تازه خبرونه
فیصل: د کانکور پايلې سبا اعلانېږي
د لوړو زدکړو وزارت وايي، د ۱۳۹۵کال د کانکور د آزموينې پايلې به سبا اعلان شي او دغه بهير د اعلان ځنډ به د محصلينو په زده کړو کې ځنډ را نه ولي.
د دغه وزارت ویاند وایي، د آزموینېد پايلو داعلان په سبا ورځ به محصلان پوهنځیو ته معرفي شي او د محصلانو د نوم لیکنې بهیر به په پوهنځیو کې د درس په وړاندې خنډ نه شي.
د لوړو زدکړو وزارت که څه هم د کانکورآزموینه کې د روڼتیا له پاره د یوه بهیر خبره کوي، خو د کانکوردآزموینې پايلې د تېر کال په پرتله پنځلس ورځې وځنډېدې. خو وزارت وایي، دغه ځنډ به یې کارونه ټکني نه کړي بلکې دویبه خپل کارونه د تېر کال په پرتله په ښه توګه وکړي.
د لوړو زدکړو وزارت ویاند محمد امین فیصل وايي: “د کانکور د پايلو د اعلان ځنډ ډېر په ګټه و ځکه چې په دې وخت کې موږ وکولای شول چې په بشپړه توګه د جعل کاريو مخه ونيسو او په راتلونکو کلونو کې جدي تصميم نيول کېږي چې د کانکور په پايلو کې ځنډ رانه شي او د اوسنيو درسونو سېستم د کرېډېټ سېستم دی، نو د محصلينو په درس کې ستونزه نه راځي.”
فیصل وایي، د محصلينو نوم لیکنه سږکال وخت نه غواړي او محصلين به د نتایجو په اعلام سره پوهنځیو ته معرفي شي.
محمد امین فیصل زیاتوي: “سبا ته پايلې اعلانېږي او په ورپسې ورځ محصلين کولای شي خپلو پوهنځي ته د درس له پاره لاړ شي چې هملته په پوهنځيو کې يې نوم ليکنه هم کېږي چې په دې ډول به په کار کې ډېر وخت ضايع نه شي.
د لوړو زدکړو وزارت په وینا، په ۱۳۹۴کال کې دوه سوه دولس زرو کسانو د کانکور آزموینې کې برخه درلوده، چې اته پنځوس زره درې سوه لس به یې دولتي پوهنتونو کې جذب شي او شاوخوا څلور شپیته زره نور به د نیمه لوړو زده کړو موسسو ته لار پیدا کړي او څلوېښت زره نور به خصوصي پوهنځیو ته معرفي شي.
تازه خبرونه
په افغانستان کې د قزاقستان د سوداګرۍ خونه پرانیستل شوه
د افغانستان صنایعو او سوداګرۍ وزارت څرګنده کړې، چې د افغانستان په هرات ولایت کې د قزاقستان د سوداګرۍ خونه پرانیستل شوه.
د دغه وزارت په خبرپاڼه کې، چې نن سې شنبه د غویی اتلسمه خپره شوې راغلي، چې د صنایعو او سوداګرۍ وزارت چارسمبالي نورالدین عزیزي په افغانستان کې د قزاقستان د سوداګرۍ خونې پرانیستل د دواړو هېوادونو ترمنځ د سوداګریزو اړیکو د پیاوړتیا او پراختیا په برخه کې یو مثبت او اغېزمن ګام وباله.
یادې خونې د پرانیستې پر مهال نورالدین عزیزي څرګنده کړې، چې د افغانستان د رسمي پلاوي او خصوصي سکټور د سوداګریزو اړیکو کنفرانس، دوه اړخیزو سوداګریزو غونډو او پر ۱۴۰۲ کال د قزاقستان په استانه ښار کې د افغانستان د محصولاتو او تولیداتو له نندارتون وروسته قزاقستان ته د افغانستان صادرات زیات شوي دي.
د قزاقستان د سوداګرۍ خونې مشر ارمان یوسینتایوف ټینګار کړی، چې د دې خونو له پرانیستلو څخه هدف د دواړو هېوادونو ترمنځ د سوداګرۍ د حجم او ارزښت لوړول دي؛ ځکه، چې قزاقستان له اسلامي امارت سره د اړیکو او سوداګرۍ پراختیا ته لیوالتیا لري.
تازه خبرونه
د نړۍ قوتونه زمونږ د اقتصادي او سیاسي پرمختګونو د مخنیوي هڅې کوي – ملا برادر
د ریاست الوزراء اقتصادي مرستیال ویلي، چې د نړۍ ستر قدرتونه هڅه کوي، چې د اسلامي امارت د اقتصادي او سیاسي پرمختګ مخه ونیسي.
ملا عبدالغني برادر دغه څرګندونې د ۲۰۱ خالد بن ولید قول اردو له روزنيز مرکز څخه د ملي اردو د سرتېرو د فراغت په مراسمو کې وړاندې کړې دي.
نوموړي زیاته کړې: د نړۍ ستر قدرتونه اسلامي امارت ته د شک پر سترګه ګوري او اوس هم هڅه کوي، چې زمونږ د اقتصادي او سیاسي پرمختګ مخه ونیسي؛ خو مونږ او تاسې باید ویښ او بیدار اوسو.
په افغانستان کې د اسلامي امارت له واکمنۍ نږدې درې کاله تېر شول؛ خو تر اوسه هیڅ هېواد اسلامي امارت پر رسمیت ندی پېژندلی؛ د افغانستان پر بانکي سکټور لګول شویو بندیزونو د هېواد پر اقتصاد منفي اغېز کړی دی.
نړيوالې ټولنې د اسلامي امارت د رسمیت پېژندلو لپاره د ښځو د حقونو خوندیتوب او د يوه ټولګډونه حکومت جوړول خپل شرطونه ایښي دي.
اسلامي امارت هم څرګنده کړې، چې د ښځو حقونه د شریعت له مخې تضمین شوي او په کابینه کې بېلابېل قومونه پراخ حضور لري.
تازه خبرونه
د افغانستان د سویل خلکو په وروستیو ۴۰ کلونو کې یوه باراني میاشت تجربه کړه
یوې امریکایي ادارې راپور ورکړی، چې د افغانستان سویل په تېرو ۴۰ کلونو کې له درېوو څخه یو باراني اپریل تجربه کړی دي.
د دوشنبې پر ورځ د غویی اووهلسمه د قحطۍ له وخت مخکې خبرداري سيسټم ادارې په خپل راپور کې څرګنده کړې، چې د اپريل اورښتونه د هېواد په شمالي، شمال ختيځو او لویديځو سيمو کې د کرنې د ودې لامل شوي؛ خو سېلابونو شاوخوا لس زره جريبه کرنيزه ځمکه په ځانګړي توګه د هېواد په ختيځو او سویل ختيځو سيمې کې له منځه وړې ده.
د راپور له مخې؛ وروستیو اورښتونو په ټول هېواد کې د څړځایونو له وضعیت سره مرسته کړې او د باراني څپرکي له پای ته رسېدو سره تمه ده، چې د حاصلاتو د فصل له پیلېدو سره به خوراکي توکو او عایداتو ته د کورنیو لاسرسی ښه او د کرنې په سکټور کې کاري زمینه برابره شي.
-
تازه خبرونه2 days ago
په غور کې د سېلابونو له کبله سلګونه خلک بې ځایه شول
-
تازه خبرونه2 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه2 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه1 day ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ1 day ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري2 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی1 day ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ22 hours ago
د غزې په جګړه کې مو د مصر او قطر د اوربند وړاندیز منلی – حماس