمن اونګ د دغه ګواښ په اړه نور جزئیات ندي ورکړي؛ خو شمالي کوریا له دې مخکې د امریکا او جنوبي کوریا د ګډو نظامي تطبیقاتو په غبرګون کې د توغندیو آزمایښتونه کړي، چې د یرغل د مخنیوي لپاره یې هېوانی چمتووالی بولي؛ خو نور جزئیات یې ندي ورکړي.
دا لومړي ځل ندی، چې د امریکا بي -۵۲ بم غورځوونکې الوتکې د جنوبي کوریا سره ګډې پوځي روزنیزې هڅې تر سره کوي.
د شمالي کوریا د اعلامیې له مخې؛ که د امریکا او جنوبي کوریا د پاروونکیو پوځي هڅو مخنیوی ونشي؛ د فزیکي نښتې شونتیا به ډېره شي.
امریکا او جنوبي امریکا به په راتلونکې اوونۍ کې ۱۰ ورځني پوځي روزنیزې هڅې پیل کړي.
د یاد راپور له مخې؛ نږدې ۲۸۵۰۰ امریکايي پوځیان په جنوبي کوریا کې ځای پر ځای دي او کوریاګانې یې له تخنیکي پلوه په جګړه کې پرېښي دي.