تازه خبرونه
طالبانو د افغان حکومت مرکچي هیئت له جوړښت سره مخالفت ښودلې
طالبان وایي چې د حکومت لخوا جوړ شوې هیئت، له امریکې سره د هوکړې خلاف دې، او دغه هیئت باید ټول اړخیزه او د ټولو خواوو په خوښه وګمارل شي.
د طالبانو د خبروینا لمخې، افغان حکومت کولې شي په خپلمنځي مذاکراتو کې، د ټولو نورو خواوو ترڅنګ، د یو طرف په څیر ګډون وکړي.
د طالبانو په دغه خبروینا کې ویل شوي، دا چې مرکچي ټیم د کابل ادارې لخوا وړاندې کیږي، د طالبانو د اصولي موقف او له امریکې سره د هوکړه پرخلاف ده، تل پاتې او ریښتینې سولې ته د رسیدو لپاره باید دغه ټیم د ټولو خواوو په تفاهم جوړ شي څو وکولې شي د ټولو استازیتوب وکړي، خو اوس لیدل کیږي چې نورې خواوې له دغه ټیم سره خوښ ندي.
دا په داسې حال کې ده چې افغان حکومت د جمعې پر ورځ په رسمي ډول د سولې د خپلمنځي مذاکراتو مرکچي پلاوې، د ملي امنیت پخواني مشر معصوم ستانکزي په مشرتابه، معرفي کړ.
له بلې خووا، د ملي امنیت شورا وايي چې طالبان د افغان دولت ۱۰۰۰ تنه بندیان نلري، نو ځکه یې په هیواد کې جګړو ته زور ورکړی او هڅه کوي چې نور کسان ونیسي. خو طالبان بیا وايي چې د افغان حکومت لخوا دوی ته د بندیانو نیمګړی نوملړ سپارلی دی.
د ویلو وړ ده چې د طالبانو او امریکا تر منځ د سولې د هوکړې لمخې ټاکل شوې چې افغان حکومت پنځه زره طالبان له زندانونو خوشې کړي او بالمقابل به یې طالبان هم زر تنه بندیان له خپلو بندیخانو خوشې کوي.
همداراز ټاکل شوې وه چې د یکشنبې پر ورځ د طالبانو یو پلاوی د زندانیانو تبادلې لپاره کابل ته راشي، خو د دغه پلاوي راتګ بل وخت ته ځنډیدلی دې.
په همدې حال کې ملي امنیت شورا وايي چې کابل ته د طالبانو یو پلاوی را روان دی، خو د نیټې په هکله یې څه نه وايي.
د طالبانو لخوا د دوې د مرکچي لس کسیزه پلاوي نومونه هم څرګند شوي دي، چې مولوی ضیا الدین واقف، مولوی عبدالحمید آخندزاده، حافظ عبدالقدیر، مولوی عبدالظاهر نعمان، مولوی عبدالفتاح فاتح، مولوی عبدالهادی آخندزاده، مولوی عبدالله رابط، مولوي صدیق الله خبیب، ذبیح الله نورانی و محمد نسیم هلال، د دغه پلاوي غړي دي.
باید وویل شي چې افغان حکومت په وار وار ټينګار کوي چې له خوشې کیدونکو طالبانو به ضمانت اخلي څو بیاځلي د جګړې ډګرونو ته ستانه نشي.
تازه خبرونه
د روسیې ولسمشر د کابل او مسکو پر نږدې اړیکو ټینګار څرګند کړ
ولادیمیر پوتین د سنټ پیټرزبورګ نړیوالې اقتصادي غونډې په څنډه کې خبریالانو ته ویلي، چې په افغانستان کې اسلامي امارت واکمن دی او دا حقیقت باید درک شي.
د روسیې ولسمشر ولادمیر پوتین ویلي؛ مونږ تل په دې باور یوو، چې باید واقعیت ومنو. طالبان په افغانستان کې واک لري. مونږ باید د طالبانو له حکومت سره اړیکې ټینګې کړو.
