تازه خبرونه
له افغانستان څخه د بهرنیو ځواکونو د وتلو لپاره نرمښت ته اړتیا ده ـ سټولټنبرګ
د ناټو عمومي منشي ینس سټولټنبرګ پرون (چارشنبه د سلواغې ۲۹) ویلي، چې د ناټو متحدین له افغانستان څخه د بهرنیو ځواکونو د وتلو په اړه په ګډه کار کوي او دا موضوع به د دې ټولنې د دفاع وزیرانو په غونډه کې یاده شي.
ینس سټولتنبرګ وایي: هغه څه، چې مونږ اوس کولی شو همغږي او مشوره ده. مونږ سبا بحث کوو او زه د دې خبرو وړاندوینه نکوم ؛ خو زمونږ متحدین په ځانګړي توګه امریکا له نږدې همغږي کوي او مونږ به وروسته پرېکړه وکړو.
سټولټنبرګ ټینګار کړی، چې نرمښت له افغانستان څخه د بهرنیو ځواکونو وتلو ته زمینه برابروي.
هغه په دې اړه وايي: طالبان باید پخپلو کړیو ژمنو عمل وکړي.هغه څه، چې ناټو یې اوس غواړي؛ د سولې له بهیر ملاتړ او د دوحې تړون پلي کول دي.
هغه زیاته کړې: مونږ به افغانستان په مناسب وخت کې پریږدو او مونږ اوس د سولې د هڅو پر ملاتړ راڅرخو. دا د سولې لاسته راوړلو یوازنۍ لار ده.
سټولټنبرګ وایي: لکه څنګه، چې تاسې پوهیږئ د ناتو متحدین او امریکا د سپتمبر له برید وروسته په ګډه افغانستان ته تلي یو. مونږ په ګډه د خپل شتون په اړه پرېکړه کړې او د وتلو پرېکړه مو هم ګډه ده.
د ناټو عمومي منشي له طالبانو غواړي، چې تاوتریخوالی کم کړي او له القاعدې سره اړیکې پرې کړي.
سټولټنبرګ په ډاګه کړې: زه فکر کوم مهمه دا ده، چې د تاوتریخوالي له کمولو سره طالبان باید د خبرو اترو ته ښه اراده هم وکړي او له القاعدې سره ټولې اړیکې پرې کړي او د هغوی ملاتړ ونکړي.
د ناټو عمومي منشي هم له افغانستان څخه د بهرنیو ځواکونو د وتلو په اړه د امریکا له نوي دریځ هرکلي ته په تمه دی.
هغه وایي: مونږ د امریکا له پیاوړې ژمنې او څرګند پیغام څخه هرکلی کوو، چې ناټو او متحدینو ته د سلا مشورې زمېنه برابروي.اوسمهال ناټو په افغانستان کې شاوخوا ۱۰ زره سرتېري لري، چې ډېري یې امریکایي ندي.
د یادونې ده، چې نړۍ د افغانستان د سولې ګړندی بهیر غواړي او وایي، چې د جګړې د پای ته رسولو یوازنۍ لار سوله او سیاسي جړجاړی دی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