سیمه ییز خبرونه
ناتو او آيساف په افغانستان كې د رڼو او سراسري ټاكنو ډاډ څرگند كړ
په افغانستان كې د بهرنيو ځواكونو وياندويان وايي، چې:
د افغانستان د راتلونكو ولسمشريزو ټاكنو د امنيت د خونديتوب لپاره تيارى نيسي.
ناټو او آيساف پر وسله والو طالبانو غږ وكړ، چې:
كه د سولې له بهيرسره يو ځاى نه شي؛ نو له منځه به يې يوسي.
كه څه هم، چې د افغانستان راتلونكو ولسمشريزو ټاكنو ته اوولس مياشتې پاتې دي، خو د رايو د مركزونو د خونديتوب په اړه په سياسي غونډو كې اندېښنې څرگنديږي.
په افغانستان كې د ناټو وياند دومنيك ميډلي وايي:
د ناتو او آيساف متحدين په افغانستان كې دموكراتيك بهير ته سترگې په لاردي. موږ د اساسي قانون پر بنسټ د افغانستان له ثبات او امنيت سره مرسته كوو.
كه څه هم، چې نړيوالو ځواكونو په افغانستان كې د خپلو سرتېرو پركمولو پيل كړى؛ خو په كابل كې د آيساف وياند گونتر كتز وايي، چې:
له افغان ملگرو سره يو ځاى به پر وسله والو فشار زيات كړو، دوى د سولې له بهير سره له يو ځاى كيدو، بندي كيدو او يا هم وژل كيدو پرته بله لاره نلري.
دا څرگندونې په داسې حال كې راپورته شوي، چې د افغانستان د بهرنيو چارو وزارت له دې وړاندې ويلي ول، چې د پاكستان استخباراتو د خپل نفوذ له مخې هغه طالبان نيولي او يا هم گواښلي، چې غوښتل يې له تاوتريخوالي لاس واخلي.