پوتین زیاته کړې، چې د روسیې او ازبکستان لپاره په افغانستان کې ثبات تر اقتصادي فرصتونو ډېر مهم دی؛ خو دی له اسلامي امارت غواړي، چې د یوه ټولګډونه حکومت د جوړولو په اړه خپلې ژمنې پوره کړي.
ولادمیر پوتین وایي: زمونږ او ازبکستان لپاره، په افغانستان کې امنیت او ثبات له اقتصادي فرصتونو څخه ډېر مهم دی. طالبان باید د ټولګډونه حکومتوالۍ په خورا حساسه موضوع کې د ټولو توکمونو او سیاسي ډلو په ګډون خپلې ژمنې پوره کړي. د ملګرو ملتونو د امنیت شورا ټولنې پر کچه لوی موضوعات هم باید حل شي.
په څه کم دوه اوونیو کې د روسیې حکومتي چارواکو په بېلابېلو کچو د کابل او مسکو ترمنځ د اړیکو پر پراختیا ټینګار کړی دی.
له دې مخکې د روسیې بهرنیو چارو وزیر سرګي لاوروف ویلي وه، چې مسکو غواړي د ترهګرو ډلو له نوملړ څخه د اسلامي امارت نوم لرې کړي.
د افغانستان لپاره د روسیې ځانګړي استازي ضمیر کابلوف په دې وروستیو کې ویلي، چې اسلامي امارت نور د روسیې دښمن نه ګڼل کیږي.
د افغانستان اسلامي امارت ویاند ذبیح الله مجاهد له روسیې سره د اړیکو له پراختیا هرکلی کوي او څرګندوي، چې افغانستان له ټولو هېوادونو سره د متوازنې پالیسۍ په چوکاټ کې ښې اړیکې غواړي.
له ۲۰۰۳ کال راپدیخوا روسیې د اسلامي امارت نوم د منع شویو ډلو په نوملړ کې شامل کړ؛ خو په افغانستان کې د اسلامي امارت له بیا واکمیدو وروسته په څه کم درې کلونو کې روسیې له اسلامي امارت سره ښې اړیکې ټینګې کړي او تر څنګ یې د اسلامي امارت ډیپلوماټان هم ومنل.
تازه خبرونه
متحده عربي اماراتو ته د سراج الدین حقاني سفر امریکا غبرګون ته اړ کړه
د امریکا بهرنیو چارو وزارت متحده عربي اماراتو ته د افغانستان د کورنیو چارو وزارت د چارسمبالي سراج الدین حقاني د سفر په اړه غبرګون ښودلی دی.
د امریکا بهرنیو چارو وزارت ویاند مټیو میلر وايي، هېوادونه باید د اسلامي امارت د چارواکو د سفر بندیز ته درناوی وکړي.
میلر د چارشنبې پر ورځ ( د غبرګولي شپاړلسمه ) ابوظبۍ ته د سراج الدین حقاني د سفر په اړه ویلي؛ هېوادونه باید د اسلامي امارت د ځینو هغو چارواکو د سفر اجازه واخلي، چې د ملګرو ملتونو د بندیزونو په نوملړ کې دي.
هغه زیاته کړې، چې دا اجازه د سفر د معافیت ترلاسه کولو پروسې له لارې، چې د ملګرو ملتونو د بندیزونو کمیټې په ۱۹۸۸ ز. کال پرېکړه کې ځانګړې شوې؛ ترلاسه کیږي.
د امریکا بهرنیو چارو وزارت ویاند ټینګار کړی، چې د ملګرو ملتونو غړي هېوادونه باید دغه بهیر رعایت کړي.
حقاني د سې شنبې پر ورځ ( د غبرګولي پېنځلسمه) ابوظبۍ ته په سفر ولاړ او هلته یې د متحده عربي اماراتو د امیر شیخ محمد بن زاید آل نهیان په ګډون له لوړ پوړو چارواکو سره وکتل.
