تازه خبرونه
هغه وخت به هم راشي، چې اسلامي امارت پر نورو بندیزونه ولګوي – عبدالحکیم شرعي
د عدلیې وزارت چارسمبالي د اروپايي ټولنې لهخوا د بندیزونو په غبرګون کې څرګنده کړې؛ هغه وخت به هم راشي، چې اسلامي امارت پر نورو بندیزونه ولګوي.
له هغې یوه ورځ وروسته، چې اروپايي ټولنې د اسلامي امارت پر درې چارواکو نوي بندیزونه ولګول؛ د عدلیې وزارت چارسمبالي څرګنده کړه؛ هغه وخت به هم راشي، چې اسلامي امارت پر نورو بندیزونه ولګوي.
عبدالحکیم شرعي د اسلامي امارت له هغو درې چارواکو څخه دی، چې نوم یې په دې وروستیو کې د اروپايي ټولنې د بندیزونو په نوملړ کې راغلی دی.
د عدلیې وزارت چارسمبالي عبدالحکیم شرعي دا هم ويلي؛ امریکا په افغانستان کې له ماتې سره – سره له افغان ولس سره خپله دښمني نه بندوي او د افغانستان په فضا کې د امریکایي بې پیلوته الوتکو ګزمه نیم ساعت هم نهدریږي.
شرعي وايي، چې اسلامي امارت په افغانستان کې د امریکا استازي ته ویلي: دوی اندېښمن دي، چې دا درون الوتکې داعش او که د اسلامي امارت مشران تعقیبوي؛ ځکه، چې امریکا د اسلامي امارت د مشرانو لپاره انعام ټاکلی دی.
عبدالحکيم شرعي په افغانستان کې حاکم نظام پياوړی او ځانګړی وباله او وايي؛ که دا نظام پاشل کیږي، نو له داخله به پاشل کیږي.
د لوړو زده کړو وزارت چارسمبالي د ندا محمد ندیم هم په دې غونډه کې ویلي؛ افغانستان د ساینس په برخه کې لاس ته راوړنې لري او پر نصاب کار کول هم له دغو لاسته راوړنو یوه برخه ده.
هغه وایي؛ ټولې ادارې پر کار بوختې دي او د خلکو خدمت کوي.
نوموړی زیاته کړې؛ د لوړو زدهکړو وزارت د څېړنو په څانګه کې د مرستیالانو په ټاکنه او د استادانو په ګمارنه کې هم د پام وړ دندې ترسره کړې دي.
د لوړو زدهکړو وزارت لهخوا د کابل پوهنتون په انګړ کې د اسلامي فرهنګ د استادانو، امامانو او د دولتي پوهنتونونو د دعوت او ارشاد د مبلغینو لپاره یو دیني او علمي سیمینار د درې ورځو لپاره جوړ شو، چې د محمدي شريعت له مخې د فکرونو د سمولو او د محصلانو د سیرت او صورت پر سمولو سربېره؛ علمي بحث او د ګډونوالو تر منځ د تجربو شریکول د دې سیمینار بل هدف دی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه