تازه خبرونه
طالبانو په تېرو ۲۴ ګړیو کې پر افغان ځواکونو بریدونه ډېر کړي
د تېرې یوې شپې او ورځې په اوږدو کې د وسلوالو طالبانو پر یرغلیزو بریدونو نږدې ۲۰ افغان سرتېرو ژوند له لاسه ورکړی او له ۱۰ ډېر نور ټپیان دي.
کورنیو چارو وزارت څرګنده کړې، چې که څه هم طالبانو یرغلونه کړي؛ خو دولتي ځواکونه هم په فعال دفاعي حالت کې دي. د وروستۍ یوې اوونۍ په نښتو کې سلګونه پوځیان، ملکي و ګړي او طالب وسلوال وژل شوي دي.
د هغو څرګندونو له مخې، چې آریانا نیوز ترلاسه کړي یوازې په وروستیو دوه ورځو کې طالبانو په ۱۰ ولایتونو کې د حکومتي ځواکونو پر پوستو پرلپسې بریدونه روان ساتلي دي.
که څه هم ویل کیدل، چې په هېواد کې نا اعلان شوی اوربند ټینګ دی؛ خو د هېواد له هرې سیمې د جګړې راپورونه خپاره شوي دي.
د فاریاب په قیصار ولسوالۍ کې د طالبانو په بریدونو کې درې پوځیان او ۱۷ وسلوال طالبان وژل شوي دي.
په مرکزي ولایتونو کې طالبانو د کاپیسا په تګاب ولسوالۍ او د میدان وردګ په جلریز ولسوالۍ کې پوځي بریدونه کړي، چې په جلریز کې لږ تر لږه یو پوځي او په تګاب کې ۱۱ پاڅونوال وژل شوي دي.
د کاپیسا ولایتي شورا مشر محمد حسین سنجني ویلي؛ وسلوالو طالبانو د پاڅونوالو پر یوشمېر پوستو بریدونه کړي او مرګ و ژوبله یې رامنځته کړې ده.
د افغانستان د ختیځ ننګرهار په شپږ ولسوالیو کې نښتې روانې دي؛ خو ویل کیږي، چې په علیشنګ، دولت آباد او الینګار کې یې زور اخیستی دی.
د پکتیا، پکتیکا ، خوست او لوګر په څو ولسوالیو کې هم طالبانو پر دولتي ځواکونو بریدونه کړي دي.
د پکتیا والي شمیم خان کټوازي ویلي: له طالبانو سره عربان او پنجابیان دي او نا منل شوي راپورونه ښیي، چې ایغوریان هم د طالبانو په لیکو کې جنګیږي.
په لویدیځو ولایتونو کې د غور پسابند ولسوالۍ د سقوط په درشل کې ده، د بادغیس، هرات او فراه په ځینو سیمو کې هم نښتې شوې دي او د هلمند په درې ولسوالیو کې طالبانو بریدونه کړي دي.
د هلمند د ولایتي شورا غړی ګل آغا مسلم وایي؛ کله، چې ځواکونه پوستې خوشې کړي؛ طالبان په کې ماینونه ښخوي. سهار، چې پوستو ته راځي ماینونه پرې چوي او زوند له لاسه ورکوي.
د طالبانو وروستي ډېر بریدونه پر دولتي ځواکونو تر سره شوي دي.
د ملي امنیت شورا د دفتر ویاند جاوید فیصل ویلي: تاوتریخوالی لږ نه، بلکې ډېر شوی دی؛ خو مونږ دا لوری، چې سولې ته ژمن او پرې ولاړ پاتې کیږو هڅه کوو، چې دفاعي حالت خوندي کړو.
د امنیتي بنسټونو د اطلاعاتو له مخې؛ یوازې په وروستۍ یوه اوونۍ کې طالبانو د ۲۹ ولایتونو پر امنیتي ځواکونو بریدونه کړي، چې له کبله یې نږدې اووه سوه ملکیان او پوځیان قرباني شوي دي. که څه هم طالبان په دغه بریدونو کې د ملکي خلکو مرګ و ژوبله نه مني.
تازه خبرونه
ملا برادر د ټاپي پروژې د پرمختګ په اړه د ترکمنستان له ملي مشر سره ولیدل
ملا برادر له ترکمنستان څخه وغوښتل؛ دواړه هېوادونه د ګاز بیې په اړه هوکړې ته ورسېږي او د بیې ټاکلو فورمول داسې بدل شي، چې پر بیه د اروپايي بازارونو د بیو د سختو بدلونونو د اغېز مخنیوی شي.
د ریاستالوزراء اقتصادي مرستیال ملا عبدالغني برادر، هرات ولایت ته د خپل سفر پر مهال، نن(دوشنبه د زمري نولسمه ) په تورغونډۍ کې د ترکمنستان له ملي مشر قربانقلي بردي محمدوف سره د ټاپي پروژې پر وروستیو پرمختګونو او د افغانستان او ترکمنستان ترمنځ راتلونکو اقتصادي همکاریو خبرې وکړې.
د ریاستالوزراء د خبرپاڼې له مخې؛ ملا برادر ویلي؛ په هرات کې د ټاپي پروژې چارې ښې روانې دي او تمه ده، چې پاتې برخې یې پر ټاکلي وخت بشپړې شي.
ملا برادر له ترکمنستان څخه وغوښتل؛ دواړه هېوادونه د ګاز بیې په اړه هوکړې ته ورسېږي او د بیې ټاکلو فورمول داسې بدل شي، چې پر بیه د اروپايي بازارونو د بیو د سختو بدلونونو د اغېز مخنیوی شي.
هغه وړاندیز وکړ، چې د ګاز تړون دې د اوږدې مودې لپاره وشي؛ شرایط دې یې ساده وي او د تړون د بیاکتنې لپاره دې د انعطاف وړ کړنلاره په پام کې ونیول شي.
نوموړي په هرات کې د ګاز د وېش او لګښت شبکې د جوړولو، د ټاپي پروژې د پاتې موضوعاتو د اواري لپاره د ګډې تخنیکي او حقوقي کمیټې د جوړولو او په دې پروژه کې افغانانو ته د ډېرو کاري فرصتونو د برابرولو لپاره د ګډو هڅو غوښتنه وکړه.
برادر ویلي؛ ټاپي پروژې د افغانستان او ترکمنستان سټراټېژیکې همکارۍ پیاوړې کړې دي او دواړه لوري باید د سوداګرۍ د پراختیا لپاره د نفتو د لېږد لپاره د آقکریم بندر د پرانیستو، په ترکمنباشي بندر کې د افغانستان د ټرانزیټي مالونو لپاره د آسانتیاوو برابرولو، د لاجورد لارې بیا فعالولو ته د شته ستونزو د حل او د هرات ـ تورغونډۍ د اوسپنېپټلۍ د بیارغونې او پراختیا په برخو کې ګډ کار وکړي.
هغه له ترکمنستان څخه وغوښتل، چې په افغانستان کې د برښنا او ټرانسپورټ په برخو کې له سترو اقتصادي پروژو ملاتړ وکړي.
په دې لیدنه کې قربانقلي بردي محمدوف ویلي، چې د ترکمنستان او افغانستان اړیکې د ښه نیت او ښه ګاونډیتوب پر بنسټ پیاوړې شوې او په بېلابېلو برخو کې یې د ګډو همکاریو زمینه برابره کړې ده.
محمدوف زیاته کړې؛ ترکمنستان چمتو دی، چې هرات ته د ټاپي نللیکې د غځولو ترڅنګ، په دې ولایت کې د ګاز د وېش شبکې د جوړولو او د ټاپ پروژې د عملي چارو د پیل په برخه کې همکاري وکړي. هغه ویلي، چې یو شمېر بهرنیو شرکتونو په ټاپ پروژه کې پانګونې ته چمتووالی ښودلی دی.
هغه همداراز ویلي؛ عشقآباد چمتو دی، چې په ترکمنباشي بندر کې د افغانستان د ټرانزیټي او سوداګریزو مالونو لپاره ټولې اړینې آسانتیاوې برابرې کړي.
نوموړي د دواړو هېوادونو او سیمې ترمنځ د سوداګرۍ د زیاتوالي لپاره د لاجورد لارې د بیا فعالولو په موخه پر ګډو هڅو هم ټینګار کړی دی.
د ترکمنستان ملي مشر افغان لوري ته ډاډ ورکړی، چې په افغانستان کې د برښنا او اوسپنېپټلۍ په برخو کې د پیل شویو پروژو چارې به پر ټاکلي وخت او چټکۍ بشپړې شي.
په پای کې دواړو لوریو هوکړه کړې؛ د ټاپي، ټاپ، فایبر نوري او اوسپنېپټلۍ پروژو د څارنې او پلي کولو لپاره به د لوړپوړیو چارواکو پر مشرۍ تخنیکي کمیټه جوړه کړي، چې د دغو پروژو د پلي کېدا بهیر ښه پر مخ یووړل شي.
تازه خبرونه
په تېرو درې میاشتو کې ډېورنډ کرښې ته څېرمه ډېر قاچاقي توکي ونیول شول
د دې وزارت د څرګندونو له مخې؛ ۶۶ کلاشینکوفونه، ۲۰ ام۱۶، ۱۷ ام۴، ۳۳ تومانچې، اته زره د سپکو او درندو وسلو بېلابېلې مرمۍ، ۴۵ نقلیه وسایط، ۲۶۰۰ کیلوګرامه نشهيي توکي، ۴۸۶ کارټنه درمل، ۲۳۷۳ پسونه او ۳۴ د ثانیهسوزو بستې نیول شوې دي.
د افغانستان دفاع وزارت ویلي، چې د هېواد دفاعي ځواکونو په تېرو درې میاشتو کې د ډېورنډ فرضي کرښې ته څېرمه په بېلابېلو سیمو کې د عملیاتو پر مهال ګڼ شمېر وسلې، مهمات، درمل، نقلیه وسایط او نور قاچاقي توکي کشف او نیول شوي دي.
