تازه خبرونه
نجونې کولی شي د خپلې خوښې وړ څانګې وټاکي ـ د لوړو زدکړو وزارت
د افغانستان اسلامي امارت د لوړو زدکړو وزارت څرګنده کړې، چې د کانکور په ملي ازموینه کې ټولو ګډون کوونکیو ته اجازه ورکول کېږي، چې د خپلې خوښې وړ پوهنځي وټاکي او په دې اړه موم خنډ نشته.
د دغه وزارت چارواکو هم نن سې شنبه ویلي، چې دوی هڅه کوي د پوهنې په برخه کې نورې ډېرې آسانتیاوې رامنځته کړي.
د کانکور يو شمېر دکوونکي وايي، که د نجونو لپاره د زدکړو زمينه محدوده شي؛ نو ډېرې به يې زدکړې پرېږدي او يا به له زدکړو پاتې شي.
يوې زدکوونکې شکيلا ويلي: د څانګې ټاکنه يو انساني ارزښت دی او بايد محدود نشي.
یوه بله زدکوونکې وایي: که د خپلې خوښې د څانګه له ټاکلو بې برخې شم؛ زدکړې به پرېږدم.
تمه ده، چې د سږکال په کانکور ازموینه کې ۱۰۰ زره زدکوونکي برخه واخلي. په همدې حال کې محصلینو له حکومته وغوښتل، چې د کانکور ازموینې په ورځ دې د ګډون کوونکیو امنیت ټینګ کړي.
د آی اس آی امنیتي چارواکو ویلي، چې د کانکور ازموینې په ورځو کې به جدي امنیتي تدابیر ونیول شي.