تازه خبرونه
مونږ له ټولو هېوادونو سره ښې اړیکې غواړو- مجاهد
طالب ویاند ذبیح الله مجاهد پرون سې شنبه د وږي ۲ یوې خبري غونډې ته ویلي وه، چې طالبان له ټولو هېوادونو سره ښې اړیکې غواړي.
نوموړي د نوي حکومت د بهرني سیاست په اړه څرګنده کړې؛ طالبان غواړي له ټولو هېوادونو سره ښې اړیکې جوړې کړي او له “دوستو هېوادونو” یې وغوښتل، چې له طالبانو سره اړیکو ته لیوالتیا وښیي.
له چین سره د اړیکو په اړه د یوې پوښتنې په ځواب کې یې وویل؛ طالبان له چین سره اقتصادي او دوستانه اړیکې غواړي.
مجاهد څرګنده کړې، چې طالبان به د بهرنیو سفارتونو ودانیو ته نه ننوځي او د سفارت په اړوند سیمه کې به امنیتي خدمات وړاندې کوي.
د رویټرز د څرګندونو له مخې؛ مجاهد ټینګار کړی، چې د القاعده شبکې په ګډون به هیڅ ترهګریزې دلې ته اجازه ورنکړ شي، چې د افغانستان خاوره د ترهګریزو فعالیتونو لپاره وکاروي او نه به هم اجازه ورکړ شي، چې د دې هېواد خاوره د ګاونډ هېوادونو پر ضد وکارول شي.
مجاهد په پنجشېر ولایت کې د اوسني وضعیت په اړه ویلي، چې طالبان به دا شخړه د منځګړیتوب او خبرو له لارې حل کړي؛ ځکه، چې طالبان او د افغانستان خلک نه غواړي نور د افغانستان په کوم ولایت کې جګړه او تاوتریخوالی وویني.
مجاهد زیاته کړې؛ طالبان هیله من دي، چې په پنجشېر کې جنګیالي خپلې وسلې پر ځمکه کېدي او غوښتنو ته به یې پام راواړول شي.
هغه د نوي حکومت د جوړېدو په اړه جزئیات وړاندې نکړل؛ خو وایي، چې طالبان له ټولو سیاسي ډلو سره په نږدې اړیکو کې دي.
په دولتي دفترونو کې د ښځو د کار د دوام په اړه ویل شوي، چې ښځې کولی شي په دولتي دفترونو کې د فعالیتونو له بیا پیل وروسته؛ خپلو دندو ته ستنې شي.
ذبیح الله مجاهد د هېواد اوسني وضعیت ته په نغوته کې ویلي، چې دوی هڅه کوي د خلکو ژوند عادي حالت ته راوګرځوي.
طالبانو لا دمخه ځینې والیان ټاکلي دي او تمه ده، چې د پنجشنبې پر ورځ بانکونه او د پیسو د تبادلې دفترونه بېرته پرانستل شي.
مجاهد له سړکونو څخه د خنډونو د لرې کولو پوره ډاد څرګند کړ او څرګندوي، چې له لرې کېدو سره به یې ورو ورو له نور مال ژوندانه برخمن شو.
مجاهد په روغتیایي، ترانسپورتي او امنیتي برخو کې پر دولتي کارمندانو غږ وکړ، چې بېرته کار ته راشي او ژمنه یې وکړه، چې د هغو کسانو خوندیتوب به هم تضمین کړي، چې له بهرنیو ځواکونو سره یې د ژباړونکيو په توګه کار کړی او له هغوی یې وغوښتل، چې هېواد خوشې نکړي.
تازه خبرونه
افغانستان د پاکستان سفارت چارسمبالی احضار کړ
د افغانستان اسلامي امارت بهرنیو چارو وزارت د پاکستانيو پوځیانو لهخوا د افغانستان له حریمه د سرغړونې په غبرګون کې د پاکستان سفارت چارسمبالی احضار او احتجاجلیک یې ورته وسپاره.
د افغانستان اسلامي امارت د بهرنیو چارو وزارت د څرګندونو له مخې؛ افغانستان د نړۍ د زبرځواکونو پرخلاف د ازادۍ د اوږدې مبارزې تجربه لري، پخپله خاوره تېری نشي زغملی.
پاکستانی ولس او نوی ملکي حکومت باید پرېنږدي، چې ځینې کړۍ پر غیر مسوولانه کړنو خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.
تازه خبرونه
افغان سرحدي ځواکونو فرضي کرښې ته نږدې د پاکستان پوځي مرکزونه وویشتل
د افغانستان ملي دفاع وزارت نن (دوشنبه د کب اتهویشتمه) څرګنده کړې، چې د پاکستان جنګي او جاسوسي جیټ الوتکې یو ځل بیا د افغانستان خاورې ته ننوتلي او د پکتیکا په سپیرې او د خوست برمل ولسوالیو کې یې د ملکي خلکو پر کورونو بمبارډ کړی دی.
د دغه وزارت ویاند عنایت الله خوارزمي په ایکس پاڼه کې لیکلي، چې: د پاکستان د هوایي یرخل او تېري په ځواب کې افغان سرحدي ځواکونو د فرضي کرښې په اوږدو کې د پاکستان پوځي مرکزونه پر درندو وسلو ویشتي دي.
خوارزمي زیاته کړې، د هېواد دفاعي او امنیتي ځواکونه د هر ډول تېري ځواب ورکولو ته چمتو دي او په هر حالت کې به له خپلې ځمکنۍ بشپړتیا څخه دفاع کوي.
د پاکستان پر پوځي مرکز له خونړي برید وروسته د دغه هېواد لوړپوړو چارواکو د غچ اخیستو شعارونه ورکړل.
د پاکستان ولسمشر اصف علي زرداري ویلي: پاکستان پرېکړه کړې هر څوک، چې زمونږ پر پولو، زمونږ پر کور او یا زمونږ پر مالونو برید وکړي؛ مونږ به ورته سخت ځواب ورکړو، هغه که هر څوک وي او د هر هېواد وي.
د پاکستان د ولسمشر له دغو څرګندونو یوه ورځ وروسته تېره شپه د دغه هېواد کشفي او جنګي الوتکو د پکتیکا پر برمل او د خوست په سپېره ولسوالیو بریدونه وکړل.
د پاکستان له خوا ادعا شوې چې په دغو بريدونو کې د ټي ټي پي يو قوماندان پر نښه شوى دى.
له دغه برید څو ساعته وروسته د پاکستان د وزیرستان له سیمې د ټي ټي پي د یاد قوماندان عبدالله شاه ویډیو کلیپ خپور شو.
دغه هوايي بریدونه د اسلامي امارت له سخت غبرګون سره مخ شوي دي.
ذبيح الله مجاهد دغه بریدونه غندلي او وايي، چې دا ډول پېښې به ډېرې بدې پايلې ولري، چې د پاکستان له کنټروله به بهر وي.
اسلامي امارت وایي، چې پاکستان باید د خپلې بې کفایتۍ او ناکامۍ پړه پر افغانستان وانهچوي.
دا په داسې حال کې ده، چې د پاکستان په هوايي بريدونو کې د پکتيکا درې ښځې او درې ماشومان وژل شوي او دوه نورو میرمنو د خوست په سپیره ولسوالۍ کې خپل ژوند له لاسه ورکړیدی.
تازه خبرونه
په پکتیکا او خوست کې د پاکستان هوایي بریدونه پر افغان خاورې ښکاره تېری دی – مجاهد
د اسلامي امارت ویاند څرګنده کړې، چې تېره شپه شاوخوا ۳ بجې پاکستانیو الوتکو د پکتیکا ولایت د برمل لمنه او د خوست سپیرې ولسوالۍ د افغان دوبۍ په اړوند سیمو کې د عامو وګړو پر کورونو بمبارد کړی دی.
ذبیح الله مجاهد د دوشنبې پر ورځ ( د کب پر اتهویشتمه ) په ایکس پاڼه کې یاد بريدونه پر کلکو ټکو غندي او دغه غيرسنجيده اقدام د افغانستان پر حریم تجاوز او تېری بولي.
ذبیح الله مجاهد وایي؛ د دې هوایي تېري په پایله کې د پکتیکا ۶ کسان ۳ ښځینه او ۳ ماشومان وژل شوي او یو کور نړیدلی. دغه راز په خوست ولایت کې یو کور نړیدلی ۲ ښځې وژل شوي دي.
ذبیح الله مجاهد د دغو بریدونو په غبرګون کې څرګنده کړې؛ د افغانستان اسلامي امارت، چې د نړۍ د زبرځواکونو پرخلاف د ازادۍ د اوږدې مبارزې تجربه لري، هیچاته پخپله خاوره د تېري اجازه نهورکوي.
هغه ویلي: د عبدالله شاه په نامه کس، چې پاکستاني اړخ یې په پېښه کې د پر نښه کېدو ادعا لري؛ هغه په پاکستان کې دی. بله دا، چې د یادو سیمو په دواړو غاړو کې یو قوم اوسیږي، چې ورځنی تګ راتګ او ګنې خپلویانې لري.
د نوموړي په خبرپاڼه کې راغلي: پاکستانی ولس او نوی ملکي حکومت باید پرېنږدي، چې د پوځ څو جنرالان په دغه ډول بې باکه کړنو سره تېرو شل کلونو ته ورته د نورو جهتونو د ګټو لپاره خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.
مجاهد زیاته کړې: پاکستان باید پخپله خاوره کې د پېښو د نه کنترول، ناتواني او ستونزو پړه پر افغانستان وانچوي؛ ځکه داسې پېښې خورا بدې پایلې درلودلی شي، چې بیا به یې کابو کول د پاکستان په اختیار کې نه وي.
د افغانستان اسلامي امارت هیچاته اجازه نهورکوي، چې د افغانستان له خاورې څخه د چا امنیت خراب کړي.
دا په داسې حال کې ده، چې د شنبې پر ورځ وسلهوالو د پاکستان په میرعلي سیمه کې د امنیتي ځواکونو پر پوسته له چاودیدونکیو توکو ډکې لارۍ ته چاودنه ورکړ شوه او د پاکستان د پوځ اووه سرتېري او دوه افسران یې ووژل.
-
لوبی5 days ago
راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو
-
تازه خبرونه2 days ago
د هند د یوه پوهنتون په لیلیه کې پر لمونځ کوونکیو برید شوی
-
تازه خبرونه1 day ago
په نوي تعلیمي کال کې دې د نجونو ښوونځي او پوهنتونونه پرانیستل شي – حامد کرزی
-
تازه خبرونه5 days ago
د افغانستان امانت صندوق تر اوسه ۲۷۰ میلیون ډالر ګټه کړې – انوارحق احدي
-
نړۍ2 days ago
د آیسلینډ اورشېندنې یو ځل بیا سرراپورته کړ
-
تازه خبرونه2 days ago
په بدخشان کې د سرو زرو کان د نړېدو له کبله دوه کارګر مړه شوي
-
نړۍ1 day ago
شمالي کوریا یو بالسټیک توغندی وتوغاوه
-
تازه خبرونه2 days ago
خبریالان د ملت او نظام د وصل استازي دي-ذبیح الله مجاهد