تازه خبرونه
طالبان به کابل ته له بیا راتلو سره خپلې سختې پالیسۍ نه پلې کوي!
رویترز خبري آژانس د طالبانو د مشرانو له خولې په ډاګه کړې، چې دا ډله به د سولې له تړون وروسته د نولس سوه نوییمې لسیزې په څېر خپلې سختې پالیسۍ نه پلې کوي او له دولتي ځواکونو به هم غچ وانخیستل شي.
داسې باورونه هم شته، چې په نولس سوه نوییمه لسیزه کې د طالبانو رژیم وېرونکې او ترخې خاطرې پر ځای پرېښې دې. اوس، چې د سولې هڅې ګړندۍ شوي؛ طالبان هم هڅه کوي په خپلو دریځونو کې نرمښت وښیي او و وایي، چې نوییمې لسیزې ته نه ورګرزو.
رویترز آژانش د طالبانو د مشرانو له خولې ویلي، چې طالبانو خپل لیدلوری بدل کړی او د سولې له تړون وروسته به د نولس سوه نوییمې لسیزې په څېر کالونو ته ولاړ نشي؛ هغه مهال د نجونو زدکړه او موسیقي بنده وه، پر مدني او نورو آزادیو محدودیت لګیدلی و او په غازي لوبغالي کې اعدامونه کیدل.
په ولسي جرګه کې د کندهار استازی عبدالرحیم ایوبي وایي؛ د سولې په خبرو کې موخه د افغانستان د خلکو ارزښتونه دي( د بیان آزادي او بشري حقونه) که دا ارزښتونه ونه منل شي، سوله به هم نوي.
طالبانو ویلي، چې د سولې له تړون وروسته به افغانستان ته نور ګواښ نه وي.
یو شمېر سیاسي څېرې ټینګار کوي، چې د بشري حقونو، بیان آزادۍ او د اووه لس کلنو لاسته راوړنې په ځانګړي توګه د ښځو په برخه کې باید له طالبانو سره په مذاکراتو کې د سرو کرښو په توګه خوندي شي.
په ولسي جرګه کې د کندهار د خلکو استازی لالی حمیدزی وایي؛ مونږ له هرې هغې سولې سره مخالف یو، چې ملي ارزښتونه په کې تر پښو لاندې شي.
افغان حکومت هم وایي، د څه باندې یوې لسیزې لاسته راوړنې به له طالبانو سره د سولې په خبرو کې قرباني نشي.
دا، چې حکومت له کومو لارو غواړي، چې له طالبانو سره سوله وکړي د هېواد ستر درستیز محمد شریف یفتلي وایي، چې د هغو طالبانو او ترورستانو په وړانددې، چې د خلکو پر ضد جنګیږي؛ په روان کال کې به سیاسي، پوځي، اقتصادي او ټولنیز فشارونه تر سره کوو.
د ملي امنیت شورا سلاکار هم څرګنده کړې، چې د سولې په خبرو کې به د افغانستان د خلکو پر قربانيو هم معامله ونشي.
مخکې له دې د پاکستان ده نیشن ورځپاڼې د هغه هېواد د بهرنیو چارو وزارت د چارواکو له خولې ویلي وه، چې افغان دولت او طالبانو د سولې د مخامخ خبرو پر پیل هوکړه کړې؛ خو تر اوسه دولت او طالبانو تائید کړې نده.
خبریال: باعث حیات.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه20 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه21 hours ago
په عراق کې به همجنسبازان پر۱۵ کاله بند شي –پارلمان
-
لوبی18 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل