Connect with us

تازه خبرونه

طالب پلاوي پاکستان ته مشورتي سفر کړی – سرچینې

خپور شوی

د

(Last Updated On: ليندۍ ۲۶, ۱۳۹۹)

طالبانو ته نږې پخوانیو سرچینو ویلي؛ په دوحه کې د سولې خبرو له ودرېدو وروسته، د ملا بردار په مشرۍ د طالبانو پلاوي له پاکستاني چارواکو سره د مشورو لپاره پاکستان ته درې ورځنی سفر کړی دی.

د طالبانو پخواني غړي سید اکبر اغا ویلي: زه فکر کوم، چې دوی د مشورو د تر سره کولو لپاره پاکستان ته تللي؛ ځکه پاکستان د افغانستان د سولې په بهیر کې رغنده رول لري.

د کابل سیاستوال وایي، چې پاکستان پر طالبانو ډېر ژور اغېز لري او له همدې کبله د طالبانو د سیاسي دفتر مشر د سلا مشورو او نویو دندو لپاره اسلام آباد ته سفر کړی.

د سیاسي چارو کارپوه احمد سعیدي ویلي: دا روښانه ده، چې طالبان د راتلونکي په اړه د مشورې لپاره خپلو بادارانو ته تللي دي.

د افغانستان لپاره د پاکستان ځانګړي استازی په دې اند دی، چې اسلام آباد به په دې درې ورځني سفر کې د دوحي خبرو له یو اصلي لوري سره نږدې اړیکې جوړې کړي.

په افغانستان کې د پاکستان ځانګړي استازي محمد صادق خان ټویټ کړی، چې د ملا برادر درې ورځنی سفر پاکستان ته د اسلام آباد د پالیسۍ یوه برخه ده، چې د دوحې د سولې په خبرو کې له مهم افغان اړخو سره اړیکې ټینګې کړي.

په دوحه کې د افغانانو د خپلمنځي خبرو دواړو لوریو د لیندۍ پر ۲۲ هوکړه وکړه، چې د سولې خبرو بل پړاو د اجنډا  لپاره به درې اوونۍ سلا مشورې کوي. دا خبرې به د مرغومې پر ۱۶ یا د جنورۍ پر پېنځمه بیا پیل شي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!