تازه خبرونه
له افغانستان څخه به د امریکایي ځواکونو وتل ډېر ژر بشپړ شي – راپور
رویټرز د امریکايي چارواکو د څرګندونو له مخې په ډاګه کړې، چې له افغانستان څخه د امریکايي ځواکونو وتل به په څو راروانو ورځو کې بشپړ شي.
امریکایي چارواکو د نوم نه ښودلو پر شرط یادې رسنۍ ته په ډاګه کړې؛ هغه سرتېري، چې د سفارت او کابل هوایي ډګر د ساتنې لپاره پاتې کیږي، د دغې وتنې برخه ندي.
امریکايي چارواکو له دې مخکې ویلي وه، چې ۶۵۰ بهرني سرتېري به د امریکا سفارت او کابل هوایي ډګر د ساتنې لپاره پاتې شي.
همدارنګه ویل شوي وه، چې له افغانستان څخه د امریکایي سرتېرو وتل له ۵۰ سلنې څخه ډېر بشپړ شوي دي.
پنټاګون ويلي، چې د افغانستان له ۴۱۹ ولسوالیو څخه ۸۱ ولسوالۍ د طالبانو په واک کې دي.
د امریکا دفاع وزارت زیاته کړې؛ له افغانستان څخه د امریکایي سرتېرو وتل به په افغانستان کې د پرېکنده ملاتړ ماموریت د ځواکونو د دندې د پای ته رسېدو معنا ونلري.
له افغانستان څخه د بهرنیو ځواکونو وتلو داسې اندېښنې راپورته کړي، چې دا هېواد کېدی شي کورنۍ جګړې ته وردننه شي او په افغانستان کې به پر امریکا د القاعده د بریدونو لپاره لار پرانیزي.
ملګرو ملتونو د روان کال په جنورۍ میاشت کې ویلي وه، چې د القاعده شاوخوا ۵۰۰ جنګیالي له طالبانو سره نږدې اړیکې لري؛ خو طالبانو دغه تورونه رد کړي دي.
د راپورونو له مخې د امریکا دفاع وزیر لوویډ آسټین به نن په امریکا کې له خپل جرمني سيال سره وګوري.
د یادونې ده، چې نن له افغانستان څخه ټول آلماني سرتېري ووتل. آلمان له امریکا وروسته په افغانستان کې دوه یم هېواد و، چې په ډېر شمېر سرتېري یې لرل.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه8 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
سوداگري20 hours ago
د اوسپنې پټلۍ له لارې ترکیې ته د افغانستان صادرات پیل شول