Connect with us

تازه خبرونه

هره میاشت په افغانستان کې له ۱۲۰ څخه تر ۱۵۰ هېوادوال په ماین چاودنو کې زیانمنیږي

خپور شوی

د

(Last Updated On: وری ۱۸, ۱۴۰۱)

له طبیعي پېښو سره د مبارزې په چارو کې د دولت وزارت څرګنده کړې؛ اوس هم هره میاشت له ۱۲۰ څخه تر ۱۵۰ پورې افغانان د ماینونو او ناچاودېدونکیو توکو د شتوالي له کبله مري یا هم د بدن غړي له لاسه ورکوي.

له طبیعي پېښو سره د مبارزې په چارو کې د دولت وزیر دغه څرګندونې په کابل کې د ماین پاکۍ د نړیوالې ورځې په مناسبت په جوړو شویو مراسمو کې کړي او په افغانستان کې یې د ماین پاکۍ له نړیوالو ټولنو غوښتي، چې د ماین پاکۍ بشري بهیر سیاسي نکړي او په دې برخه کې دې له حکومت او خلکو سره همکاري وکړي.

له طبیعي پېښو سره د مبارزې په چارو کې د دولت وزارت چارسمبالی محمد عباس اخوند ډاډ ورکوي: مونږ د ماین پاکۍ له ټولو ادارو سره ګډ کار کوو او چمتو یو، چې د اړتیا په صورت کې هر ډول آسانتیاوې ورته برابرې کړو.

له بلې خوا د ملي دفاع وزارت سرمفتش ويلي، چې په کابل کې د اسلامي امارت له بیا واکمېدو وروسته د ماین پاکۍ په برخه کې د بهرنیو مرستو کمېدل د دې لامل شوي، چې په دې برخه کې اړوند بنسټونه له ستونزو سره مخ او ظرفیتونه یې لږ شي.

د ملي دفاع وزارت سرمفتش مفتي لطف الله حکیمي وایي: له هخغې وروسته، چې نوی حکومت واک ته ورسېد؛ بهرنۍ مرستې کمې شوې او د ماین پاکۍ د بنسټونو ظرفیت هم ورسره کم شو او دغه بنسټونه اړ شول، چې خپلې ادارې محدودې کړي. زه فکر کوم، چې په دې برخه کې د ظرفیت لوړولو ته اړتیا ده.

دغه راز د ماین پاکۍ د نړیوالو موسسو یو شمېر چارواکو هم په دې مراسمو کې د همکارۍ ژمنه وکړه او ټینګار څرګندوي، چې په افغانستان کې د ماین پاکۍ د موسسو فعالیتونه باید د پخوا په پرتله نور هم همغږي شي.

د ماین پاکۍ او بشري مرستو (DRC) د انسټیټیوټ مشر سوران ادثر وایي: د ماین پاکۍ په برخه کې زمونږ هڅې باید همغږې وي او ټولې چارې به د افغانستان د طبیعي پېښو پر وړاندې د مبارزې له وزارت سره پر همغږۍ ترسره کېږي. زه د طبیعي پېښو پر وړاندې د مبارزې وزارت له مشرتابه څخه د دوی له همکارۍ مننه کوم.

په دې مراسمو کې د لومړي وزیر د لومړي مرستیال ملا عبدالغني برادر پيغام هم ولوستل شو او د ماین پاکۍ موسسو ته د لازمې همکارۍ ډاډ څرګند شو.

د طبیعي پېښو پر وړاندې د مبارزې وزارت د څرګندونو له مخې؛ په ۲۰۲۱ کال کې د ماین چاودنو له امله ۱۰۱۶ کسان زیانمن شوي، چې ډېری یې ماشومان دي.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!