تازه خبرونه
عطامحمد نور: د اجرایي رییس پر سیاسي توان باور نه لري
د بلخ ولايت سرپرست عطامحمد نور وايي چې له دې وروسته د عبدالله عبدالله په سياسي توان باور نه لري، له همدې کبله یې له ولسمشر محمد اشرف غني سره د قدرت د وېش له پاره خبرې کړې دي.
نور وایي چې عبدالله عبدالله په تېرو دوو کلونو کې د جمعيت اسلامي سم استازیتوب ونه کړی شو او وروسته له دې به خپله کابل کې دغه هدف تعقیبوي. اجرایي رییس ته نږدې کسان وایي چې هېڅ تعامل نه شي کولای د اجرایي رییس ځای بدل کړي.
عطامحمد نور له ۱۳کلونو حاکمیت وروسته اوس چمتو شوی چې د بلخ ولایت له مقام سره مخه ښه وکړي. عطامحمد نور د ولسمشر یو سرسخت مخالف او د اجرایي رییس یو کلک ملاتړی و، خو اوس داسې ښکاري چې ولسمشر ته ور نږدې شوی دی. د بلخ سرپرست بي بي سي سره په مرکه کې پر اجرایي رییس نیوکې کړې چې له ولسمشر محمد اشرف غني سره بحثونو کې کمزوری و.
د بلخ سرپرست عطامحمد نور وايي: “ډاکټر عبدالله یو ښه شخصيت دی، دا کار ازمويل شوی دی، موږ د هغه په شخصيت ډېرې خبرې نه کوو، خو دلته يې ډېره کمزورې لوبه وکړه، سم استازيتوب يې ونه کړ، نو له همدې کبله اړ شوم دې حالت ته بدلون ورکړم او خپله خبرو ته وړاندې شم.”
خو پوښتنه دا ده چې د بلخ له ولایت څخه به تر ګوښه کېدو وروسته نور څه کار کوي؟
عطامحمد نور زیاتوي: “په کابل کې به يم، په کابل کې مبارزه کوم او حق به غواړم، خبرې اترې به ولرم او غونډې به جوړې کړم.”
سپیدار ماڼۍ د بلخ د سرپرست دغو خبرو ته غبرګون نه ښیي خو د اجرایي رییس پلویان وایي، د اصلاحاتو او همپالنې ټیم دې په متحد ډول د سیاسي هوکړه لیک د تطبیق له پاره ګامونه واخلي، خو له ولسمشر غني سره د بلخ د سرپرست خبرې په دې هم د اندېښنې وړ یادېږي چې د اجرایه رییس رول پیکه کېږي.
د اجرایه رییس یو ملاتړی جاوید کوهستاني وايي: “له سياسي پلوه هېڅ ډول تعامل نه شي کولای چې د اجرايه رياست ځای ونيسي، ځکه چې د اجرايه رياست هوکړه د جمعيت د حزب او نورو ډلو تر منځ نه بلکې د ټاکنو د نوماندو تر منځ لاسليک شوی دی.”
عطامحمد نور مخکې ویلي وو چې محمداشرف غني د افغانستان د قانوني ولسمشر په توګه نه پېژني. له بلې خوا د اجرایه رییس سلاکار ویلي وو چې د بلخ سرپرست د شخصي مسایلو له پاره له ولسمشر سره خبرې کړې دي.
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه12 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه12 hours ago
په عراق کې به همجنسبازان پر۱۵ کاله بند شي –پارلمان
-
لوبی9 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل