Connect with us

تازه خبرونه

طالبان په استانبول ناسته کې مشروط ګډون غواړي – راپور

خپور شوی

د

(Last Updated On: غبرګولى ۵, ۱۴۰۰)

امریکا غږ د طالبانو د یوه لوړپوړي غړي د څرګندونو له مخې په ډاګه کړې، چې دوی به د استانبول په ناسته کې مشروطه ګډون وکړي.

یوه لوړپوړي طالب د نوم نه ښودلو پر شرطه امریکا غږ ته څرګنده کړې، چې: د استانبول ناسته به لنډمهاله وي، ټیټ پوړی طالب پلاوی به ورځي او په اجندا کې به اړینه پرېکړه رانغښتې نه وي.

دغه لوړپوړي طالب چارواکي ویلي: زمونږ مشرتابه وړاندیز کوي، چې د استانبول ناسته باید له درې ورځو ډېر اوږده نشي.

یو بل لوړ پوړي طالب چارواکي هم امریکا غږ ته یاده خبر تائید کړی ده.

د استانبول ناسته، چې د ملګرو ملتونو په همکارۍ د امریکا لخوا وړاندیز شوې وه؛ باید د می د میاشتې په پیل کې جوړه شوې وه، خو طالبانو په کې خپل ګډون رد کړی و.

د دغه راپور د څرګندونو له مخې؛ د طالب مرکچي پلاوي د رهبرۍ غړیو او یو شمېر مشرانو له خپل مشرتابه ملا هیبت الله اخندزاده سره لیدلي دي.

امریکا غږ دا هم په ډاګه کړې، چې د طالبانو د خبرو اترو مشر ملا عبدالحکیم حقاني شاوخوا یوه میاشت مخکې له ملا فضل، ملا شیرین او ملا عبدالمنان سره هم لیدلي وه.

د لومړنیو څرګندونو له مخې، د طالب مشرانو دا ناسته په پاکستان کې تر سره شوې ده.

په دې راپور کې راغلي؛ د استانبول په ناسته کې د طالبانو مشروط ګډون د پاکستان، قطر او نورو هېوادونو د هڅو پایله ده.

په راپور کې زیاته شوې؛ د طالبانو مشران د استانبول په ناسته کې د ګډون هیله من نه ول؛ خو وایي، چې  دوی به د پاکستان او قطر په غوښتنه په دې ناسته کې شرط ګډون وکړي.

طالبانو دا ندي ویلي، چې د استانبول په غونډه کې به د دوی استازولي څوک کوي.

دغه راز د حکومت د خبرو اترو د ډلې غړي نادر نادري ویلي، چې هغه پدې اړه هیڅ معلومات نلري او نه ورسره تر دې دمه څه شریک شوي دي.

د امریکا غږ راپور ښیي؛ امریکا، ترکیې او افغان حکومت وړاندیز کړی، چې په دوحه کې د دوی د مذاکراتي ټیم له غړیو پرته د طالبانو یو یا دوه لوړ پوړي غړي د استانبول په ناسته کې د دې ډلې استازیتوب وکړي.

د دغو هېوادونو چارواکو ویلي؛ باوري ندي، چې د قطر د دفتر غړي د طالبانو د استازیو په توګه پرېکړه وکړي.

راپور زیاته کړې، چې طالبان نه غواړي د استانبول په ناسته کې پرېکړه کوونکي وي او له همدې کبله مشخصه اجندا نه غواړي.

امریکا غږ په بشپړ ټینګار زیاته کړې، چې د طالبانو مشر د اوربند اعلان ته چمتو نه دی.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!