تازه خبرونه
هیڅوک د افغان حکومت د جوړښت بدلو حق نلري-حمدالله محب
د افغانستان د ملي امیت سلاکار حمدالله محب په خپل یو تویت کې ګواښ کړی؛ هیڅوک ان د هېوادونو په ګډون دا صلاحیت نلري، چې د افغانستان له اساسي قانون سرغړونه وکړي او د دغه هېواد د حکومتدارۍ په جوړښت کې بدلون رامنځته کړي.
د هېواد د ملي امنیت سلاکار وايي:په افغانستان کې د سولې راتلو په خاطر د نړیوالو له پاملرنې او زمونږ د شریکانو په ځانګړي توګه د امریکا متحدو ایالتونو، د متحدو عربي اماراتو او سعودي عربستان له هڅو مننه کوو؛ خو روان ګومانونه جدي وضاحت ته اړتیا لري.
نوموړي زیاته کړې، چې د سولې لپاره هڅې ستراټیژيک زغم او زړورتیا ته اړتیا لري، نه بې لارې بدلون ته.
د افغانستان د ملي امنیت سلاکار دا ټینګار هم کړی، چې د افغانستان او امریکا اړیکې د دوه اړخیزې هوکړې له مخې رامنځته شوې دي.
د نوموړي د څرګندونو له مخې؛ د افغانستان خلک د تل پاتې سولې غوښتونکي دي؛ نه د داسې یوې معاملې، چې زمونږ قربانۍ له پامه وغورزوي.
دا په داسې حال کې ده، چې تېره ورځ په ابوظبي کې د طالب استازیو او امریکا درې ورځنۍ خبرې پای ته ورسېدې او زلمی خلیلزاد د افغان حکومت له مشرانو سره د خبرو لپاره کابل ته راغلی دی. په دې درې ورځنۍ ناسته کې د بهرنیو ځواکونو وتل، د هوایي بریدونو پای ته رسیدل او د طالب بندیانو خلاصون د دې ناستې مهم مسایل ول.
دغه راز ځینې سرچینې وایي، چې په دې ناسته کې په اوربند، د ملي یووالي له حکومت سره د خبرو په پیل، د لنډ مهال حکومت په جوړیدو او ټاکنو هم بحث شوی؛ خو طالبانو ویلي، چې په دې برخه کې د دوی دریځ له وړاندې څرګند دی او پرې خبرې نه کیږي.
د یادونې ده، چې د افغانستان او امریکا ترمنځ د اوږد مهالو ستراتیژیکو همکاریو هوکړه، چې د ۲۰۱۲ کال د مۍ په ۲ مه لاسلیک شوې؛ د همدې امنیتي او دفاعي هوکړه لیک پر مواردو، چې د ۲۰۱۳ کال د نومبر۲۱ / د ۱۳۹۲ل کال د لړم پر ۳۰ افغان لوریو لاسلیک کړی له بشپړ ټینګار سره دواړو لوريو ژمنه کړې، چې د ګډو ګټو پر بنسټ اوږدمهاله ستراتیژیکې همکارۍ باید پیاوړې کړي. لکه: د سولې، امنیت او ثبات پراختیا؛ د دولتي ادارو پیاوړتیا؛ د افغانستان اوږدمهاله اقتصادي او اجتماعي انکشاف او د سیمه ییزو همکاریو هڅول.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
سیمه ییز خبرونه23 hours ago
په عراق کې به همجنسبازان پر۱۵ کاله بند شي –پارلمان
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه22 hours ago
ترکمنستان د ټاپي پروژې بشپړولو ته ژمن دی – امانوف
-
لوبی20 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل