تازه خبرونه
هند افغانستان ته د طبي مرستو لسمه ټولګه راورسوله
د هند د بهرنیو چارو وزارت څرګنده کړې، چې هند د شنبې پر ورځ افغانستان ته د طبي مرستو لسمه ټولګه وسپارله.
دغه طبي توکي، چې له افغانستان سره د هند د بشري مرستو یوه برخه ده؛ په کابل کې د اندرا ګاندي روغتون ته وسپارل شول.
هند تر اوسه له افغانستان سره په ۱۰ ټولګو کې ۳۲ ټنه طبي مرسته کړې ده. په دې مرستو کې بېړني اړین درمل، د نري رنځ ضد درمل، ۵۰۰ زره خوراکه د کرونا ویروس واکسین او نور اړین درمل شته دي.