تازه خبرونه
له افغان ځواکونو مالي ملاتړ به روان ساتو – د ناټو عمومي منشي
د ناټو عمومي منشي ینس سټولټنبرګ نن دوشنبه د غبرګولي ۲۴ څرګنده کړې، چې ناټو تړون به د افغانستان، روسیې او اوکراین په اړه بحث او خبرې وکړي.
سټولټنبرګ زیاته کړې، چې د غونډې پرېکړې به د دې تړون د یووالي ښکارندویي وکړي.
نوموړي په دې اړه ویلي؛ ناټو د تاریخ یو بریالی تړون دی؛ ځکه په تېرو اویا کلونو کې لکه څنګه، چې نړۍ بدله شوې ورسره دا ټولنه هم بدله شوې ده. مونږ به د دې تړون د پیاوړي کولو لپاره پر بېلابیلو مسلو خبرې وکړو، چې د یو میلیارد خلکو داډمنه ساتنه وشي.
د ناټو عمومي منشي ويلي، چې له افغانستان څخه د بهرنیو ځواکونو پر وتلو سربېره دغه ټولنه به له افغان ځواکونو ملاتړ هم روان ساتي.
سټولټنبرګ وایي: مونږ له افغان ځواکونو سره مالي ملاتړ روان ساتو. دا یوه ژمنه ده، چې ټول متحدین ورته ژمن دي. مونږ اوس هم له هېواده بهر د افغان ځواکونو د روزلو د ځای په اړه کار کوو.
د ناټو عمومي منشي څرګنده کړې؛ دوی د حامد کرزي نړیوال هوایي ډګر په ګډون د بېخبناوو پر ساتلو هم کار کوي.
سټولټنبرګ ویلي: د ناتو یوشمېر متحدین د امریکا، ترکیې او نورو هېوادونو په ګډون ټینګار کوي، چې څنګه کولی شي په کابل کې یو نړیوال هوایي ډګر ډاډمن وساتي.
هغه زیاته کړې، چې د کابل هوایي ډګر د ناتو او نړیوالې ټولنې او همدارنګه د ډیپلوماتانو د شتون او دوامداره مرستو لپاره اړین دی.
د امریکا د ملي امنیت شورا سلاکار جیک سالیوان تېره شپه د غبرګولي ۲۳ ویلي، چې بروکسل ته د خپل سفر پر مهال به د امریکا ولسمشر جو بایډن په افغانستان او کابل کې د هوایي ډګر او د امریکا سفارت د امنیت په ګډون پر بېلابېلو مسلو خبرې وکړي.
سالیوان یوې خبري غونډې ته زیاته کړې، چې بایډن به په بروکسل کې د ترکیې له ولسمشر رجب طیب اردوغان سره هم د کابل د هوایي ډګر د امنیت په اړه خبرې وکړي.
له دې مخکې ترکیې ویلي وه، چې دوی به په مشروط بڼه د کابل هوایي ډګر امنیت خوندي کوي؛ خو طالبانو دغه څرګندونې رد کړې او څرګنده یې کړه، چې د سفارتونو او هوایي ډګر خوندي کول د افغانانو کار دی او ترکیه به هم لکه د ناټو نور غړي له افغانستان څخه خپل ځواکونه وباسي او د قطر تړون ته به ژمن پاتې کیږي.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
نړۍ3 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره