تازه خبرونه
واشنګټن د افغانستان په اړه اړین معلومات پټوي – سیګار
د افغانستان د بیارغونې لپاره د امریکا ځانګړي سرمفتش جان سیپکو د جمعې پر ورځ ویلي؛ هغه د امریکا بهرنیو چارو او دفاع وزارتونو د افغانستان د پوځي او سیاسي ځواکونو د ناکامیو په اړه د خپلو کارونو ډېره برخه پټه کړې ده.
د سیګار مشر جان سیپکو زیاته کړې؛ یوازې هغه مهال په افغانستان کې د رامنځته شوي وضعیت بشپړ انځور ترلاسه کېدای شي، چې د امریکا بهرنیو چارو او دفاع وزارتونه محدود شویو معلوماتو ته د لاسرسي اجازه ورکړي.
د امریکا بهرنیو چارو وزارت څرګنده کړې؛ د امنیتي اندېښنو له کبله یې له افغانستان څخه د وتلو په اړه یو شمېر راپورونو ته په لنډمهاله توګه لاسرسی محدود کړی دی.
د امریکا بهرنیو چارو وزارت په دې اړه ویلي؛ غواړي ډاډ تر لاسه کړي، چې د هغو افغانانو او ټولنو د پېژندلو په اړه معلومات له دې راپورونو لرې شي، چې له امریکا سره همکار ول.
همدارنګه د سیګار مشر جان سیپکو د امریکا کانګرس ته په خپل تازه استولي راپور کې څرګندوي؛ سره له دې، چې د امریکا کانګرس ماموریت ورسپارلی، خو د مخکیني افغان ولسمشر اشرف غني په غوښتنه د امریکا دفاع وزارت له ۲۰۱۵ کال راپدیخوا د افغانستان حکومت او پوځ د سقوط په اړه ځینو معلوماتو ته لاسرسی محدود کړی دی.
د امریکا دفاع وزارت د سیګار د دې راپور د خپرېدو تر مهاله په دې اړه غبرګون ندی څرګند کړی.
جان سیپکو د جمعې پر ورځ خبریالانو ته ویلي؛ د امریکا بهرنیو چارو وزارت ترې غوښتي له خپلو راپورونو دې په ۲۴۰۰ مواردو کې معلومات لرې کړي، خو په وینا یې له بیا کتنې وروسته یې ایله څلور موارد داسې وموندل، چې باید لرې شي او نور یې پر ځای پرېښودل.
د سیګار مشر وايي؛ په دې لړ کې ځینې داسې ‘عجیبې او غریبې’ غوښتنې هم وې، چې یوه یې له راپوره د مخکیني ولسمشر اشرف غني د نامه لرې کول دي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه10 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
سوداگري22 hours ago
د اوسپنې پټلۍ له لارې ترکیې ته د افغانستان صادرات پیل شول
-
نړۍ8 hours ago
د مالیزیا بحري ځواکونو د چورلکو په ټکر کې ۱۰ کسان مړه شول