سیمه ییز خبرونه
هند او روسيه د افغانستان د جگړې د پاى ته رسولو لپاره گډ دريځ لري
د هند لومړى وزير وايې، وېره اچونكي بايد د افغانستان د سولې په پروسه كې د افغان دولت او نړېوالې ټولنې شرطونه ومني.
د روسيې او هند جگپوړو چارواكو په نوي ډيلي كې د دواړو هېوادونو د ديارلسمې كلنۍ ناستې په پاى كې وويل:
افغانستان ته د ثبات د را گرځولو لپاره همكاري كوي.
د هند لومړي وزير من موهن سنگ ترهگري او بنسټ پالنه افغانستان او سيمې ته گواښونه بولي او زياتوي هند او روسيه په افغانستان كې د ثبات د ټينگښت لپاره گډې موخې لري.
نوموړى زياتوي، چې هند او روسيه د يوه باثبات، يو موټي، دموكراتيك، بريالي، د بهرنيو له لاسوهنو، ترهگري او بنسټ پالنې څخه د خلاص افغانستان لپاره گډ نظر لري.
هند د سيمې يو هېواد دى، چې له افغانستان سره يې د اړيكو دوام د ستراتيژيك تړون پر بنسټ تضمين شوى.
وېل كېږي پاكستان، چې په سيمه كې د هند سيال هېواد دى، د ترهگرو د ملاتړ تورونه پرې لگېدلي او له افغانستان سره په خوا كې پروت دى، د هند او افغانستان تر منځ نږدې اړيكې د اندېښنې وړ بولي.
په همدې حال كې د هند لومړى وزير وايي، هند او روسيه د افغانستان روان حالات څاري او زياتوي، چې مونږ د افغانستان روان حالات څارو، او د ترهگرۍ او نشه يي توكو له اړخه د را ولاړو شويو گواښونو پر وړاندې د همكاريو لپاره هوكړه لرو.
د افغانستان د سولې له بهير څخه د هند او روسيې ملاتړ بل مورد وو، چې په گډې اعلاميه كې ورته اشاره وشوه.
هند او روسيې په گډه اعلاميه كې داسې وويل، هند او روسيه له وسله والو مخالفينو سره د خبرو لپاره د افغان دولت له هڅو ملاتړ كوي، په دې شرط، چې دا بهير د افغانانو په مشرۍ وي او جگړه مار د نړيوالې ټولنې له لوري ټاكل شوې سرې كرښې رعايت كړي.
دا څرگندونې په داسې حال كې بېانېږي، چې ټاكل شوې د ناټو جگړييز ماموريت د ۲۰۱۴ كال تر پاېه بشپړ شي او د ترهگرو پر وړاندې د جگړې مسئوليت به افغان ځواكونه په غاړه واخلي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
سیمه ییز خبرونه4 days ago
په هر حال پر رفح برید شونی دی – نتانیاهو
-
لوبی4 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه4 days ago
نړیوال بانک له افغانستان سره ۸۴ میلیون ډالر مرسته ومنله
-
تازه خبرونه5 days ago
روسیې پر اوکراین د شمالي کوریا توغندي توغولي
-
لوبی4 days ago
خراسان فاریاب میوند لوبډلې ته ۳ـ۱ ماته ورکړه
-
نړۍ4 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی2 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه3 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور