تازه خبرونه
طالبان به په راتلونکیو څو اوونیو کې د افغان حکومت نوی چوکاټ وړاندې کړي
د طالبانو یوه ویاند د شنبې پر ورځ رویټرز ته څرګنده کړې، چې طالبان غواړي په راتلونکیو څو اوونیو کې د افغانستان لپاره د حکومت کولو نوی چوکاټ په ډاګه کړي.
دغه چارواکي رویټرز ته ویلي: د طالبانو حقوقي، مذهبي او د بهرنۍ پالیسۍ څانګوال او متخصصین غواړي په راتلونکیو څو اوونیو کې د حکومتدارۍ نوی چوکاټ وړاندې کړي.
په کابل د طالبانو له واکنمۍ یوه اوونۍ تېریږي، خو اوس هم نوی حکومت ندی جوړ شوی او د نظام بڼه هم په ډاګه شوې نده.
د طالبانو د سیاسي دفتر مشر او د طالبانو مرستیال ملا عبدالغني برارد څو ورځې مخکې له قطر څخه کندهار ته راغی؛ خو وروستي راپورونه وايي، چې اوس د یوه پلاوي په مشرۍ کابل ته راغلی دی.
د طالبانو د فرهنګي کمیسیون مرستیال احمد الله وثیق کابل ته د ملا برادر د سفر پخلی کړی او وایي؛ د طالبانو د سیاسي دفتر مشر ملا عبدالغني برادر له یوه لوړ پوړي طالب پلاوي سره تېر ماښام له کندهار څخه پلازمېنې کابل ته رارسیدلی، چې د ټولګډونه حکومت پر جوړښت خبرې او سلا مشورې وکړي.
سیاستوال او ولس له طالب رهبرانو غواړي چې هر څومره زر د نوي حکومت په جوړښت هوکړه وکړي.
پخواني طالب سید اکبر آغا ویلي؛ د حکومت بې برخلیک حالت په هېواد کې یولړ اندېښنې رامنځته کړي دي، چې طالبانو پرې له سیاسیونو سره سلا مشورې پیل کړي د ټولګډونه حکومت پر ژر جوړېدو ټینګار کوي.
د کابل اوسیدونکي هم وایي، چې د حکومت نشتون خلک اندېښمن کړي او ژر تر ژره باید د یو داسې حکومت پر جوړښت کار پیل شي، چې ټولو ته د منلو وي او هوکړې ته پرې ورسیږي.
خلک وایي، چې طالبان د بهرنیو هېوادونو له مرستو پرته نشي کولی په افغانستان کې حکومت داري روانه وساتي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