د دې وزارت د څرګندونو له مخې؛ ۶۶ کلاشینکوفونه، ۲۰ ام۱۶، ۱۷ ام۴، ۳۳ تومانچې، اته زره د سپکو او درندو وسلو بېلابېلې مرمۍ، ۴۵ نقلیه وسایط، ۲۶۰۰ کیلوګرامه نشهيي توکي، ۴۸۶ کارټنه درمل، ۲۳۷۳ پسونه او ۳۴ د ثانیهسوزو بستې نیول شوې دي.
ویل کیږي، چې د دغو پېښو پر تړاو ۳۹ قاچاقبران هم نیول شوي دي.
تازه خبرونه
ایران په تېرو پېنځه میاشتو کې له ۲۰۰ زره ډېر بېاسناده افغانان ایستلي
هغه ټینګار کړی؛ دغه بهیر د افغانستان ټول وګړي نه رانغاړي، بلکې موخه یې په ایران کې د بهرنیو وګړو د اوسېدنې تنظیم او د هغوی د استوګنې د وضعیت کره معلومول دي.
د ایران کورنیو چارو وزارت ویاند علي زینيوند ویلي؛ له ایران څخه د بېاسناده افغانانو د ایستلو او بېرته ستنولو بهیر پر وروستیو بدلونونو او کړکېچونو سربېره نهدی درول شوی او روان دی.
هغه ټینګار کړی؛ دغه بهیر د افغانستان ټول وګړي نه رانغاړي، بلکې موخه یې په ایران کې د بهرنیو وګړو د اوسېدنې تنظیم او د هغوی د استوګنې د وضعیت کره معلومول دي.
زینيوند ویلي، چې یو شمېر بېاسناده بهرني وګړي د قضايي حکمونو له مخې له ایران څخه ایستل شوي او د نورو بېسنده وګړو د وضعیت د تنظیم بهیر هم په جدي توګه روان دی.
د نوموړي د څرګندونو له مخې، د روان کال له پیله تر اوسه له ۲۰۰زره ډېر بېاسناده افغانان پخپله خوښه له ایران څخه وتلي دي.
د ایران د کورنیو چارو وزارت ویاند زیاته کړې، چې د دې بهیر اصلي موخه د بهرنیو وګړو د معلوماتو کره پېژندنه او ثبتول دي، چې څرګنده وي؛ هر وګړی له کومې لارې ایران ته داخل شوی، چېرته اوسېږي او له کومو خدمتونو ګټه اخلي.
ملا برادر د ټاپي پروژې د پرمختګ په اړه د ترکمنستان له ملي مشر سره ولیدل
په تېرو درې میاشتو کې ډېورنډ کرښې ته څېرمه ډېر قاچاقي توکي ونیول شول
ایران په تېرو پېنځه میاشتو کې له ۲۰۰ زره ډېر بېاسناده افغانان ایستلي
افغانستان او پاکستان د ایران پر وړاندې د ګډوډۍ د مخنیوي لپاره همکاري کړې- پزشکیان
آباسین ډیفنډرز کابل زلمي ته آسانه ماتې ورکړه
هند افغان ځوانانو ته زر آنلاین تحصیلي بورسونه ځانګړي کړي
د ایران د سویل په تازه بریدونو کې له ۳۰ ډېر ملکي وګړي ووژل شول
د افغانستان د غېږنیونې غوره لیګ لومړي پړاو ته اووه ورځې پاتې دي
ټرمپ کانګرس ته د ایران پر ضد د پوځي عملیاتو د بیا پیل خبر ورکړ
ایران، افغانستان او تاجکستان د ټرانزیټي آسانتیاوو او سیمهییز نښلون سند لاسلیک کړ
تحول: د افغانستان له لارې د هرمز تنګي بدیله لار
څار: پر سیمه د پاکستان، سعودي او ترکیې د نوی تړون اغېز
تحول: د ایران د جګړې پر سر د اختلافونو زیاتېدا
څار: د ترکیې، سعودي عربستان او پاکستان دفاعي تړون
تحول: د چابهار بندر لپاره د امریکا د بندیزونو د معافیت پای ته رسېدل
-
سیمه ییز خبرونه3 days agoپه پاکستان کې د مالونو د سراسري لېږد درېدا؛ موټرچلوونکي اعتصاب کوي
-
ساینس او ټیکنالوژي5 days agoساینسپوهانو د لمر تر ټولو روښانه انځور ثبت کړ
-
سیمه ییز خبرونه5 days agoکه امریکا بیا برید وکړي، د خلیج د انرژۍ تاسیسات به تر برید لاندې راشي – ایران
-
تازه خبرونه4 days agoامریکا په افغانستان کې د داعش خراسان له ګواښه خبرداری ورکړ
-
څار4 days agoڅار: د داعش خراسان د ګواښ په اړه د امریکا خبرداری
-
تازه خبرونه4 days agoکویټ له افغانستان بشري صندوق سره ۲.۵ میلیون ډالر مرسته وکړه
-
تازه خبرونه4 days agoچین له اسلامي امارت څخه د ترهګرو ډلو پر ضد د اقدام غوښتنه وکړه
-
تازه خبرونه2 days agoروسي شرکتونه په افغانستان کې د برښنايي وسایلو پر تولید پانګونه کوي