د افغانستان د اسلامي امارت ویاند ذبیح الله مجاهد په ایکس پاڼه کې د دغې غونډې په اړه لیکلي، چې دواړو لوریو د دوه اړخیزو ګټو د خوندي کولو او د سیمې د ثبات لپاره د اړیکو د پراختیا پر لارو چارو خبرې کړې دي.
تازه خبرونه
سراج الدین حقاني او د متحده عربي اماراتو چارواکو په څو برخو کې هوکړې وکړې
د اسلامي امارت ویاند ذبیح الله مجاهد ويلي، چې د کورنیو چارو وزارت چارسمبالي سراج الدین حقاني متحده عربي اماراتو ته په خپل سفر کې د دغه هېواد له چارواکو سره د اړیکو پر پیاوړتیا او یو لړ موضوعاتو خبرې او هوکړې کړې دي.
ذبیح الله مجاهد ویلي، چې سراج الدین حقاني د متحده عربي اماراتو له چارواکو سره په کتنه کې له امنیتي بنسټونو سره په روغتیا او ودانیزو چارو کې د دغه هېواد د مرستې غوښتنه وکړه.
مجاهد ویلي، چې متحده عربي اماراتو ژمنه کړې، چې د کورنیو چارو وزارت د ترافیکو مدیریت په ډیجیټل کولو کې به مرسته کوي.
نوموړي په ایکس پاڼه کې لیکلي، چې حقاني د متحده عربي اماراتو له یو شمېر چارواکو سره خبرې کړې او په متحده عربي اماراتو کې د افغان بندیانو د خلاصون په ګډون یې په بېلابېلو برخو کې د دې هېواد هوکړه لیکونه ترلاسه کړي دي.
هغه ویلي، د افغانستان او متحده عربي اماراتو ترمنځ د اړیکو ټینګول، د کورنیو چارو په وزارت کې د ترافیکو مدیریت ډیجیټل کول، افغانانو ته د ویزو په ورکړه کې اسانتیاوې هغه څه دي، چې دواړو لوریو پرې هوکړه وکړه.
مجاهد د متحده عربي اماراتو چارواکو د څرګندونو له مخې ویلي، چې افغانستان امن شوی او په افغانستان کې د اوسني امنیت او ثبات ملاتړ کوي.
د نوموړي د څرګندونو له مخې؛ دغه راز دواړو لوریو هوکړه کړې، چې د افغانستان په بیارغونه او پانګونه کې به د حکومت تر څنګ اماراتي شرکتونو هم ونډه ولري.
سراج الدین حقاني د سې شنبې پر ورځ متحده عربي اماراتو ته ولاړ او هلته یې په ابوظبۍ کې د متحده عربي اماراتو له لومړي وزیر محمد بن زاید بن سلطان آل نهیان سره وکتل.
-
لوبی5 days ago
امریکا د جونز پر غوره توپوهنې د ۲۰ اوریز نړیوال جام لومړۍ لوبه له کاناډا وګټله
-
لوبی3 days ago
افغانستان یوګانډا ته پر ۱۲۵ منډو ماتې ورکړه
-
نړۍ5 days ago
د جنوبي کوریا خلک دې د شمالي کوریا د رالېږل شویو بالونونو په اړه پوځ یا پولیس خبر کړي – چارواکي
-
سوداگري3 days ago
د افغانستان لومړنۍ سووداګریزې لارۍ له لنډمهالو اسنادو سره پاکستان ته ننوتلې
-
تازه خبرونه3 days ago
قزاقستان د اسلامي امارت نوم د ترهګرۍ له نوملړه وویست
-
نړۍ5 days ago
محکمه آلمان حکم بازداشت یک افغان را در پیوند به حمله با چاقو صادر کرد
-
تازه خبرونه4 days ago
امریکا او اروپا د بُن په ناسته کې د ښو طالبانو او پاچاهۍ د رامنځته کولو هڅه کوله
-
د هوا حالاتو بدلونونه4 days ago
په هند کې د تودوخې له څپې ۵۶ کسان مړه شول