تازه خبرونه
له ناامنیو سره ـ سره په پاکستان کې پارلماني او ایالتي ټاکنې پیل شوې
نن( پنجشنبه د سلواغې ۱۹ / د فبرورۍ اتمه ) د پاکستان په بېلا بېلو برخو کې پر ځايي وخت د سهار پر اته نیمو بجو د خلکو او د کورنیو او بهرنیو څارونکیو پر پراخ حضور د رایې اچونې بهیر پیل شو، چې د ماښام تر پېنځه بجو به روان وي.
د ۲۰۲۲ ز. کال په اپرېل کې پارلمان عمران خان بېواکه کړ، چې ورسره امنیتي وضعیت له ناڅرګند برخلیک سره مخ شو. اوس هڅه داده، چې د دغه حالت د پای ته رسلو لپاره ټاکنې کیږي. تمه داده، چې پاکستان به ورسره له سیاسي، اقتصادي او امنیتي ناخوالو ووځی او د یو بل منتخب حکومت لرونکی شي.
په دې ټاکنو کې به له نږدې ۲۴۱ اعشاریه ۵ میلیون وګړو څخه ۱۲۸ میلیون خلک د رای اچولو حق ولري، چې ۶۹ میلیون (۵۴سلنه) نرینه او ۵۹ میلیون (۴۶ سلنه) ښځې وي.
د پارلمان د رای پاڼې زنګ شين او د ايالتي شوراګانو هغه سپين دي.
د مرکزي حکومت مشري د پارلمان لخوا د پېنځه کلونو لپاره ټاکل شوی لومړی وزیر کوي.
د پاکستان پارلمان ۳۴۲ څوکۍ لري، چې ۲۷۲ یې عمومي، ۶۰ ښځو او ۱۰ مذهبي لږکیو ته ځانګړې شوې دي.
سږ کال دغو څوکیو ته ۵۱۲۱ کسان نوماند دي.
په پاکستان کې ۱۶۷ غټ او واړه سیاسي ګوندونه راجستر دي.
پاکستان کې وروستۍ ټولټاکنې د ۲۰۱۸ کال په جولای کې ترسره شوې وې، چې د عمران خان تحریک انصاف پاکستان ګوند پکې د پارلمان لپاره له نورو ډېرې څوکۍ ګټلې وې او له څو وړو ګوندونو سره یې ایتلافي حکومت جوړ کړ.
د عمران خان په مشرۍ تحریک انصاف پاکستان ګوند ته دا ځل په ټاکنو کې د ګډون اجازه نهده ورکړې شوې؛ نو غړي یې له بېلابېلو انتخاباتي حوزو څخه په خپلواک ډول ټاکنو ته ولاړ دي.
د سږنیو ټاکنو د امنیت ساتنې لپاره سلګونه زره ځواکونه ګومارل شوي دي.
د پوځ ٢٧٠ زره عسکر د څه دپاسه ١٥٠ زرو پوليسو، سرحدي ځواکونو او د ترهګرۍ ضد ځواکونو په ګډون به نن د اسلامآباد په ګډون د ټول پاکستان په ښارونو کې تر سختو امنيتي تدابيرو لاندې ټاکنې ترسره کړي.
د پاکستان د انتخاباتو د کمیسیون مشر پرون ویلي، چې دغه کمیسیون د پاکستان په ټولو سیمو کې د شفافو او عادلانه انتخاباتو د ترسره کولو لپاره چوتووالی نیولی دی.
د پاکستان له بېلابېلو سیمو څخه وروستي راپورونه ښیي، چې په نننیو ټاکنو کې د رای اچونې ځینې مرکزونه پخپل ټاکلي وخت پرانستل شوي نهدي او اړوند بهیر له ځنډ سره پیل شوی دی. یو شمېر رسنیو د دغه ځنډ لامل امنیتي او نورې ستونزې یادې کړې دي.
تازه خبرونه
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
ملګرو ملتونو د دې ټولنې په عمومي ناسته کې د افغانستان او پېنځه نورو هېوادونو د رايې ورکولو حق لنډمهالی ځنډولی دی.
دې ټولنې په اوبپاڼه کې لیکلي، چې افغانستان دې ټولنې ته د کلني غړیتوب حقالعضویت له پامه غورځولی دی.
دا خبر په ملګرو ملتونو کې د افغانستان دایمي استازولۍ هم تائید کړی دی.
دې ټولنې دا هم ویلي، چې د دې ټولنې د منشور د ۱۹ مادې له مخې: هر هغه غړي هېواد، چې د دوه کلونو یا له دې د ډېر وخت لپاره د غړیتوب حقالعضویت سپارلی نهوي؛ د دې ټولنې په عمومي ناسته کې د رایې ورکولو له حق څخه بې برخې پاتې کیږي.
د ملګرو ملتونو د څرګندونو له مخې؛ افغانستان د ۲۰۲۲ او ۲۰۲۳ کلونو لپاره د غړیتوب حقالعویت ندی ورکړې له همدې کبله د دې ټولنې پوروړی دی.
د ملګرو ملتونو د غړیتوب کلنی حق العضویت دوه میلیون ډالره دی.
د راپورونو له مخې؛ له دې مخکې په ملګرو ملتونو کې د غړیتوب کلنی حقالعضویت د افغانستان بهرنیو چارو وزارت پرې کاوه.
د ملګرو ملتونو په اوبپاڼه کې د ورکړ شویو معلوماتو له مخې؛ افغانستان، اکواډور، کومورس، وینزویلا، سومالیا او ساو تومه هغه هېوادونه دي، چې له دوه کلونو پر تېرېدو یې هم د غړیتوب حقالعضویت ندی ورکړی.
دا په داسې حال کې ده، چې ملګرو ملتونو ټولنې په تېرو دوه کلونو کې د افغانستان د دایمي استازي په توګه د افغانستان د لنډمهالي حکومت یا اسلامي امارت د نومول شوي استازي سهیل شاهین له منلو ډډه کړې ده.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
-
تازه خبرونه2 days ago
الله ګل مجاهد د قتل پر تور ونیول شو
-
سوداگري5 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه5 days ago
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه
-
تازه خبرونه1 day ago
د حج او اوقافو وزارت چارسمبالي د ترکیې له ولسمشر سره وکتل