Connect with us

تازه خبرونه

له دوه میاشتني ځنډ وروسته د پاسپورټ ریاست چارې بیا پیل شوې

خپور شوی

د

(Last Updated On: تله ۱۳, ۱۴۰۰)

د افغانستان پاسپورټ ریاست نن (سې شنبه د تلې ۱۳) په یوه خبري ناسته کې څرګنده کړه، چې دې بنسټ خپلې چارې او هڅې بیا پیل کړې.

د افغانستان د پاسپورټ څانګې مشر علم ګل حقاني په یوه خبري کنفرانس کې خبریالانو ته وویل، چې تېرې ادارې هره ورځ ۳۰۰۰ پاسپورټونه وېشل؛ خو اوس اسلامي امارت په پام کې لري، چې دا شمېر د ورځې ۶۰۰۰ ته لوړه کړي.

د نوموړي د څرګندونو له مخې؛ په لومړي سر کې پاسپورټونه به ۲۵۰۰۰ هغو  خلکو ته ووېشل شي، چې پاسپورټونه یې دمخه تر کار لاندې ول.

د کورنیو چارو وزارت ویاند سعید خوستي دغه خبر تائید کړی او څرګندوي، چې د پاسپورټونو د وېش بهیر به د لاندې اصولو له مخې پیل شي:

– په لومړي ګام کې دا به ۲۵۰۰۰ هغو خلکو ته ووېشل شي، چې اسناد یې پروسس شوي(هغه کسان، چې خپلې پیسې یې بانکونو ته سپارلي دي.

– هغه کسان، چې فورمې یې آنلاین ډکې کړي او دمخه یې وار نیولی دی.

– هغو ناروغانو ته، چې درملنه یې په کور کې دننه ناشونې ده.

– هغه دولتي کارکوونکي، چې رسمي سفر ته معرفي کیږي.

– هغه ملي سوداګر ، چې د سوداګرۍ وزارت لخوا نومول شوي.

– هغه خلک، چې د استوګنې رسمي بلنه ولري.

–  هغه زدکوونکي، چې د بورسونو لپاره نومول شوي وي.

– په ځانګړو حالاتو کې د اسلامي امارت د ځواکونو ټپيانو او ملکي وګړیو ته.

– د پاسپورټ دفتر کارکوونکیو او د هغوی د کورنیو غړیو ته.

او هغو لوبغاړیو ته، چې په نړیوالو سیالیو کې برخه اخلي.

دې ادارې دا هم ویلي، چې دمګړۍ نږدې یو میلیون چاپ شوي پاسپورټونه توزیع ته چمتو دي.

د کورنیو چارو وزارت د رسنیو د څانګې مشر سعید خوستي ویلي، پاسپورټونه دا مهال تر اوسني سرلیک (د افغانستان اسلامي جمهوریت) لاندې وېشل کیږي.

ښاغلی خوستي زیاته کړې، چې د پاسپورټ ریاست له ټولو ښځینه کارکوونکیو څخه غوښتل شوي، چې بېرته کار ته راستنې شي.

دغه راز اسلامي امارت په ډاګه کړې؛ د هغو دولتي کارمندانو معاشونه، چې له تېرو درې میاشتو راپدیخوا نه دي ورکړشوي؛ د اجرا وړ دي.

دا په داسې حال کې ده، چې د دوشنبې پر ورځ د لومړي وزیر ملا محمد حسن اخوند تر مشرۍ لاندې د وزیرانو شورا کورنیو چارو وزارت ته د پاسپورت او پېژندپاڼو د وېش لړۍ د پیلولو سپارښتنه کړې ده.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!